Հայաստան Համահայկական Հիմնադրամի նոր գործադիր տնօրեն Հայկակ Արշամյանը պատրաստ է ամեն ջանք գործադրել հիմնադրամի վարկանիշը բարձրացնելու եվ սփյուռքահայերի շրջանում վստահությունը մեծացնելու համար. փոխանցում է VOA-ն: Նա այս օրերին տարբեր հանդիպումներ է ունենում Լոս Անջելեսի հայ համայնքի ներկայացուցիչների հետ։

Երեկ ավարտվել են ՀՀ սպորտի և երիտասարդության հարցերի նախարարությանկողմից անցկացվող «Հայաստանի Հանրապետության մարզերի, Երևան քաղաքի ևԱրցախի Հանրապետության հանրակրթական դպրոցների 8-12-րդ դասարաններիաշակերտների սպարտակիադա» մարզական միջոցառման ծրագրով անցկացվողսեղանի թենիսի եզրափակիչ (հանրապետական) փուլի մրցումները: Տղաների մրցապայքարում սպարտակիադայի հաղթող է դարձել Լոռու մարզըներկայացնող Ավետ Վասիլյանը: Լոռու մարզի մյուս ներկայացուցիչ՝  Էդգար Ռաֆաելյանը գրավել է 2-րդ տեղը, իսկ Շիրակի մարզը ներկայացնող ՆորայրՂազարյանը՝ 3-րդ տեղը: Ընդհանուր թիմային հաշվարկով տղաների մրցումներում լավագույնն է ճանաչվել Լոռու մարզը, իսկ 2-րդ և 3-րդ տեղերը համապատասխանաբար գրավել են Արցախի Հանրապետությունը և Շիրակի մարզը: Աղջիկների մրցումներում 1-ին տեղը գրավել է Արարատի մարզը ներկայացնող Սեդա Ղազարյանը։ Արցախի Հանրապետության ներկայացուցիչ Յանա Պետրոսյանը զբաղեցրել է 2-րդ, իսկ Երևան քաղաքը ներկայացնող Ասյա Պողոսյանը՝ 3-րդ տեղը:Աղջիկների …

Աշխատանքային այցով Լիբանանում գտնվող ՀՀ պաշտպանության նախարարի պաշտոնակատար Դավիթ Տոնոյանը նոյեմբերի 2-ին այցելել է ՄԱԿ-ի UNIFIL առաքելության արևմտյան հատվածում իտալական հրամանատարության ներքո ծառայություն իրականացնող հայ խաղաղապահներին: Պաշտպանական գերատեսչության ղեկավարին ուղեկցել է Լիբանանում Հայաստանի Հանրապետության արտակարգ և լիազոր դեսպան Սամվել Մկրտչյանը։ Դավիթ Տոնոյանին զինվորական կարգով դիմավորել է իտալական բանակի բրիգադի գեներալ, Գարիբալդի բրիգադի հրամանատար Դիոդաթո Աբագնարան։ …

Հոկտեմբերի 28-ից նոյեմբերի 3-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է ավելի քան 100 անգամ, որի ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 800 կրակոց: ՊԲ-ի առաջապահ զորամասերը խստորեն պահպանում են հրադադարի ռեժիմը և շարունակում վստահորեն իրականացնել մարտական հերթապահություն:

Տավուշի մարզի Կիրանց գյուղի  երեխաները 1995թ.-ից դասերն անցկացնում են նախկին մանկապարտեզի հարմարեցված շենքում, որի վթարայնությունը տեսանելի է անգամ անզեն աչքով։ Պատերին առկա հսկայական ճաքերի վտանգավորության աստիճանը հաշվարկված չէ, սակայն  շատ ծնողներ տեղափոխել են իրենց երեխաներին այս դպրոցից՝ չցանկանալով վտանգել իրենց երեխաների կյանքը։ 1995թ.-ից մինչ օրս շենքը որևէ անգամ չի հիմնանորոգվել։ «Վախենում ենք էս ճաքը փլվի, …

Անձրևոտ և ցուրտ եղանակներին կատարվող ճանապարհաշինական աշխատանքների առնչությամբ հաճախ հարցադրումներ են հնչում, թե եղանակային նման պայմաններում կառուցվող ճանապարհը կարո՞ղ է որակյալ լինել։ Ո՞ր դեպքում են եղանակային պայմաններն ազդում ճանապարհաշինության որակի վրա, ո՞ր աշխատանքները կարելի է կատարել ցուրտ և անձրևոտ եղանակային պայմանների դեպքում, որոնք՝ ոչ։ Միանշանակ, չի կարելի ասֆալտապատում կատարել, քանի որ ասֆալտբետոնի խառնուրդները պետք է …

Երևանի ընդհանուր իրավասության դատարանը «Մարտի 1-ի» գործով մեղադրյալ դատաձգաբան-փորձագետ Արթուր Հովհաննիսյանին կալանավորելու վերաբերյալ Հատուկ քննչական ծառայության քննիչի միջնորդությունը բավարարել է: Այս մասին Tert.am-ին հայտնեցին Հատուկ քննչական ծառայությունից: Հիշեցնենք, որ ՀՔԾ-ն հայտնել էր, որ 2008 թ-ի մարտի 1-ին կիրառված իրական պարկուճները նախկին քննչական խմբի ղեկավարն ու դատաձգաբան-փորձագետը կեղծել են: Ըստ ՀՔԾ հաղորդագրության՝ Արթուր Հովհաննիսյանը օժանդակելով Վահագն …

Հանրապետության նախագահ Արմեն Սարգսյանն այսօր ստորագրել է Ազգային ժողովի ընդունած Հայաստանի Հանրապետության աշխատանքային օրենսգրքում փոփոխություն կատարելու մասին, «Լիցենզավորման մասին» ՀՀ օրենքում փոփոխություն կատարելու մասին, ՀՀ քաղաքացիական դատավարության օրենսգրքում լրացում կատարելու մասին, ՀՀ քաղաքացիական օրենսգրքում փոփոխություն կատարելու մասին, ՀՀ վարչական դատավարության օրենսգրքում փոփոխություն կատարելու մասին, ՀՀ հարկային օրենսգրքում փոփոխություն կատարելու մասին, «Փողերի լվացման և ահաբեկչության ֆինանսավորման …

«Ժամանակ» թերթը գրում է. Ընդամենը մեկ շաբաթ առաջ ԱԻ նախարար նշանակված Ֆելիքս Ցոլակյանին փոխարինած ՀՀԿ խմբակցության անդամ Մարտուն Գրիգորյանը հայտարարում է, որ ինքն արտահերթ խորհրդարանական ընտրություններին մասնակցելու է «Քաղաքացիական պայմանագիր» կուսակցության ռեյտինգային ընտրացուցակով: 2007թ․Մարտուն Գրիգորյանը Սամվել Բաբայանի «Դաշինք» կուսակցությունից միայնակ ընտրվեց ԱԺ պատգամավոր։ 2012թ. խորհրդարանական ընտրությունների ժամանակ ԲՀԿ խմբակցության անդամ էր, սակայն հետագայում նեղացավ ԲՀԿ-ից …

«Ժամանակ» թերթը գրում է. Հայ ազգային կոնգրեսի վերնախավը որոշում է ընդունել չմասնակցել դեկտեմբերի 9-ին նշանակված արտահերթ խորհրդարանական ընտրություններին, չնայած դեռ մեկ շաբաթ առաջ կայացած վարչության նիստում քվեարկությամբ որոշում էր ընդունվել հօգուտ մասնակցության: ՀԱԿ ներկայացուցիչներն ասում են, որ այդ որոշումը կայացնելու ժամանակ իրենք վստահ էին, որ ԸՕ փոփոխությունները խորհրդարանի կողմից կընդունվեն և ընտրությունները կանցկացվեն պարզ համամասնական …