Իսրայելի պաշտպանության բանակը հայտնել է, որ հոկտեմբերի 7-ին 190 արկ է արձակվել Լիբանանից «Հըզբոլլահ» խմբավորման կողմից։ Ըստ իսրայելացի զինվորականների՝ տուժել է առնվազն 12 մարդ, պարզաբանում է Reuters-ը։ Հրթիռային նախազգուշացումներ են հնչել Իսրայելի հյուսիսում, ներառյալ Ավիվիմ և Կիրյաթ Շմոնա շրջանները: Իրանի կողմից աջակցվող լիբանանյան «Հըզբոլլահ» խմբավորումն իր հերթին հայտարարել է, որ «Ֆադի-1» հրթիռներով հարվածել է Հայֆայից …

Իսպանիայի խորհրդարանի պատգամավոր Ջոն Ինյարիտուն կարծում է, որ Ադրբեջանը միտված չէ Հայաստանի հետ կայուն խաղաղության հասնելուն։ «Արմենպրես»-ին տված հարցազրույցում, անդրադառնալով խաղաղության պայմանագիրը համաձայնեցված կետերով ստորագրելու Հայաստանի առաջարկն Ադրբեջանի կողմից մերժելու հարցին, Ջոն Ինյարիտուն նշել է, որ Ադրբեջանն այդպիսի մարտավարությամբ նպատակ ունի Հայաստանին զիջումներ պարտադրել։ «Ադրբեջանի այդ դիրքորոշումը, հավանաբար, բխում է ինչպես այդ երկրի քաղաքականությունից, այնպես …

Մարդու իրավունքների պաշտպան Անահիտ Մանասյանը հոկտեմբերի 7-ին ընդունել է Հայաստանում ՄԱԿ-ի մշտական համակարգող Ֆղանսուազ Ժակոբին։ Այս մասին հայտնում են ՄԻՊ գրասենյակից։ Ողջունելով հյուրին՝ Անահիտ Մանասյանն ընդգծել է ՄԱԿ-ի հետ փոխգործակցության կարևորությունն ու կյանքի կոչվող համատեղ ծրագրերի արդյունավետությունը։ Զրուցակիցները քննարկել են Պաշտպանի աշխատանքային առաջնահերթությունները, գործունեության ուղղությունները, ինչպես նաև մեր երկրում մարդու իրավունքների պաշտպանության ոլորտում առկա մարտահրավերները։ …

Աշխարհի խոշորագույն հումքային բորսաների հոկտեմբերի 7-ի առևտրային նստաշրջանների արդյունքում սահմանվել են նավթի հետևյալ գները.Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 2.36%-ով և կազմել 75.87 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 2.57%-ով և կազմել 79.70 դոլար: Նավթի չափման միավորը բարելն է: …

Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները հոկտեմբերի 8-ի դրությամբ՝ ըստ rate.am-ի: Ամերիկյան մեկ դոլարը գնվում է միջինը 384․72 և վաճառվում՝ 389․55 փոխարժեքով: Մեկ եվրոն գնվում է միջինը 419,22 և վաճառվում՝ 430,83 փոխարժեքով: Մեկ ռուսական ռուբլին գնվում է միջինը 3,91, վաճառվում՝ 4,20 փոխարժեքով։

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար:

Tesla-ի, SpaceX-ի, OpenAI-ի համահիմնադիր Իլոն Մասկը հատուկ ուղերձ է հղել Երևանում անցկացված Նորարարության և տեխնոլոգիաների համաշխարհային կոնգրեսի (WCIT2024) մասնակիցներին: «Արմենպրես»-ի փոխանցմամբ՝ ուղերձը հնչեցրել է Viki, Pixel Labs, ինչպես նաև աշխարհահռչակ ֆուտբոլիստ Լիոնել Մեսսիին պատկանող Play Time Ventures ներդրումային ընկերության գործադիր տնօրեն, Սիլիկոնյան հովտի ձեռնարկատեր Ռազմիգ Հովագիմյանը: «Ողջունում եմ բոլորին: Ցավում եմ, որ այս անգամ չկարողացա …

Միսիսիպի և Ամազոն գետերը 2023 թվականին ծանծաղել են՝ հասնելով ռեկորդային նվազագույնի։ Այս եզրակացությանն են հանգել ՄԱԿ-ի Համաշխարհային օդերևութաբանական կազմակերպության փորձագետները։ Զեկույցը հրապարակվել է հաստատության կայքում։ Վերջին 33 տարիների դիտարկումների արդյունքների համաձայն՝ 2023 թվականի կլիման ամենամեծ ազդեցությունն է ունեցել աշխարհի ամենամեծ գետերի վիճակի վրա։ Անցյալ տարի երկարատև երաշտը նվազեցրել է գետերի հոսքը Հյուսիսային, Կենտրոնական և Հարավային …

ԱՄՆ նախագահ Ջո Բայդենի վարչակազմն Իսրայելին առաջարկել է լայն դիվանագիտական աջակցության և լրացուցիչ ռազմական օգնության «փոխհատուցման փաթեթ»՝ Իրանի որոշ օբյեկտների վրա հարձակումից հրաժարվելու համար։ Ըստ Kan-ի՝ ԱՄՆ-ի և Իսրայելի պաշտոնյաներն այդ հարցը քննարկել են վերջին մի քանի օրվա ընթացքում: Իսրայելցի անանուն պաշտոնյան Kan-ին ասել է, որ Իսրայելը «միշտ հաշվի է առնում ԱՄՆ-ի դիրքորոշումը», սակայն կանի այն …

Գերմանիայի Դաշնային Հանրապետություն կատարած աշխատանքային այցի ընթացքում Հանրապետության նախագահ Վահագն Խաչատուրյանը մասնակցել է «Համբուրգի Կայունության համաժողովի» պաշտոնական բացման հանդիսավոր արարողությանը: Համաժողովի բացմանը հաջորդել է Հանրապետության նախագահի և մասնակից երկրների նախագահների աշխատանքային ճաշը Գերմանիայի կանցլեր Օլաֆ Շոլցի հետ: Աշխատանքային ճաշի ընթացքում քննարկվել են գլոբալ խաղաղության, կայունության, անվտանգության ու զարգացման մարտահրավերներին դիմագրավելու հնարավորությունների և ուղիների վերաբերյալ հարցեր: …