17.12.2025 | 23:17
ԵՄ-ն կոչ է անում Թբիլիսիին ազատ արձակել անօրինական ձերբակալվածներին
ԱԱԾ-ն պետք է հրաժարվի КГБ-ի գործելաոճից, այլապես կմտածենք, որ օգտագործվելու է որպես գործիք՝ ընդդիմադիրների և այլախոհների դեմ․ Արթուր Սաքունց․ ՏԵՍԱՆՅՈՒԹ
Քաղաքականություն
24.12.2018 | 13:20
Երբ ծանոթացա, թե լրագրողների համար անցկացված սեմինարի ժամանակ Ազգային անվտանգության ծառայության տնօրեն Արթուր Վանեցյանն ի՞նչ խորհուրդներ է տվել լրագրողներին, թե ինչպես պահեն իրենց այլ երկրներում, դա ինձ համար շոկային էր: «Ազգային անվտանգության մարմինների կազմավորման 100-ամյակը. ձեռքբերումներ և բացթղումներ» թեմայով քննարկման ժամանակ այս մասին ասաց իրավապաշտպան Արթուր Սաքունցը:
«Շոկային էր ոչ թե այն իմաստով, որ ԱԱԾ-ն կարող է նման բան առաջարկել, այլ շոկային էր, որ թավշյա հեղափոխությունից հետո կարող է նման բան առաջարկել: Անցած 30 տարիների ընթացքում, ցավոք, Ազգային անվտանգության ծառայությունն այդպես էլ չփոխվեց: ԱԱԾ-ն հանդիսանում է ЧК-ի (чрезвычайная комиссия-խմբ.) իրավահաջորդը, որը զբաղվում էր քաղաքական այլախոհների և քաղաքական ընդդիմադիրների դեմ պայքարով»,- հավելեց նա:
Իրավապաշտպանի կարծիքով՝ թավշյա հեղափոխության բովանդակային ցուցանիշներից մեկը պետք է հանդիսանա ԱԱԾ-ի վերափոխումն ու վերագնահատումը: «Պետք է հրապարակավ հայտարարեն, որ չեն կարող հանդիսանալ КГБ-ի իրավահաջորդը: Պետությունը պետք է հստակ պահանջ ներկայացնի՝ ԱԱԾ-ի բովանդակությունը փոխելու»,- ասաց Արթուր Սաքունցը:
Նրա խոսքով՝ այժմյան ԱԱԾ-ն ավելի փակ է աշխատում, քան պաշտպանության նախարարությունը:
«Այս ծառայությունը մնաց անձեռնմխելի, որի մասին կարելի է փսփսոցով խոսել»,- ասաց Սաքունցը՝ պնդելով, որ ԱԱԾ-ն պետք է հրաժարվի КГБ-ի գործելաոճից, այլապես «մենք կմտածենք, որ ԱԱԾ-ն շարունակելու է օգտագործվել որպես գործիք քաղաքական ընդդիմադիրների և այլախոհների դեմ»:
Մանրամասները՝ տեսանյութում
