11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Չինաստանը պատվիրակություն է ուղարկել Ասադի ուժերի կողմից վերահսկվող Իդլիբ շրջան
Քաղաքականություն
29.03.2021 | 14:17
Չինաստանի պատվիրակությունն այցելել է Սիրիայի Իդլիբ նահանգի այն շրջանները, որոնք վերահսկվում են իշխանական ուժերի կողմից։
The Syrian Observer-ի հաղորդմամբ՝ Դամասկոսի կողմից նշանակված Իդլիբի նահանգապետ Մուհամեդ Նատուֆը Խան-Շեյխունում ընդունել է չինական պատվիրակությանը։
Նահանգապետը մասնավորապես հանդիպել է բժշկական ոլորտում մասնագիտացված ընկերության ներկայացուցիչների հետ, քննարկվել է երկկողմ համագործակցության ուղղությունները։
The Syrian Observer-ի տեղի աղբյուրները հայտնել են, որ Չինաստանի պատվիրակության կազմում գործարարներից բացի եղել են նաև զինվորականներ ու անվտանգության ուժերի ներկայացուցիչների, որոնք այցելել են սիրիական բանակի ու «զինված ընդդիմության» շփման գծի երկայնքով տեղակայված մի քանի բնակավայրեր։
Հրատարակչությունը նշում է, որ սա առաջին դեպքն է, երբ չինացիները հայտնվել են Բաշար Ասադի զորքերի կողմից ղեկավարվող Իդլիբի շրջաններում։
Հավելենք, որ սա Սիրիայի վերջին նահանգն է, որի շրջանների զգալի մասը դեռևս վերահսկվում է «զինված ընդդիմության» կողմից։
Նշվում է, որ Չինաստանի պատվիրակության այցը արաբական հանրապետության հյուսիս-արևմուտք տեղի է ունեցել Չինաստանի ու Իրանի միջև, որը հանդիսանում է Դամասկոսի գլխավոր դաշնակիցը, ռազմավարական պակտի կնքումից հետո։
Տաթև Ֆռանգյան
