Վճռաբեկ դատարանի աշխատակիցների մի մասը չի կարողանում մուտք գործել դատարանի շենք։ Նրանք շենքի առաջին հարկում գտնվող պատուհանից ինչ-որ բաներ են փոխանցում շենքի ներսում գտնվող մարդկանց։ Հիշեցնենք, որ վարչապետ Նիկոլ Փաշինյանը կոչ է արել քաղաքացիներին առավոտյան 8։30-ից արգելափակել բոլոր դատարանների մուտքերն ու ելքերը։ Մանրամասները՝ տեսանյութում։

Ոստիկանությունը հորդորում է դատարանների մուտքերն արգելափակած քաղաքացիներին՝ թույլատրել դատավորներին մուտք գործել դատարանի շենք։ Ոստիկանի այս կոչից հետո ցուցարարները վանկարկեցին՝  ամոթ։ Ցուցարարները հիշեցրին, որ Սահմանադրությամբ օրենսդիր, գործադիր և դատական իշխանությունը պատկանում է ժողովրդին, հետևաբար՝ ժողովուրդն է տեր կանգնելու իր իրավունքին և թույլ չի տալու դատավորներին այսօր աշխատել։ Մանրամասները՝ տեսանյութում։

Ազգային ժողովի «Իմ քայլը» խմբակցության պատգամավոր Բաբկեն Թունյանն այսօր միացել էր դատարաններից մեկի մուտքի առաջ ակցիա իրականացնող քաղաքացիներին։ Թունյանը նշեց, որ քաղաքացիներին է միացել, որպեսզի թույլ չտա, որ խոչընդոտեն իրենց ակցիան, պնդեց, որ քաղաքացիների կողմից է։ «Եկել եմ, որ միջադեպեր չլինեն, բայց ուզում եմ ասել նաև, որ մարդկանց մի վիրավորեք, մի բրդեք, եթե քաղաքացիներն այստեղ …

Քաղաքացիական ակտիվիստ Վարդգես Գասպարին ևս մասնակցում էր վարչապետի հորդորով այսօր կայացած բողոքի ակցիաներին։ Գասպարին պառկել էր Վճռաբեկ դատարանի դիմաց և պնդում էր, որ դատավորներն իրենց ծավալած գործունեությամբ իրենց ոտքերն են մաքրում քաղաքացիների իրավունքների վրա։ Մանրամասները՝ տեսանյութում։

Ազատ դեմոկրատներ կուսակցությունը հայտարարություն է տարածել, որում ասվում է.   «Ազատ դեմոկրատներ կուսակցությունը վստահ է, որ պետության զարգացման և ժողովրդավարացման կարևոր ցուցիչներից մեկը դատական իշխանության անկախությունն ու դրա նկատմամբ հասարակական վստահության բարձր մակարդակն է: ՀՀ Սահմանադրության 4-րդ հոդվածը փաստում է, որ պետական իշխանությունն իրականացվում է Սահմանադրությանը և օրենքներին համապատասխան՝ օրենսդիր, գործադիր և դատական իշխանությունների բաժանման …

Սահմանադրական դատարանի առաջ բողոքի ակցիա իրականացնող քաղաքացիների և փաստաբաններից մեկի միջև այսօր միջադեպ տեղի ունեցավ: Ոստիկանները փաստաբանին հեռացրին ՍԴ աստիճանների վրայից՝ նշելով, որ ժողովուրդը չի ցանկանում, որ այդ փաստաբանը կանգնի նրանց շարքերում։ Մանրամասները՝ տեսանյութում։  

Դատարանների մուտքերն արգելափակած քաղաքացիներն, անդրադառնալով  վարչապետ Փաշինյանի կոչին, վստահեցնում են՝ ակցիա են իրականացնում վարչապետի պահանջով, նա ինչ ասի՝ իրենք կանեն և այսօր դատարանի առաջ են հավաքվել արդարությունը վերականգնելու համար։ Քաղաքացիների խոսքով՝ իրենք պահանջում են, որ Քոչարյանին դատապարտեն։ Քաղաքացիներից մեկի խոսքով՝ դատական իշխանությունը պատկանում է ժողովրդին, իսկ այսօր ժողովուրդն ինքնակամ եկել է և արդարություն է պահանջում։ …

Փաստաբան Արայիկ Պապիկյանը ևս միացել էր դատարանի մուտքերն ու ելքերն արգելափակած քաղաքացիների ակցիային: «Ժամանակն է, որ դատական անիշխանության վերջը տրվի։ Ժամանակն է, որ դատական համակարգից ինքնակամ հեռանան մարդիկ, որոնք չեն ծառայել Հայաստանին»,-Factor.am-ի հետ զրույցում ասաց  Պապիկյանը։ Վերջինս  նշեց, որ ՀՀ-ում գոյություն չի ունեցել դատական իշխանություն, հետևաբար գոյություն չունեցող այդ համակարգի դեմ պայքարը չի կարող դիտարկվել …

Երևանի ընդհանուր իրավասության դատարանի դատավոր Դավիթ Բալայանն այսօր փորձեց դատարան մտնել պատուհանից: Վարչապետ Նիկոլ Փաշինյանի կոչով դատարանի մուտքը փակած ցուցարարները, սակայն, թույլ չտվեցին: Այս մասին տեղեկանում ենք Shantnews.am-ից: Դատավորը վայր ընկավ, ակցիայի մասնակիցները նրան օգնեցին բարձրանալ: Մանրամասները՝ տեսանյութում:

Դատարանների մուտքերն արգելափակելու՝ վարչապետի կոչին միացած ԱԺ «Իմ քայլը» խմբակցության պատգամավոր Հայկ Կոնջորյանը չի ցանկանում գնահատական տալ Նիկոլ Փաշինյանի նախաձեռնությանը: «Եկեք սպասենք ժամը 12-ին վարչապետի ուղիղ եթերին, նրա խոսքին: Ես անձամբ այստեղ եմ՝ լինելու քաղաքացիների կողքին, իմ ընտրողների կողքին: Մնացած մեկնաբանությունները, կարծում եմ, ճիշտ կլինի տալ վարչապետի ուղիղ եթերից հետո»,- Factor.am-ի հետ զրույցում ասաց Հայկ …