18.05.2026 | 12:18
Յանիկ Սիները հաղթել է Հռոմի «Մասթերսում» ու սահմանել ռեկորդ․ ՏԵՍԱՆՅՈՒԹ
Դեկտեմբերին «Գոլդեն Փելիս» հյուրանոցը կունենա նոր սեփականատեր. Նարեկ Բաբայան. ՏԵՍԱՆՅՈՒԹ
Տեսանյութեր
06.11.2019 | 12:22
Մաքսային ծառայության նախկին պետ Արմեն Ավետիսյանի ընտանիքին պատկանող «Գոլդեն Փելիս» հյուրանոցն այս տարվա դեկտեմբերին արդեն նոր սեփականատեր կունենա: Այս մասին ԱԺ-ում լրագրողների հետ զրույցում ասաց Պետական գույքի կառավարման կոմիտեի նախագահ Նարեկ Բաբայանը:
Նա ասաց, որ մշակվում է Կառավարության որոշման նախագիծ՝ հյուրանոցն աճուրդի հանելու համար: Նրա փոխանցմամբ՝ գույքն աճուրդի կհանվի մոտ 17 մլն դոլարով: Հյուրանոցը գնելու հարցում հետաքրքրված են հիմնականում դրսում գործունեություն ծավալող հայ գործարարները:
Հիշեցնենք, որ Պետական գույքի կառավարման կոմիտե է դիմել «Գոլդեն Փելիս» Հյուրանոց» ՍՊԸ-ի գլխավոր տնօրեն, մաքսային կոմիտեի նախկին ղեկավար Արմեն Ավետիսյանը և ցանկություն հայտնել Հայաստանի Հանրապետությանը նվիրել ընկերության կազմում գտնվող և ՀՀ Կոտայքի մարզի, Ծաղկաձոր քաղաքի Տանձաղբյուրի փողոց թիվ 34/1 հասցեում գտնվող «Գոլդեն Փելիս» հյուրանոցային համալիրի շենք շինությունները և հյուրանոցի ներսում առկա շարժական գույքը։
Մանրամասները՝ տեսանյութում:
Նարեկ Կիրակոսյան
