10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Ոստիկանները դժգոհում են ցածր աշխատավարձերից ու ցույցե՞ր անում․ ոստիկանությունից հերքում են
Հասարակություն
25.05.2018 | 16:09
Այսօր ահազանգ ստացանք, որ ոստիկանության Դավիթաշենի բաժնի աշխատակիցները ցածր աշխատավարձից և գերծանրաբեռնված աշխատանքից դժգոհելով դադարեցրել են աշխատանքն ու պատրաստվում են ոստիկանության շարքերը լքելու դիմումներ ներկայացնել։
Ոստիկանության լրատվության վարչության պետ Աշոտ Ահարոնյանը Factor.am-ի հետ զրույցում հերքեց տեղեկությունը՝ ասելով, որ դա իրականությանը չի համապատասխանում։
Նշենք, որ ոստիկանության աշխատակիցները դժգոհում են ստացած 110 հազար դրամ աշխատավարձից, նրանք նախկինում ևս այդքան գումար են ստացել, բայց «Ժողովուրդ» օրաթերթի հրապարակման համաձայն, կարողացել են զուգահեռ այլ աշխատանքներ էլ կատարել և ընտանիք պահել, իսկ հիմա երբ նոր ոստիկանապետ է նշանակվել Վալերի Օսիպյանը, ըստ թերթի տեղեկությունների, աշխատանքի ռեժիմը խստացվել է։
