Արցախի Կենտրոնական ընտրական հանձնաժողովը հրապարակել է Արցախի խորհրդարանական ընտրությունների նախնական արդյունքները՝ ըստ 9 շրջանների։ Այսպիսով, առաջատարը Արայիկ Հարությունյանի գլխավորած «Ազատ Հայրենիք-ՔՄԴ» կուսակցությունների դաշինքն է՝ 29688 ձայնով։ Երկրորդ տեղում Սամվել Բաբայանի գլխավորած «Միասնական հայրենիք» կուսակցությունն է՝ 17365 ձայն, երրորդ տեղում է Վիտալի Բալասանյանի գլխավորած Արցախի «Արդարություն» կուսակցությունը՝ 5865 ձայն, չորրորդ տեղում է ՀՅԴ-ն՝ 4717 ձայնով, 5-րդը …

Արցախի Հանրապետության կենտրոնական ընտրական հանձնաժողովը ամփոփում է երեկ կայացած նախագահական ու խորհրդարանական ընտրությունների նախնական արդյունքները:

Կորոնավիրուսի հետևանքով Հայաստանում հայտարարված արտակարգ դրության ժամկետը երկարացվեց մինչև ապրիլի 12-ը։ Որոշման երկարացմանը զուգահեռ խստացվեցին նաև մի շարք սահմանափակումներ, մասնավորապես այսօրվանից չի գործում հանրային տրանասպորտը, մետրոն, միջմարզային երթևեկությունը ևս խստացվել է։ Factor.am-ը ֆիքսել է, թե ինչ է կատարվում Երևանում։ Մանրամասները՝ տեսանյութում։ Լիլիթ Շաբոյան

Մարդու իրավունքների պաշտպանի հրապարակած «Նոր կորոնավիրուսի և արտակարգ դրության պայմաններում մարդու իրավունքների վերաբերյալ» ուղեցույցը տպագրվել է բրայլյան գրով: «Առաջին խմբաքանակն արդեն ուղարկվել է տեսողական խնդիրներ ունեցող անձանց: Տպագրությունն իրականացվել է ԵՄ-ի կողմից ֆինանսավորվող և ՄԱԿ-ի Զարգացման ծրագրի, ՄԱԿ-ի Բնակչության հիմնադրամի և ՅՈՒՆԻՍԵՖ-ի կողմից իրականացվող «Մարդու իրավունքների խթանում և պաշտպանություն» ծրագրի աջակցությամբ»,- ասված է հաղորդագրությունում:

Շրջակա միջավայրի նախարարությունը հայտարարություն է տարածել, որում ասվում է. «Հորդորում ենք զերծ մնալ շրջակա միջավայրը աղտոտելուց, քանի որ փողոցում նետված օգտագործված դիմակը կամ ձեռնոցը շրջակա միջավայրը աղտոտելուց զատ  վարակի տարածման հնարավոր աղբյուրներ են։ Հիշեցնում ենք, որ օգտագործված դիմակներն ու ձեռնոցները պետք է առանձնացվեն փակ աղբամաններում՝ դրանց վրա առկա հավանական վարակի տարածումը կանխելու համար։ Եվս մեկ …

Կառավարությունն աջակցության փաթեթներ է սահմանել փոքր և միջին այն ձեռնարկությունների համար, որոնք դժվարության առաջ են կանգնել արտակարգ դրության պայմաններում։ Իսկ ի՞նչ աջակցություն կարող են ստանալ անհատ ձեռներեցները, ովքեր, օրինակ, աշխատում են տեխնիկայի վերանորոգմամբ։ Անհատ ձեռներեցները կարող են դիմել բանկ և ստանալ վարկ՝ օգտվելով համաֆինանսավորման և սուբսիդավորման տարբերակից։ Այս մասին այսօր մամուլի ասուլիսի ժամանակ տեղեկացրեց Էկոնոմիկայի …

Factor.am-ը Արցախի ոստիկանությունից տեղեկանում է, որ երեկվա ընտրություններում տեղի ուենցած ենթադրյալ խախտումների վերաբերյալ11 հաղորդում է ստացվել։ Դրանք գերազանցապես վերաբերում են ընտրողի կողմից սեփական քվեաթերթիկը նկարելուն, երկու դեպքում արձանագրվել է երկուսով ընտրախցիկում գտնվելու փաստ, և մեկ հաղորդում ներկայացրել է լրագրողը։ Ստորև ներկայացնում ենք Արցախի ոստիկանության տրամադրած տեղեկատվությունը։ 1․ Մարտի 31-ին ժամը 13։15-ին Ստեփանակերտ քաղաքի թիվ 1/5 …

Գյուղատնտեսությանն առաջարկվող ծրագրերի համար նախատեսվել է 0 տոկոս տոկոսադրույք, ինչպես նաև արտոնյալ ժամկետ՝ 3-12 ամիս։ Այս մասին այսօր հրավիրված մամուլի ասուլիսի ժամանակ տեղեկացրեց էկոնոմիկայի նախարարի տեղակալ Արման Խոջոյանը։ «Առաջարկվող ծրագրերը 2 տարբերակ են ենթադրում՝ վարկավորում և փոխհատուցում։ Վարկավորման ծրագրերի համար քաղաքացին պետք է դիմի ֆինանսական կառույցին, իսկ փոխհատուցման համար պետք է դիմել հենց նախարարություն»,- ասաց …

Աշխարհում նոր տիպի կորոնավիրուսային վարակով՝ COVID-19-ով հիվանդների թիվը մոտենում է 860 հազարի: «Արմենպրես»-ի հաղորդմամբ, կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 42 հազարը: Ապաքինվածների թիվը կազմում է 178 հազար 335: Վարակվածների 95 տոկոսի մոտ հիվանդությունն ընթանում թեթև, 5 տոկոսի մոտ՝ ծանր: Վիրուսից վարակվածների թվով առաջին տեղում հայտնված ԱՄՆ-ում 188 հազար 592 հաստատված դեպք կա: …

Էկոնոմիկայի նախարարությունը տնտեսվարողներին աջակցության շրջանակում ոչ միայն առաջարկում է վարկեր և համաֆինանսավորում, այլև բիզնես խորհրդատվություն՝ վեբինարների միջոցով։ Էկոնոմիկայի փոխնախարար Նաիրա Մարգարյանն այսօր մամուլի ասուլիսի ժամանակ նշեց, որ վեբինարների վերաբերյալ տեղեկատվությունը ներկայացված է և՛ նախարարության կայքում, և՛ ֆեյսբուքյան էջում։ Քաղաքացիները կարող են մասնակցել և թեմայի շրջանակում ուղղել իրենց հետաքրքրող հարցերը։ Մանրամասները՝ տեսանյութում։