Սեպտեմբերի 12-ին Կանադայում ՀՀ դեսպան Լևոն Մարտիրոսյանն իր հավատարմագրերն է հանձնել Կանադայի Գեներալ Նահանգապետ Դեյվիդ Ջոնսթոնին: Արարողությանը, որը տեղի է ունեցել Գեներալ Նահանգապետի նստավայր Քեբեք քաղաքի ամրոցում, ներկա էր նաև Կանադայի նորանշանակ Գեներալ Նահանգապետ Ժուլի Պայետը, ով իր պաշտոնը ստանձնելու է 2017թ. հոկտեմբերի 2-ին: Այս մասին հայտնում են ՀՀ ԱԳՆ լրատվական ծառայությունից։  Գեներալ Նահանգապետ Ջոնսթոնը, …

2017թ. սեպտեմբերի 17-ին և 18-ին, ժամը 10.30-ից մինչև 20.00-ն, «Խաչվերաց» տոնի կապակցությամբ Կենտրոնական գերեզմանատուն տանող Նուբարաշենի խճուղին և Նոր-Արեշի 50-րդ փողոցը հիմնականում կկարգավորվեն միակողմանի երթևեկությամբ` փակելով Էրեբունու և Գ.Մահարու փողոցների կողմից գերեզմանատան գլխավոր մուտքի ուղղությամբ և ապահովելով մուտքը Դավիթ-Բեկ փողոցի կողմից:   Այս մասին տեղեկացնում է ՃՈ-ն:

ՀՀ վարչապետ Կարեն Կարապետյանի՝ 14 Սեպտեմբեր 2017, 1019 – Ա որոշմամբ Առուշ Գագիկի Առուշանյանը նշանակվել է Հայաստանի Հանրապետության Սյունիքի մարզի Գորիսի համայնքի ղեկավարի պաշտոնակատար:

Մշակույթի նախարար Արմեն Ամիրյանն այսօր անդրադառնալով Երևանի Հովհաննես Թումանյանի թանգարանում բոլշևիկյան բռնաճնշումների մասին ցուցահանդեսի փակմանը` հայտարարել է, թե նախարարությունը տեղյակ չի եղել ցուցահանդեսի մասին: Մինչդեռ` ցուցադրությունից դեռևս երեք օր առաջ Մշակույթի նախարարության ֆեյսբուքյան պաշտոնական էջում հրապարակված է ցուցադրության վերաբերյալ տեղեկատվություն: Ինչ է սա` անտեղյակություն, թե իրողության միտումնավոր խեղաթյուրում` եզրակացությունը թողնում ենք ձեզ:

Երևանի քաղաքապետարանում տեղի է ունեցել հասարակական տրանսպորտի բարեփոխումների մասնագիտական աշխատանքային խմբի 3-րդ նիստը, որի ընթացքում խորհրդատու WYG International ընկերության ներկայացուցիչ Ջոն Կոկլոուգը ներկայացրել է «Հանրային տրանսպորտային ցանցի տարբերակները» և «Ավտոբուսային երթուղային ցանցում ուղևորահոսքերի» ընտրանքային կրկնողական ուսումնասիրության   հաշվետվությունները։ Այս մասին հայտնում են Երևանի քաղաքապետարանի տեղեկատվության և հասարակայնության հետ կապերի վարչությունից։ Հաշվետվությունների հիմնական առաջարկները վերաբերում էին առկա …

Ձյուդոյի Հայաստանի երիտասարդական հավաքականը սեպտեմբերի 15-17-ը Սլովենիայի Մարիբոր քաղաքում կմասնակցի Եվրոպայի առաջնությանը: Ավագ մարզիչ Հովհաննես Դավթյանը թիմի կազմում ընդգրկել է չորս ձյուդոյիստի: Նրանք են՝ Գասպար Հայրապետյանը, Էրիկ Հարությունյանը (երկուսն էլ՝ 55 կգ քաշային կարգ), Վահագն Չալյանը (81 կգ) եւ Գրիգոր Սահակյանը (90 կգ): Հայաստանի հավաքականն արդեն մրցավայրում է: Մինչ այդ մեր թիմը երկու ուսումնամարզական հավաք …

Այսօր տեղի է ունեցել ՀՀ կառավարության հերթական նիստը, որը վարել է ՀՀ վարչապետ Կարեն Կարապետյանը: Նախքան օրակարգային հարցերի քննարկումը՝ վարչապետը մի շարք հանձնարարականներ է տվել:  Գործադիրի ղեկավարը, անդրադառնալով գյուղատնտեսական ոլորտում պետական աջակցության զանազան ծրագրերով գյուղացիներին 2012 թվականից տրամադրված պարարտանյութերի և սերմերի դիմաց կուտակված պարտքերի հավաքագրման խնդրին, գյուղատնտեսության նախարարից հետաքրքրվել է կառավարության համապատասխան հանձնարարականի ընթացքի մասին, …

Սեպտեմբերի 28-ին, ժամը՝ 19:00-ին Գաֆէսճեան քանդակների պարտեզում (Կասկադ) կանցկացվի «Գութան» Հայաստանի ազգագրական երգի-պարի ամենամյա փառատոնը:  Այն իրականացվում է ՀՀ վաստակավոր արտիստ Արսեն Գրիգորյանի մտահաղացմամբ և նախաձեռնությամբ, ՀՀ մշակույթի նախարարության և Երևանի քաղաքապետարանի աջակցությամբ:  Ներկաները հնարավորություն կունենան ազգագրական երգերն ու պարերը վայելել ազգագրական լավագույն խմբերի կատարմամբ՝ իրենց էթնիկ տարբերակով, առանց որևէ ժամանակակից մշակումների, ամբողջությամբ կենդանի հնչողությամբ …

Factor.am-ի տեղեկություններով` այսօր Վերնիսաժում հնչած կրակոցներից վիրավորված Վահագն Աբգարյանին այս պահին վիրահատում են:    Նա վնասվածքները ստացել է ոտքերի հատվածում: Մեր տեղեկություններով` վիրավորումները երկու ոտքերից են: Թե կոնկրետ որն է եղել այս արյունալի միջադեպի պատճառը` առայժմ հայտնի չէ, սակայն նշենք, որ Վահագն Աբգարյանը Ալավերդիում հայտնի է որպես քրեական հեղինակություն և նրա անունը շրջանառվել է տարբեր …