30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
Պատերազմի ժամանակ ծախսվել է 120 միլիարդ դրամ, որից 52 միլիարդը՝ «Հայաստան» հիմնադրամից. Փաշինյան. ՏԵՍԱՆՅՈՒԹ
Տնտեսություն
22.04.2021 | 11:47
Վարչապետ Նիկոլ Փաշինյանը Կառավարության այսօրվա նիստում նշեց, որ 2020 թվականի բյուջեի հետ կապված կային, գուցե հիմա էլ կան շատ մեծ շահարկումներ. խոսքը «Հայաստան» համահայկական հիմնադրամի կողմից փոխանցված գումարների մասին է:
«Ռազմական դրությամբ պայմանավորված՝ ծախսերի համար կառավարությունը իրականացրել է շուրջ 120 միլիարդ դրամի հատկացում, դրանից 52 միլիարդ դրամն է, որ հատկացվել է հիմնադրամի կողմից», – ասաց Փաշինյանը:
Նա նշեց, թե հիմադրամի հոգաբարձուների խորհուրդը վստահություն է հայտնել, որ գումարները նպատակային են օգտագործվել:
«Սա արձանագրված փաստ է, ուզում եմ շնորհակալություն հայտնել բոլոր նվիրատուներին», – ասաց նա:
Վարչապետի խոսքով՝ Արցախում երեք տարվա ընթացքում կիրականացվի ավելի մեծ ծրագիր, քան իրականացվել է «Հայաստան» հիմնադրամի ստեղծման օրից՝ 29 տարվա ընթացքում:
Փաշինյանն ասաց, որ պետք է տող առ տող ներկայացվի, թե 120 միլիարդ դրամը ինչի վրա է ծախսվել, որ թեման անշրջելիորեն ու վերջնական փակվի:
Մանրամասները՝ տեսանյութում:
