14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Հայաստանի և Ադրբեջանի միջև խաղաղության հռչակագիրը վերահաստատեց՝ Դոնալդ Թրամփը խաղաղության նախագահ է․ Պետդեպի խոսնակ
Քաղաքականություն
13.08.2025 | 11:11
Հայաստանի և Ադրբեջանի միջև ստորագրված խաղաղության հռչակագիրը վերահաստատեց, որ Դոնալդ Թրամփն իսկապես խաղաղության նախագահ է։ Այս մասին ճեպազրույցում հայտարարել է ԱՄՆ Պետքարտուղարության խոսնակ Թեմի Բրյուսը։
«Անցյալ շաբաթ նա Սպիտակ տանը հյուրընկալեց Հայաստանի և Ադրբեջանի առաջնորդներին, որտեղ նրանք ստորագրեցին խաղաղության պատմական համատեղ հռչակագիր տասնամյակներ տևած դառը հակամարտությունից և չափազանց շատ մարդկային կորուստներից հետո։ Միջազգային դիվանագիտության համար նշանակալի նվաճում և բռնության դադարեցում, որը միայն նախագահ Թրամփը կարող էր իրականացնել»,- հայտարարել է Բրյուսը։
Նա հիշեցրել է, որ Հայաստանն ու Ադրբեջանը նաև երկկողմ տնտեսական համաձայնագրեր են ստորագրել Միացյալ Նահանգների հետ՝ բացահայտելով Հարավային Կովկասի տարածաշրջանի մեծ ներուժը առևտրի, տարանցման, էներգետիկայի, ենթակառուցվածքների և տեխնոլոգիաների ոլորտում։
«Սա նոր հնարավորություններ է ստեղծում ամերիկյան ժողովրդի և ամերիկյան բիզնեսի համար»,- հավելել է ամերիկացի պաշտոնյան։
