Նոյեմբերի 14-ին՝ ժամը 13։00-ի սահմաններում, ադրբեջանական ԶՈՒ ստորաբաժանումները փորձել են դիրքային առաջխաղացում ապահովել հայ-ադրբեջանական սահմանի արևելյան ուղղությամբ։ ՀՀ ՊՆ տեղեկացմամբ՝ սկսվել է ինտենսիվ փոխհրաձգություն։ Հայ դիրքապահները կանխել են հակառակորդի փորձերը՝ դիրքավորվելու այդ տարածքում։ Իրադրությունը դեռևս շարունակում է լարված մնալ։ Ներկա պահին, ռուսական կողմի միջնորդությամբ, ընթանում են բանակցություններ՝ իրադրության հանգուցալուծման ուղղությամբ։ Հայկական կողմից տուժածներ չկան։

Հանրապետության տարածքում նոյեմբերի 14-ի ցերեկը, 15-ին, 16-ի գիշերը, 17-19-ը սպասվում է առանց տեղումների եղանակ: Նոյեմբերի 16-ի ցերեկը առանձին շրջաններում սպասվում են թույլ տեղումներ: Օդի ջերմաստիճանն էապես չի փոխվի: Երևան քաղաքում նոյեմբերի 14-ի ցերեկը, 15-19-ը սպասվում է առանց տեղումների եղանակ։

ԱԱ-2022-ի ընտրական փուլի վերջին տուրում Հայաստանի հավաքականն այսօր սեփական հարկի տակ կխաղա Գերմանիայի հավաքականի հետ: ՀՖՖ-ն ներկայացրել է թիմի վերջնական հայտացուցակը, որում չեն ընդգրկվել Հովհաննես Նազարյանը, Ժորդի Արարատը, Վահան Բիչախչյանը, Էրիկ Վարդանյանը և Իշխան Գելոյանը: Հիշեցնենք` խաղը կմեկնարկի Երևանի ժամանակով ժամը 21:00-ին:

ԱՄՆ-ում չորս մարդ է մահացել, մեկը՝ վիրավորվել, ինքնաթիռի կործանումից Միչիգան նահանգի Բիվեր կղզու տարածքում։ Այս մասին հաղորդել է  WPBN-TV-ն,   փոխանցում է ՌԻԱ Նովոստին։ Տեղի ոստիկանապետի խոսքերով՝ ինքնաթիռը կործանվել է շաբաթ օրը՝ Վելկեի օդանավակայան ժամանելիս։ Օդանավում 5 մարդ է եղել, որից 4-ը մահացել են, իսկ ողջ մնացած ուղևորին տեղափոխել են հիվանդանոց։

Արցախի առողջապահության նախարարությունը տեղեկացնում է, որ նոյեմբերի 13-ին կատարվել է 199 թեստավորում, որի արդյունքում Արցախում կորոնավիրուսային հիվանդության 56 նոր դեպք է գրանցվել: Կորոնավիրուսային հիվանդությամբ այս պահին ստացիոնար բուժում է ստանում 145 վարակակիր: Բժիշկները 20 հիվանդի վիճակը գնահատում են ծայրահեղ ծանր, 75-ինը՝ ծանր, այդ թվում երիտասարդ տարիքի անձինք: Թեթև ձևերը բուժում են ստանում ամբուլատոր պայմաններում։ Կորոնավիրուսային …

Ստորև ներկայացնում ենք «Անկախ դիտորդ»-ի հայտարարությունը` ՏԻՄ ընտրություններում 12:00-ի դրությամբ դիտարկման արդյունքների վերաբերյալ․ «Անկախ դիտորդ» դիտորդական առաքելությունը 2021 թ. նոյեմբերի 14-ի առավոտյան 7:00-ից սկսած դիտարկում է Կապան, Իջևան, Ստեփանավան, Լերմոնտովո և Արզնի համայնքների ավագանու ընտրությունները 33 տեղամասերում և 3 Ընտրատարածքային ընտրական հանձնաժողովներում: Բոլոր համայնքներում քվեարկությունն իրականացվում է 1 քվեաթերթիկով, և ընտրողները քվեարկում են՝ գրիչով նշում …