ՀՀ արտաքին գործերի նախարարությունից տեղեկացնում են, որ հունիսի 18-ին ՀՀ ԱԳ նախարար Զոհրաբ Մնացականյանն աշխատանքային այցով մեկնելու է Վաշինգտոն, որտեղ Մինսկի խմբի համանախագահների միջնորդությամբ և մասնակցությամբ կայանալու է Հայաստանի և Ադրբեջանի արտաքին գործերի նախարարների հանդիպումը։ «Վաշինգտոնում ՀՀ ԱԳ նախարարը հանդիպումներ է ունենալու նաև ԱՄՆ մի շարք բարձրատիճան պաշտոնյաների հետ»,- ասված է հաղորդագրությունում:

ՆԱՏՕ-ի Խորհրդարանական վեհաժողովում ՀՀ Ազգային ժողովի պատվիրակության անդամներն այսօր՝ հունիսի 18-ին ասուլիս են հրավիրել: Նրանք կներկայացնեն Բրատիսլավայում տեղի ունեցած ՆԱՏՕ-ի ԽՎ-ի գարնանային նստաշրջանի մանրամասները:

«Հայաստան» համահայկական հիմնադրամը հոգաբարձուների խորհրդի տարեկան ժողովն է գումարել, որի ընթացքում ներկայացվելու են հիմնադրամի գործունեության և նպատակների հիմնարար բարեփոխումները: Նիստը վարելու է ՀՀ նախագահ, հիմնադրամի հոգաբարձուների խորհրդի նախագահ Արմեն Սարգսյանը: Խոսքով հանդես կգան նաև ՀՀ վարչապես, հոգաբարձուների խորհրդի անդամ Նիկոլ Փաշինյանը, «Հայաստան» համահայկական հիմնադրամի գործադիր տնօրեն Հայկակ Արշամյանը:

Երեկ Վենետիկի Սուրբ Ղազար կղզում տեղի է ունեցել Հայաստանի ֆուտբոլի ազգային հավաքանանի և Լոնդոնի «Արսենալի» կիսապաշտպան Հենրիխ Մխիթարյանի ու Բեթի Վարդանյանի պսակադրությունը: Մխիթարյանի ընտրյալը հայազգի գործարար Միքայել Վարդանյանի դուստրն է: Մխիթարյանը լուսանկար է հրապարակել պսակադրության արարողությունից և գրել. «Ամուսնացիր ու հավետ մնա ինձ հետ»: Զույգը նշանադրվել էր անցյալ տարվա նոյեմբերին:  

Ստամբուլում իր դռներն է բացել «23.5. Հրանտ Դինքի հիշողության վայր» անվանումով կենտրոնը: Այս մասին գրում է Ermenihaber.am-ը: 145քմ տարածք ընդգրկող հիշողության կենտրոնի անվանումը վերցված է 1996 թվականի ապրիլի 23-ին «Ակոս» թերթում Դինքի գրած «Ապրիլի 23.5» վերնագրով հոդվածից: Կենտրոնը տեղակայված է Ստամբուլի հայկական «Ակոս» շաբաթաթերթի նախկին գրասենյակում: Գրասենյակը գտնվում է Սեբաթ կոչվող շենքում, որտեղ էլ 2007-ին …

Ողջունում ենք անցած ուրբաթ օրը ՌԴ դեսպանին ՀՀ ԱԳՆ հրավիրելու և ՀՀ ներքին գործերին չմիջամտելու համատեքստում նրա հետ զրույց ունենալու փաստը: «ՀՀ իշխանությունների այս գործողությունը գնահատում ենք որպես ՀՀ սուբյեկտության դրսևորման փոքր, բայց աննախադեպ քայլ: Ակնկալում ենք, որ այսուհետև նման մոտեցումը կդառնա օրինաչափություն»,-ասված է «Սասնա ծռեր» կուսակցության տարածած հաղորդագրության մեջ:

Ոստիկանության Վարդենիսի բաժնի կողմից սպասարկվող վարչական տարածքում ուժեղացված ծառայություն կատարելու շրջանակներում տարված բացատրական աշխատանքների շնորհիվ հունիսի 16-ին, ժամը 22.00-ին, Ակունք գյուղի մի բակիչ կամավոր հանձնել է թմբուկավոր ատրճանակ, «Ջ-1» տիպի նռնակ՝ պայթուցիչով, ինքնաձիգի 5.45 մմ տրամաչափի 30 եւ 5.6 մմ տրամաչափի 6 փամփուշտ եւ հայտնել, որ դրանք գտել է նույն օրը իրենց առանձնատան հարակից շինության …

Արցախի և ԱՄՆ-ի միջև, ինչպես նաև ԵԱՀԿ Մինսկի խմբի համանախագահող մյուս երկու երկրների հետ տարբեր մակարդակներով ուղղակի պաշտոնական շփումների միջոցով երկխոսությունը բազմակողմանի քննարկումների և ադրբեջանա-ղարաբաղյան հակամարտության վերջնական լուծման ուղիներ գտնելու համար նպաստավոր պայմաններ կստեղծի և Հարավային Կովկասում կայունության ապահովման գործում կարևոր ներդրում կդառնա։ Այս մասին նշել է Արցախի Հանրապետության ԱԳՆ մամուլի քարտուղար Անի Սարգսյանը՝ ի …

Վարչապետ Նիկոլ Փաշինյանն ընդունել է Եվրոպայի խորհրդի գլխավոր քարտուղարի տեղակալ Գաբրիելա Բատաինի–Դրագոնիի գլխավորած պատվիրակությանը: «Վարչապետը կարևորել է ՀՀ կառավարության և Եվրոպայի խորհրդի միջև սերտ համագործակցությունը տարբեր ուղղություններով, այդ թվում՝ ժողովրդավարության զարգացման Հայաստանի օրակարգն առաջ մղելու գործում: Նիկոլ Փաշինյանը նշել է, որ այդ օրակարգում ներկայումս առաջնային նշանակություն ունեն դատաիրավական ոլորտում բարեփոխումները: Կառավարության ղեկավարը շնորհակալություն է հայտնել …

Իսպանիան մինչև 2019թ. վերջ երկարացնելու է հակաօդային պաշտպանության «Patriot» համակարգերի տեղակայման ժամկետը Թուրքիայի Ադանա նահանգում. գրում է ermenihaber-ը: Իսպանական դիվանագիտական աղբյուրներից ստացված տեղեկությունների համաձայն` հաստատվել է այդ ՀՕՊ համակարգերի տեղակայման ժամկետի երկարաձգումը մինչև 2019-ի տարեվերջ: Թուրքական աղբյուրը հայտնում է, որ թեմայի շուրջ ՆԱՏՕ-ն պաշտոնապես հանդես կգա հայտարարությամբ: Հիշեցնենք, որ Ադանայում Հոլանդիային պատկանող «Patriot» համակարգերը տեղակայվել էին …