16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Վերջին երկու ամսում ՀՀԿ շարքերը լքելու համար դիմել է 500, միանալու համար՝ 50 անձ
Քաղաքականություն
25.05.2018 | 16:46
«Թավշյա հեղափոխության ընթացքում և դրանից հետո, նախկին իշխանությունների հայրենի կուսակցությունից արտահոսք է սկսվել։ Այլևս ընդդիմադիր ՀՀԿ-ի շարքերը վերջին երկու ամսում լքելու համար դիմողների թիվը շուրջ 500 է»,- այս մասին Factor.am-ի հետ զրույցում ասաց ՀՀԿ կազմակերպչական հանձնաժողովի նախագահ Ռուբեն Թադևոսյանը:
«Տվյալներն ամփոփվում են, բայց դուրս գալու դիմումները քիչ են գրել, այն ինչը մամուլում շրջանառվում է հեռու է իրականությունից։ Հստակ թիվը մոտ օրերս կհրապարակենք, մոտ 500 է, բայց դա դեռ վերջնական չէ։ Այս պահին տարածքայիններից արձանագրված է 500-ից մի փոքր ավել ՀՀԿ անդամակցությունից հրաժարվելու համար դիմումներ»,- ասաց նա:
Թադևոսյանը հավաստիացրեց, որ կուսակցության շարքերը ոչ միայն լքում են, այլ նաև միանում ՀՀԿ-ին․ «Տասնյակներով միացողներ եղել են և հիմա դա էլ ենք ճշտում, նորմալ պրոցես է գնում, անդամագրվողների թիվը 50-ից ավելի է։ Չեմ կարծում, որ ինչ-որ արտառոց բան կա, թե՛ անդամագրվելու, թե՛ հրաժարվելու մասով»։
