11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Եվս մեկ բժիշկ է մահացել այն հիվանդանոցում, որտեղ թունավորումից հետո բուժվել է Նավալնին
Քաղաքականություն
29.03.2021 | 14:01
ՌԴ Օմսկ քաղաքի №1 շտապօգնության հիվանդանոցի վնասվածքաբանության և օրթոպեդիայի բաժանմունքի վարիչ Ռուստամ Ագիշևը մահացել է 63 տարեկան հասակում, մահվան պաշտոնական պատճառը կաթվածն է, հաղորդում է «Էխո Կավկազա»-ն։
Ալեքսեյ Նավալնին հենց այս հիվանդանոց էր տեղափոխվել անցյալ տարվա օգոստոսին անգիտակից վիճակում: Ընդդիմադրի կողմնակիցները դեռևս պնդում են, որ կլինիկայի ղեկավարությունն ու անձնակազմը գիտեին Նավալնիի հետ պատահածի իրական պատճառները, բայց ԱԴԾ հրամանով նրանք կեղծ ախտորոշում են տվել նրան և փորձել են թաքցնել քիմիական նյութից թունավորման հետքերը:
Հաղորդվում է, որ բժիշկ Ագիշևը երեսուն տարի աշխատել է Օմսկի թիվ 1 հիվանդանոցում: Կլինիկայի ղեկավար Եվգենի Օսիպովը նրա հեռանալը համարել է «անդառնալի կորուստ ամբողջ բժշկական հանրության համար»:
Վերջին շրջանում սա Օմսկի №1 հիվանդանոցի ղեկավարության շարքրում առաջին մահվան դեպքը չէ: Փետրվարի սկզբին, 55 տարեկան հասակում մահացավ կլինիկայի գլխավոր բժշկի տեղակալ Սերգեյ Մաքսիմիշինը, որի մահվան պաշտոնական պատճառը սրտի կաթվածն էր:
Ավելի վաղ գլխավոր բժշկի մեկ այլ տեղակալ ՝ Անատոլի Կալինիչենկոն, հեռացել է հիվանդանոցից: Բժիշկը պնդում է, որ մասնավոր կլինիկայում նոր աշխատանքի անցնելը պայմանավորված է նրանով, որ նա «ավելի շատ վիրաբուժություն է սիրում, քան կառավարում»:
