Հրթիռակոծվել է Ասկերանի շրջանային արտակարգ իրավիճակների բաժնի հրշեջ մեքենան։ Այս մասին տեղեկացնում է ԱՀ ԱԻ պետական ծառայությունը։ «Ադրբեջանաթուրքական ուժերը շարունակում են թիրախավորել ոչ միայն խաղաղ բնակավայրերն ու բնակիչներին, այլև՝ հերթական անգամ Արցախի ԱԻ պետական ծառայությանը: Հրթիռակոծվել է Ասկերանի շրջանային արտակարգ իրավիճակների բաժնի հրշեջ մեքենան: Փրկարար ծառայողները մարդասիրական նպատակներով խմելու ջուր էին հասցնում շրջանի խաղաղ բնակիչներին: …

Ստամբուլի համալսարանի բժշկական ֆակուլտետի հիվանդանոցի՝ շինարարության մեջ գտնվող հատվածում մեկուսացման աշխատանքների ընթացքում հրդեհ է բռնկվել: Թուրքական տարբեր աղբյուրներ հաղորդում են, որ հիվանդանոցը նոր էր կառուցվել: Հրդեհի հետևանքով նաև պայթյուն է որոտացել: Զոհերի և վիրավորների մասին տվյալներ չկան:

«Ադրբեջանական լրատվամիջոցները կրկին կեղծ տեղեկատվություն են տարածում, որ Արցախի Հանրապետության նախագահ Արայիկ Հարությունյանին թիրախավորել են՝ խոցելով ինչ-որ մեքենաների շարասյուն, որի մեջ է եղել նաև նախագահին սպասարկող մեքենան: Նախ՝ որևէ շարասյուն չեն խոցել, և դա ևս թշնամու վառ երևակայության արդյունքն է, երկրորդ՝ պետք է հերթական անգամ հիասթափեցնեմ ադրբեջանական ապաշնորհ քարոզչամեքենային, քանի որ նախագահն այս պահին լիարժեք …

Հունահռոմեական ըմբշամարտի աշխարհի եռակի, Եվրոպայի հնգակի, Օլիմպիական չեմպիոն Արթուր Ալեքսանյանը միջազգային հանրությանը կոչ է արել ճանաչել Արցախի Հանրապետության անկախությունը։ «Մենք նույնն ենք, մենք Արցախ ենք։ Ճանաչո՞ւմ ես ինձ։ Ճանաչի՛ր Արցախը»,-գրել է Ալեքսանյանը։ Հիշեցնենք, որ Օլիմպիական չեմպիոնը ՄԱԿ-ի Մանկական հիմնադրամի (ՅՈւՆԻՍԵՖ) դեսպան է:

Վրաստանի խորհրդարանական ընտրությունների արդյունքների հաշվարկը գրեթե ավարտվում է, և ընդդիմությունը դեռևս երեկ հայտարարել էր, որ չի ընդունում ընտրությունների արդյունքները. գրում է aliq.ge-ն: Այսօր ընտրական շեմը հաղթահարած մի շարք կուսակցություններ հանդիպել են «Լեյբորիստական» կուսակցության գրասենյակում և քննարկել ընդդիմության հետագա քայլերը: Այս պահի դրությամբ հայտնի է, որ ընտրությունների նվազագույն շեմը հաղթահարած «Միացյալ ազգային շարժում- միավորված ընդդիմություն-ուժը միասնության …

Կենտրոնական ընտրական հանձնաժողովի նախնական տվյալների համաձայն, այս պահին «Վրացական երազանքը» հավաքել է ձայների 48,12%-ը, «Ազգային շարժումը»՝ 26,92%-ը, իսկ «Եվրոպական Վրաստանը»՝ 3,79%-ը: Ըստ ԿԸՀ մամլո խոսնակ Անա Միքելաձեի, 3 847 տեղամասերի տվյալները հաշվարկվել են ըստ 3 626 ընտրատեղամասերի: Ըստ ԿԸՀ-ի, այս պահին ձայների տոկոսային բաշխումը հետևյալն է. «Վրացական երազանք – Ժողովրդավարական Վրաստան» – 48,12% (870,453 ձայն); …

Հռոմի պապ Ֆրանցիսկոսը ողբերգություն է որակել Լեռնային Ղարաբաղի իրադարձությունները: Այս մասին Կաթոլիկ եկեղեցու ղեկավարը հայտարարել է Սուրբ Պետրոսի հրապարակում՝ կիրակնօրյա իր քարոզի ընթացքում. գրում է ՏԱՍՍ-ը: «Բոլոր սրբերի տոնի այս օրը (կաթոլիկների կողմից նշվում է նոյեմբերի 1-ին – խմբ.), եկեք չմոռանանք, թե ինչ է կատարվում Լեռնային Ղարաբաղում, որտեղ կա զինված բախում: Տները, ենթակառուցվածքները և երկրպագության …

Արցախի ու Հայաստանի դեմ ադրբեջանա-թուրքական կլեպտոկրատիայի (ավազակապետություն) և միջազգային ահաբեկչության դաշնակից ուժերի ագրեսիայի հետևանքով սպանվել է ռուս երկու սահմանապահ: Այս մասին հայտնում են Մոսկվայում ИА Реалист-ի աղբյուրները:   Factor.am-ը փորձում է մեկնաբանություն ստանալ ՀՀ պաշտպանության նախարարությունից, սակայն մինչ այս պահը չի հաջողվել:

Ռուսաստանում վերջին 24 ժամում արձանագրվել է կորոնավիրուսի 18 665 նոր դեպք: Համավարակի մեկնարկից մինչ օրս արձանագրված է վարակման 1 636 781 դեպք, այդ թվում ապաքինվել է 1 225 673 մարդ: Վերջին 24 ժամվա տվյալներով, երկրում կորոնավիրուսից մահացել է 245 մարդ: Ռուսաստանում մահացության ցուցանիշը հասնում է 28 235-ի: