02.09.2026 | 10:14
Կառլեն Հովհաննիսյանը 11-մետրանոց է իրացրել «Ակրոնում» նորամուտի խաղում. ՏԵՍԱՆՅՈՒԹ
Թեհրանը չի ձգտում Մերձավոր Արևելքում լարվածության սրման. Իրանի ԱԳ նախարար
Քաղաքականություն
28.08.2019 | 16:20
Իրանը չի ձգտում Մերձավոր Արևելքում ԱՄՆ-ի հետ հարաբերություններում լարվածության սրման: Ճապոնիայի վարչապետի հետ հանդիպմանն այս մասին հայտարարել է Իրանի ԱԳ նախարար Մոհամմադ Ջավադ Զարիֆը, գրում է ԻՌՆԱ-ն:
Նա նշել է, որ իրանական կառավարությունը մշտապես աշխատում է տարածաշրջանում լարվածության թուլացման ուղղությամբ և կշարունակի դիվանագիտական այդ կուրսը: Ըստ Զարիֆի՝ Իրանը կարծում է, որ Մերձավոր Արևելքում տարածաշրջանային անվտանգության հետ կապված իրավիճակը կկայունանա, եթե Վաշինգտոնը դադարեցնի Թեհրանի դեմ տնտեսական պատերազմը:
«Չափազանց բարդ է տարածաշրջանը անվտանգ պահել, քանի դեռ ԱՄՆ-ն տնտեսական պատերազմ է մղում Իրանի դեմ: Տարածաշրջանն ինքնուրույն կկայունանա, եթե դադարեն զբաղվեն ահաբեկչությամբ և տնտեսական պատերազմներով»,- ասել է Իրանի ԱԳ նախարարը:
Ճապոնիայի վարչապետ Սինձո Աբեն իր հերթին Զարիֆին կոչ է արել պահպանել միջուկային գործարքը, չնայած ԱՄՆ-ն հրաժարվել է դրանից:
