08.10.2026 | 13:20
«Մենք չպետք է մոռանանք Ռուբեն Վարդանյանին և մյուս հայերին, որոնք դեռ պատանդ են պահվում Բաքվում»․ Եվրախորհրդարանի պատգամավոր
Պետք է զերծ մնանք արտաքին քաղաքականության կտրուկ փոփոխություններից․ ԱԳ նախարար. ՏԵՍԱՆՅՈՒԹ
Քաղաքականություն
29.03.2021 | 14:19
Դեկտեմբերի 3-ին ԵԱՀԿ նախարարական խորհրդի ժամանակ առանձնացրել ենք մեր ճանապարհային քարտեզը, մեր պատկերացումը Արցախի հիմնախնդրի կարգավորման վերաբերյալ, որը մեծամասամբ համահունչ է ԵԱՀԿ Մինսկի խմբի համանախագահների կարծիքի հետ: Այս մասին ԱԺ արտաքին հարաբերությունների մշտական հարցերի հանձնաժողովի արտահերթ նիստում ասաց ՀՀ արտաքին գործերի նախարար Արա Այվազյանը՝ անդրադառնալով ԱԺ պատգամավոր Թագուհի Թովմասյանի հարցին:
«Պատերազմը ավարտված է, հակամարտությունը լուծված չէ. հակամարտությունը լուծված կլինի այն ժամանակ, երբ կհասցեագրվի դրա ամենակարևոր տարրը՝ Լեռնային Ղարաբաղի կարգավիճակը, որը հիմնված կլինի Արցախի ժողովրդի ինքնորոշման իրավունքի իրացման վրա: Այս պայմաններում, երբ տարածաշրջանում իրավիճակը շարունակում է մնալ բարդ, մենք որպես պետություն, այդ թվում նաև արտաքին գերատեսչությունը, պետք է բոլոր ջանքերը գործադրենք իրավիճակը վերջնական դեսկալացիայի ուղղությամբ: Եվ այս պայմաններում պետք է շատ իրատես լինենք և զերծ մնանք արտաքին քաղաքականության կտրուկ փոփոխություններից»,- նշեց նախարարը:
Մանրամասները՝ տեսանյութում:
