Ազգային ժողովի նախագահ, ՀՀԿ-ական Արա Բաբլոյանը չի մասնակցի արտահերթ խորհրդարանական ընտրություններին: Այս մասին Բաբլոյանն ասաց այսօր՝ նոյեմբերի 7-ին ԱԺ-ում լրագրողների հետ զրույցում: «Հիմա պետք է ավելի երիտասարդ, բայց միաժամանակ փորձառություն ունեցող և բանիմաց մարդիկ մասնակցեն ընտրություններին: Կարծում եմ, որ նրանք առկա են»,- հավելեց նա: Լրագրողների հարցին ի պատասխան՝ Արա Բաբլոյանը վստահեցրեց, որ ԱԺ ընտրություններին չի …

Factor.am-ի հավաստի աղբյուրների փոխանցմամբ՝ դեկտեմբերի 9-ին սպասվող արտահերթ խորհրդարանական ընտրություններում Հանրապետական կուսակցության նախընտրական ցուցակը գլխավորելու է Պաշտպանության նախկին նախարար Վիգեն Սարգսյանը: Մեր աղբյուրների փոխանցմամբ՝ հնգյակում կլինեն նաև Էդուարդ Շարմազանովը, Արմեն Աշոտյանը, Արփինե Հովհաննիսյանը: Իսկ թե նշված ՀՀԿ-ականներից, ովքեր կառաջադրվեն ռեյտինգային ընտրակարգով, ավելի ուշ կտեղեկացնենք: Հիշեցնենք՝ 2017 թվականի խորհրդարանական ընտրություններին Հանրապետական կուսակցության ցուցակը կրկին գլխավորում էր …

Factor.am-ի զրուցակիցն է Հանրապետական կուսակցության խոսնակ, Ազգային ժողովի փոխնախագահ Էդուարդ Շարմազանովը: -Թեև ՀՀԿ-ն պաշտոնապես չի հայտարարել ընտրություններին մասնակցել-չմասնակցելու իր որոշման մասին, այդուհանդերձ մամուլում լուրեր են շրջանառվում, որ Ձեր կուսակցությունում փոշմանել են և չեն մասնակցելու ընտրություններին: Ի՞նչ կասեք: -Այդ հրապարակումներն անհեթեթություն են, փոշմանելու որևէ հարց չկա: Ճիշտ է՝ դեռևս որոշում չկա, բայց ՀՀԿ-ում տրամադրված են մասնակցել …

Արմավիրի մարզպետի խորհրդական Մանուկ Սիմոնյանի սպանության մեջ կասկածվող Ռուզաննա Մկրտչյանը՝ զոհի կինը, սպանության պահին եղել է աֆեկտի վիճակում։ Այս մասին Factor.am-ին ասաց Մկրտչյանի պաշտպան Նաիրա Պետրոսյանը։ Ռուզաննա Մկրտչյանը նախաքննության փուլում մեղսունակ էր ճանաչվել: Դրանից հետո, պաշտպանի միջնորդությամբ, կրկնակի դատահոգեբանական փորձաքննություն էր նշանակվել, որի արդյունքներն արդեն ստացվել են: Թե փորձաքննության այս արդյունքն ի՞նչ ընթացք կարող է …

Ազգային ժողովում այսօր շարունակվում է 2019 թվականի բյուջեի նախագծի քննարկումը։ Բյուջեի նախագծի ներկայացման համար այսօր խորհրդարան էր եկել ոչ թե Աշխատանքի և սոցիալական հարցերի նախարարի պաշտոնակատար Մանե Թանդիլյանն, այլ նրա տեղակալը։ ԱԺ սոցիալական և առողջապահական հարցերի մշտական հանձնաժողովի նախագահ Հակոբ Հակոբյանն էլ նախորդ զեկուցող Արսեն Թորոսյանին մեղադրեց այն բանում, նախարարի պաշտոնակատար Թանդիլյանը հիվանդացել և աշխատանքի …

ՀՀԿ-ն չի լինելու խորհրդարանում, որ մի հատ էլ ընդդիմություն լինի: Այս մասին այսօր՝ նոյեմբերի 7-ին, ՀՀ Ազգային ժողովում լրագրողների հետ զրույցում ասաց «Ելք» խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանը: «Իրենք պնդում են, որ եկող խորհրդարանում իրենք են լինելու ընդդիմությունը: Եվ պնդում են, որ իրենցից դուրս այլ ուժ չի կարող լինել ընդդիմություն: Այսինքն՝ այն …

Նոյեմբերի 7-ին ԱՄՆ-ում անցկացված Կոնգրեսի միջանկյալ ընտրությունների արդյունքում դեմոկրատներին հաջողվել է հանրապետականներից «վերցրել» Ներկայացուցիչների պալատում վերահսկողությունը, գրում է ՌԻԱ Նովոստին: Սենատում, սակայն, հանրապետականները ոչ միայն պահպանել են մեծամասնությունը, այլև ամրապնդել դիրքերը՝ մրցակիցներից լրացուցիչ տեղեր վերցնելով: Ավանդաբար միջանկյալ ընտրություններում հաղթում է ընդդիմությունը, քանի որ ընտրողները ձգտում են հավասարակշռել իշխող կուսակցության ազդեցությունը: Մինչ այս, հանրապետականները վերահսկում էին …

Ազգային ժողովի նախագահ Արա Բաբլոյանն այսօր 2019 թվականի բյուջեի նախագծի քննարկման ժամանակ Առողջապահության նախարարի պաշտոնակատար Արսեն Թորոսյանից հետաքրքրվեց՝ ինչո՞ւ առողջապահության ապահովագրությունը խթանելու համար հարկերի նվազեցման ճանապարհով չեն գնում: «Ի՞նչ տեղի ունեցավ 2010 թվականին, մենք ձեզ հետ միասին ընդունեցինք մի օրենք, որով տվեցինք արտոնություն, եկամտահարկից ազատեցինք ամսական մինչև 10 հազար դրամ այն վճարը, որը գործատուն կուղղեր …

Վարչապետի պաշտոնակատար Նիկոլ Փաշինյանը նոյեմբերի 8-9-ը աշխատանքային այցով կմեկնի Ղազախստանի Հանրապետություն: Նիկոլ Փաշինյանն Աստանայում կմասնակցի Հավաքական անվտանգության պայմանագրի կազմակերպության հավաքական անվտանգության խորհրդի նիստին: Այցի ընթացքում նախատեսվում է վարչապետի պաշտոնակատարի հանդիպումը տեղի հայ համայնքի ներկայացուցիչների հետ:

ՄԱԿ-ի հատուկ զեկուցող Կլեման Նյալեցոսի Վուլեն այցելել է Հայաստան։ Նոյեմբերի 7-16-ը` նա կգնահատի խաղաղ հավաքների և միություններ կազմելու իրավունքի իրականացումը: «Հայաստանը խաղաղ ժողովրդավարական անցման ուղիով է ընթանում.  այն հսկայական     ներուժ  է պարունակում   մարդու իրավունքների,  հատկապես խաղաղ հավաքների և միություններ կազմելու իրավունքի   համապարփակ    պաշտպանության  և ամրապնդման ուղղությամբ , ինչպես նաև  օրենքի գերակայության առումով՝ ժողովրդավարական ձեռքբերումներից և …