Վրաստանի նախկին նախագահ Միխայիլ Սաակաշվիլիին ազատ արձակելու պահանջով բողոքի լայնածավալ ցույց կանցկացվի Թբիլիսիի Ազատության հրապարակում հոկտեմբերի 14-ին ժամը 18:00-ին, գրում է aliq.ge-ն:   Ընդդիմադիր «Միացյալ ազգային շարժում» կուսակցության առաջնորդ Նիկա Մելիան ասել է, որ իրենք ծրագրում են «այնքան մարդ հավաքել, որքան չի հավաքվել վերջին 10 տարվա ընթացքում»: Հիշեցնենք՝ Սաակաշվիլին Վրաստանում ձերբակալվեց հոկտեմբերի 1-ին, այժմ նա …

Եմենի հարավային Ադեն քաղաքի կենտրոնական թաղամասերից մեկում ականապատ մեքենա է պայթեցվել: Պայթյունի հետևանքով առնվազն 4 մարդ է զոհվել, վիրավորներ կան: Այս մասին գրում է ՏԱՍՍ-ը՝ վկայակոչելով «Ալ Ջազիրա»-ն։ Աղբյուրի տվյալներով ՝ պայթյունն ուղղված է եղել ավտոշարասյան դեմ, որում գտնվել են Ադենի տեղական իշխանության ներկայացուցիչները: Al-Arabiya հեռուստաալիքի փոխանցմամբ էլ՝ հարձակման թիրախում եղել է Ադենի վարչակազմի ղեկավարը, …

Հերթական անգամ վանդալիզմի է ենթարկվել Անվերջության ժապավեն հուշարձանը՝ անհայտ անձիք հուշարձանի վրայից գողացել են պղնձաձույլ մասերը։ Այս մասին հայտնում է Հուշարձանների պահպանության Կոտայքի մարզային ծառայությունը: «Հերթական անգամ վանդալիզմի է ենթարկվել Անվերջության ժապավեն հուշարձանը՝ անհայտ անձիք հուշարձանի վրայից գողացել են պղնձաձույլ մասերը: Նշենք նաև, որ տարեսկզբից ընթանում են շինարարական և վերանորոգման աշխատանքներ, վերջինս ամբողջությամբ քանդվել էր …

Ադրբեջանի Ռազմածովային ուժերը (ՌԾՈՒ) հոկտեմբերի 11-ից հրամանատարաշտաբային զորավարժություններ կանցկացնեն Կասպից ծովի ադրբեջանական հատվածում: Այս մասին հայտնել է երկրի ՊՆ մամուլի ծառայությունը: «ՌԾՈՒ զորավարժությունները կմեկնարկեն հոկտեմբերի 11-ին: Դրանց կմասնակցեն ռազմական նավեր և ռազմածովային ուժերի հատուկջոկատայիններ: Վարժանքների մասնակիցները Կասպից ծովում երկրի էներգետիկ ենթակառուցվածքի պահպանության ու պաշտպանության առաջադրանքներ կմշակեն»,- ասվում է հաղորդագրությունում: Զորավարժությունները կտևեն մինչև հոկտեմբերի 13 -ը: …

Արցախի չորս համայնքներում տեղական ինքնակառավարման մարմինների ընտրություններ են անցկացվում։ Երկրի Կենտրոնական ընտրական հանձնաժողովի տեղեկացմամբ՝ ժամը 8:00-ին բացվել են Խաչմաչի, Ծաղկաշատի, Նոր Ղազանչիի և Հերհերի ընտրական տեղամասերը։ Նշենք, որ այս համայնքներում ընտրություններին մասնակցելու իրավունք ունի 742 քաղաքացի: Ընտրություններին մասնակցում են 6 համայնքի ղեկավարի և 5 համայնքի ավագանու անդամի թեկնածուներ:

Իրաքում այսօր՝ հոկտեմբերի 10-ին արտահերթ խորհրդարանական ընտրություններ են անցկացվում: 329 պատգամավորական մանդատի համար պայքարում է ավելի քան 3240 թեկնածու: Խորհրդարական տեղերի քառորդ մասը վերապահված է կանանց, հաղորդում է DW-ի ռուսական ծառայությունը։ Երկրում քվեարկելու իրավունք ունի մոտ 25 միլիոն մարդ: Սակայն, դիտորդների կանխատեսմամբ, իշխանությունների նկատմամբ անվստահության բարձր մակարդակի և խորը ճգնաժամի պատճառով ընտրություններին մասնակցությունը ցածր կլինի: …

Հոկտեմբերի 9-ին Արցախում կատարվել է 94 թեստավորում, որի արդյունքում կորոնավիրուսային հիվանդության 20 դեպք է գրանցվել։ Կորոնավիրուսային հիվանդությամբ այս պահին ստացիոնար բուժում է ստանում 40 վարակակիր: Բժիշկները 6 հիվանդի առողջական վիճակը գնահատում են ծանր, իսկ թեթև ձևերը բուժում են ստանում ամբուլատոր պայմաններում: Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 13811 քաղաքացու հետազոտություն, որից …

Իտալիա այցի շրջանակում Հայաստանի Հանրապետության նախագահ Արմեն Սարգսյանը տիկնոջ՝ Նունե Սարգսյանի հետ հայկական մշակութային ու հոգևոր արժեքների ժառանգության ամենակարևոր օջախներից մեկում՝ Վենետիկի Սուրբ Ղազար կղզում, մասնակցել է 2021թ․ «Ավրորա» մրցանակի շնորհման արարողությանը: «Ավրորա» համաշխարհային մարդասիրական ամենամյա մրցանակը, վեցերորդ անգամ անցկացվող մրցանակաբաշխության ընթացքում, շնորհվել է մարդու իրավունքների պաշտպան Ջուլիեն Լուսենգեին: Մրցանակաբաշխությանը հաջորդած պաշտոնական ընթրիքի ժամանակ նախագահ …

Հոկտեմբերի 10-ին ՀՀ պաշտպանության նախարար Արշակ Կարապետյանն աշխատանքային այցով մեկնել է Ռուսաստանի Դաշնություն, հայտնում է ՀՀ ՊՆ մամուլի ծառայությունը։ Այցի նպատակի և օրակարգի մասին տեղեկություն չի հաղորդվում։

Արցախի Մարտակերտ քաղաքի 55-ամյա խաղաղ բնակչի սպանությունը ադրբեջանական իշխանությունների հայատյացության և թշնամանքի շարունակվող պետական քաղաքականության ուղիղ հետևանքն է: Այս մասին ասված է ՀՀ Մարդու իրավունքների պաշտպան Արման Թաթոյանի տարածած հաղորդագրության մեջ։ Խաղաղ բնակիչ Արամ Տեփնանցը սպանվել է դիպուկահարի կրակոցից նռան այգում աշխատանք կատարելիս: Այս տեղեկությունը հաստատել է Արցախի մարդու իրավունքների պաշտպանը: Ադրբեջանական զինված ուժերի այս …