Լուրեր

26 Հունվար 2018 | 16:18 Աշոտ Ղուլյանն ընդունել է ԵԱՀԿ գործող նախագահի անձնական ներկայացուցիչ Անջեյ Կասպշիկին

Արցախի Հանրապետության Ազգային ժողովի նախագահ Աշոտ Ղուլյանը հունվարի 25-ին ընդունել է ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկին։ Խորհրդարանի ղեկավարը շնորհակալություն է հայտնել Անջեյ Կասպշիկին հանդիպման նախաձեռնության համար և շնորհավորել պաշտոնում վերանշանակվելու կապակցությամբ՝ նշելով, որ նրա՝ ադրբեջանա-ղարաբաղյան հակամարտության համակողմանի իմացությունն ու երկար տարիների դիվանագիտական փորձը կնպաստեն խնդրի խաղաղ ու արդարացի լուծմանը: ԵԱՀԿ գործող նախագահի անձնական ներկայացուցիչը` …

26 Հունվար 2018 | 16:04 ԱԱԾ-ն անդրազգային հանցավոր խումբ է հայտնաբերել, որը ՀՀ տարածքով օտարերկրյա քաղաքացիների անօրինական միգրացիա է իրականացրել դեպի Իրան, ապա՝ Թուրքիա

Հայաստանի Հանրապետության կառավարությանն առընթեր ազգային անվտանգության ծառայության կողմից ձեռնարկված մեծածավալ օպերատիվ-հետախուզական միջոցառումների և քննչական գործողությունների արդյունքում բացահայտվել է անօրինական միգրացիայի կազմակերպմամբ զբաղվող անդրազգային հանցավոր խումբ, որը Հայաստանի Հանրապետության տարածքով իրականացրել է օտարերկրյա քաղաքացիների անօրինական միգրացիա դեպի Իրանի Իսլամական Հանրապետություն, ապա՝ Թուրքիայի Հանրապետություն. տեղեկացնում է ՀՀ ԱԱԾ մամուլի կենտրոնը: Մասնավորապես, 2017 թվականի հունվար-հունիս ամիսների ընթացքում ՀՀ ԱԱԾ …

26 Հունվար 2018 | 16:02 Գենետիկորեն հարստացված սնունդն առնետների մոտ ուռուցքներ է առաջացնում. Կարինե Դանիելյան

«ԱՄՆ-ում, որը հիմնականում հանդիսանում է գենետիկորեն ձևափոխված օրգանիզմների արտադրողը, այնտեղ ևս գիտնականները բարձրացրել են խնդիրը և զգուշացվել ռիսկերի մասին: Բազմաթիվ ուսումնասիրություններ կան, որոնք ցույց են տալիս, որ այդ սննդից առնետների մոտ ուռուցքներ են առաջանում»,- ԱԺ-ում «Գենետիկորեն ձևափոխված օրգանիզմներ՝ այլընտրա՞նք, թե՞ պարտադրանք» թեմայով քննարկմանն ասաց «Հանուն կայուն զարգացման» ՀԿ նախագահ Կարինե Դանիելյանը: Մանրամասները՝ տեսանյութում:

26 Հունվար 2018 | 15:46 Ադրբեջանին վաճառած զենքը մի օր կօգտագործվի հենց զենքը վաճառած երկրի դեմ. Դավիթ Բաբայան

«Մենք միշտ էլ ասում ենք, որ Ադրբեջանի պես պետությանը չի կարելի զենք վաճառել: Այդ զենքը մի օր օգտագործվելու է այն երկրների դեմ, որոնք իրեն զենք են վաճառել». անդրադառնալով օրերս ՌԴ-ի կողմից Ադրբեջանին զենքի հերթական խմբաքանակի վաճառքին, Factor.am-ի հետ զրույցում ասաց Արցախի նախագահի աշխատակազմի ղեկավարի տեղակալ Դավիթ Բաբայանը: «Նույն Աբրբեջանն արդեն ՌԴ-ի դեմ ահաբեկչական գործողություններ վարելու …

26 Հունվար 2018 | 15:29 Դավոսում վարչապետը հանդիպել է Կանադայի և ԱՄԷ խոշոր ներդրումային ընկերությունների ղեկավարների հետ

Դավոսում ընթացող Համաշխարհային տնտեսական համաժողովի շրջանակներում ՀՀ վարչապետ Կարեն Կարապետյանը հունվարի 25-ին հանդիպել է Արաբական Միացյալ Էմիրությունների Շարժայի ներդրումների և զարգացման ընկերության («Sharjah Investment and development authority») ղեկավար Բոդուր ալ Քասիմիի հետ: Հանդիպմանը վարչապետ Կարեն Կարապետյանը ներկայացրել է Հայաստանում իրականացվող բարեփոխումների ընթացքը՝ ուղղված նաև ներդրումային դաշտի բարելավմանը և բիզնեսի համար ավելի բարենպաստ պայմանների ձևավորմանը։ ՀՀ …

26 Հունվար 2018 | 15:17 Բանակում մեծ խնդիր է անպատժելիությունը. Ժաննա Ալեքսանյան

Պաշտպանության նախարար Վիգեն Սարգսյանը պաշտոնն ստանձնելուց հետո որևէ բառ չի խոսել բանակում տիրող իրավիճակի մասին: Այս մասին այսօր հրավիրված մամուլի ասուլիսին ասաց իրավապաշտպան Ժաննա Ալեքսանյանը: «Հրապարակվում են մահվան դեպքերը, ինքնասպանությունները, բայց թե ինչ է անում բանակի ղեկավարությունը կանխելու, էդ իրավիճակը փոխելու համար, ինչո՞ւ է էսպես, ոչ մի խոսք մինչև օրս Վիգեն Սարգսյանը չի ասել»,- նշեց …

26 Հունվար 2018 | 15:02 Եթե փաստեր չունեք, ինչո՞ւ եք ասում, որ գենետիկորեն հասրտացված սնունդը վտանգավոր չէ. Հրանտ Սարգսյան

«Հարգելի գիտնականն ասաց, որ վտանգ չէ գենետիկորեն հարստացված սնունդ օգտագործելը, ես գիտնական չեմ, ես քաղաքացի եմ, բայց գիտեմ, որ երբ ինչ-որ մի դեղ արտադրվում է տասնյակ տարիների փորձարկում է անցնում: Եթե փաստեր չունեք, ինչո՞ւ եք այսօր ասում, որ վտանգավոր չէ»,- ԱԺ-ում ասաց«Տապան էկո» ՀԿ նախագահ Հրանտ Սարգսյանը: Նա նշեց, որ ինչքան գումար հարկավոր է կհավաքագրվի, …

26 Հունվար 2018 | 14:48 Եվրոպայում քրդերը բողոքում են Թուրքիայի Աֆրին ներխուժելու համար

Եվրոպայում բնակվող քրդերը մի շարք քաղաքներում բողոքի ակցիաներ են նախաձեռնել՝ ընդդեմ Սիրիայի Աֆրին քրդաբնակ շրջանում Թուրքիայի նախաձեռնած ռազմական գործողութանը.փոխանցում է EH-ն: Ըստ թրդական «ANF» լրատվական գործակալության՝ քրդերը տարբեր ակցիաների միջոցով պահանջել են վերջ դնել Թուրքիայի զավթողական գործողություններին և իրենց աջակցությունն են հայտնել Աֆրինում դիմադրող իրենց ազգակիցներին: Աղբյուրը մանրամասներ է ներկայացրել որոշ քաղաքներում տեղի ունեցած …

26 Հունվար 2018 | 14:43 2017-ին Զինված ուժերում արձանագրվել է ինքնասպանությունների 10 դեպք. Արթուր Սաքունց

«Մենք արդեն հրապարակել ենք 2017 թվականին բանակում մահացությունների թիվը, մեր տվյալներով այն կազմում է 60, մեկ զոհի մասին ՊՆ-ն մեկնաբանեց, որ արդեն զորացրված է եղել: Մենք որոշ տվյալներ ճշտելուց հետո ևս կանդրադառնանք զոհերի թվին, նախնական տվյալներով այն 62-ն է»,- այսօր հրավիրված ասուլիսին ասաց ՀՔԱՎ գրասենյակի ղեկավար Արթուր Սաքունցը: Ըստ Սաքունցի՝ զոհերի 45-50 տոկոսը հրադադարի խախտման …

26 Հունվար 2018 | 14:28 Սեֆիլյանի գործով դատարան կբերվեն Պավել Մանուկյանն ու Վարուժան Ավետիսյանը

Ժիրայր Սեֆիլյանի և մյուսների գործով այսօրվա դատական նիստին, փաստաբան Արայիկ Պապիկյանը միջնորդություն ներկայացրեց, որպեսզի գործին որպես վկա ներգրավեն «Սասնա ծռեր» խմբի անդամ Վարուժան Ավետիսյանին: «Այս ամենը կարող է էական նշանակություն ունենալ, ինչպես այս գործով իմ պաշտպանյալ Ժիրայր Սեֆիլյանի, այնպես էլ մյուս գործով իմ պաշտպանյալ Վարուժան Ավետիսյանի, նաև այս դատաքննության համար»,- ասաց փաստաբանը: Փաստաբան Տիգրան Եգորյանն …