ՀՀ բարձր տեխնոլոգիական արդյունաբերության նախարարությունից տեղեկացնում են, որ նախարար Հակոբ Արշակյանն ընդունել է Շվեդիայի Թագավորության Արտակարգ և լիազոր դեսպան Պատրիկ Սվենսոնին և փոխդեսպան, զարգացման համագործակցություն հարցերով պատասխանատու Իզաբելա Էրիքսոնին: Նախարար Արշակյանը ողջունել է դեսպան Սվենսոնին և հաջողություն մաղթել նորանշանակ դեսպանին՝ իր առաքելության ընթացքում: Հակոբ Արշակյանն ընդգծել է, որ հայկական կողմը բարձր է գնահատում Շվեդիայի Թագավորության …

Կորոնավիրուսի համավարակի և պատերազմի հետևանքով տնտեսության ամենատուժած ոլորտը զբոսաշրջության ոլորտն է: Անհրաժեշտ է ամեն ինչ անել, որպեսզի կարողանանք պահպանել և թույլ չտալ, որ փլուզվի զբոսաշրջության ոլորտը: Այս մասին այսօր հրավիրված ասուլիսում ասաց Տուրիզմի հայկական ֆեդերացիայի նախագահ Մեխակ Ապրեսյանը։ «Անհրաժեշտ է ամեն ինչ անել, որպեսզի զբոսաշրջության ոլորտը վերականգնվի, դրվի կայուն զարգացման հիմքերի վրա: Նաև զբոսաշրջությունից է …

Առողջապահության նախարար Անահիտ Ավանեսյանը և նախարարի տեղակալ Արտյոմ Սմբատյանն աշխատանքային այցով եղել են «Աստղիկ» բժշկական կենտրոնում, ծանոթացել հաստատության պայմաններին, առկա հնարավորություններին և վերջին շրջանում կատարված բարեփոխումներին: Կենտրոնի գլխավոր տնօրեն Ասատուր Ասատրյանի ուղեկցությամբ նախարարը շրջել է վերակենդանացման և այն բաժանմունքներում, որտեղ բուժում են ստանում արցախյան պատերազմում վիրավորում ստացած զինվորները: Անահիտ Ավանեսյանը զրուցել է զինվորների հետ, հետաքրքրվել …

«Փետրվարի 4-ին Չեխիայի խորհրդարանի Պատգամավորների պալատի Արտաքին հարաբերությունների կոմիտեն ընդունեց Լեռնային Ղարաբաղի հակամարտությանն առնչվող բանաձև, որտեղ, ողջունելով հրադադարի հաստատումը, միաժամանակ ափսոսանք է հայտնվում Ադրբեջանի կողմից հրադադարի՝ գերիների վերաբերյալ կետի չկատարման կապակցությամբ և կոչ արվում վերջինիս վերադարձնել մնացյալ գերիներին։ Միաժամանակ Կոմիտեն կոչ է անում հակամարտության քաղաքական կարգավորման՝ ԵԱՀԿ ՄԽ համանախագահության ձևաչափում»,- տեղեկանում ենք Պրահայում ՀՀ դեսպանությունից: …

Վարչապետ Նիկոլ Փաշինյանը Ալմաթիում մասնակցում է ԵՏՄ միջկառավարական խորհրդի նիստին:

Ղազախստանն ու Թուրքիան շարունակում են ռազմատեխնիկական համագործակցությունը։ Այս մասին հայտնում է mail.kz-ն։ Ղազախստանի պաշտպանության նախարար, գեներալ-լեյտենանտ Նուրլան Երմեկբաևն ընդունել է Թուրքիայի ազգային պաշտպանության նախարարի տեղակալ Մ. Դերեին։  Տեղեկացվում է, որ հանդիպման ժամանակ Նուրլան Երմեկբաևը կարևորել է ռազմատեխնիկական համագործակցությունը, մասնավորապես՝ համատեղ ձեռնարկություններ կառուցելու, ինչպես նաև երկու երկրների ռազմական ուսումնական հաստատություններում բարձր որակավորում ունեցող մասնագետներ պատրաստելու հարցում։ …

ՀՀ պաշտպանության նախարար Վաղարշակ Հարությունյանը խորհրդարանում հրաժարվեց պատասխանել լրագրողների հարցերին՝ ասելով. «Եթե հարցեր ունեք, դիմեք Ալթունյանին»: Այնուհետև նախարարը ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի հետ մուտք գործեց խորհրդարանի նախագահի աշխատասենյակ: Մանրամասները՝ տեսանյութում։

Մեկնարկել է Հյուրանոցների և հյուրընկալության կառավարման վկայագիր շնորհող ծրագրի ղեկավար Զարմինե Զեյթունցյանի և Տուրիզմի հայկական ֆեդերացիայի նախագահ Մեխակ Ապրեսյանի ասուլիսը։

Քիչ առաջ խորհրդարան ժամանեց պաշտպանության նախարար Վաղարշակ Հարությունյանը։ Այս մասին Ազգային ժողովից հայտնում է Factor TV-ի լրագրողը։ Այս պահին նախարարը Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի աշխատասենյակում է։ Առայժմ հայտնի չէ, թե ինչ հարցով է խորհրդարան ժամանել Հարությունյանը։   Մերի Մարտիրոսյան