11.08.2026 | 15:57
Քաբաբի պատմության մեջ աներն ու փեսան իրար հետ խոսել են, աները հումոր էր արել, բռնել են․ Կարապետյան. ՏԵՍԱՆՅՈՒԹ
Ինդոնեզիայում ցունամիի հետևանքով զոհերի թիվը հասել է 281-ի. զգուշացրել են նոր ցունամիի հավանականության մասին
Քաղաքականություն
24.12.2018 | 12:32
Ինդոնեզիայում ցունամին, պաշտոնական տվյալներով, 281 մարդու կյանք է խլել, 57-ն անհետ կորած է համարվում: Աղետի հետևանքով ավելի քան 3.000 մարդ է տուժել, հազարավորները տարհանվել են: Աղետի գոտում որոնողա-փրկարարական աշխատանքները շարունակվում են: Այս մասին գրում է ՌԻԱ Նովոստին՝ վկայակոչելով Detik News-ը:
Ճավա կղզու ափերին աղետի գոտի այցելած Ինդոնեզիայի նախագահ Ջոկո Վիդոդոն զգուշացրել է նոր ցունամիի հավանականության մասին՝ տեղի իշխանություններին և բնակչությանը կոչ անելով անհրաժեշտ ամեն ինչ անել՝ նոր զոհերից խուսափելու համար:
«Ինչպես տեսանք՝ աղետի գոտիները ոչ միշտ են համընկնում փրկարարական ծառայության կանխատեսումների հետ, այդ պատճառով ափամերձ շրջանները պատրաստ չէին: Նոր ցունամիի հավանականություն կա, և բնակչությունն ու համապատասխան ծառայությունները պետք է պատրաստ լինեն: Մենք պետք է խուսափենք նոր զոհերից»,- ասել է Վիդոդոն:
Երկրի ղեկավարն ավելի վաղ խոստովանել էր, որ Բնական աղետների հետևանքների հաղթահարման և փրկարարական ազգային ծառայության կանխատեսումները հստակ չեն: Ջոկո Վիդոդոն, միաժամանակ, նշել է, որ ցունամիի հստակ կանխատեսումը չափազանց դժվար խնդիր է, և խոստացել 2019 թվականին ընդհանուր ստուգումներ անցկացնել ու կատարելագործել երկրում ցունամիի մասին վաղ տեղեկացման համակարգը:
Ինդոնեզացի սեյսմոլոգները նշել են, որ աղետի գոտում հրաբխային ակտիվությունն ու նոր ստորջրյա սողանքների հավանականությունը շարունակվում է: Գիտնականների կարծիքով՝ հենց ստորջրյա սողանքներն են վերջին ցունամիի պատճառ դարձել:
