06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Վարչապետի հետ քննարկել ենք նախագահի թեկնածուի հարցը, շատ անուններ են հնչել. Նարեկ Բաբայան․ ՏԵՍԱՆՅՈՒԹ
Քաղաքականություն
31.01.2022 | 17:02
Այսօր տեղի է ունեցել «Քաղաքացիական պայմանագիր» խմբակցության փակ նիստ, որի ժամանակ քննարկվել է նաև ՀՀ նախագահի թեկնածուի հարցը:
Factor.am-ի հետ զրույցում «Քաղաքացիական պայմանագիր» խմբակցության պատգամավոր Նարեկ Բաբայանը, անդրադառնալով հարցին, թե կա՞ վերջնական որոշում, թե ով է լինելու ՀՀ նախագահի թեկնածուն, պատասխանեց. «Արմեն Սարգսյանի՝ դիմումը հետ վերցնելու հնարավորության ժամկետը լրանում է այսօր ժամը 24.00-ին, այսինքն՝ նա դեռևս գործող նախագահն է և տեսականորեն չի բացառվում, որ կարող է իր դիմումը հետ վերցնել, հետևաբար տեղին չէ և կոռեկտ չէ խոսել նոր թեկնածուից, նրա մասին հայտարարություն անել ու հրապարակել անունը:
Վաղը «Քաղաքացիական պայմանագիր» խմբակցությունը հանդես կգա այդ մասին հայտարարությամբ, եթե նախագահը չօգտագործի հնարավորությունը և իր դիմումը հետ չվերցնի:
Հարցին, թե «Քաղաքացիական պայմանագիր» կուսակցության վարչությունը առաջիկա քայլերը քննարկե՞լ է «Քաղաքացիական պայմանագիր» խմբակցության հետ, Բաբայանը նշեց, որ ինքը նաև վարչության անդամ է. «Վարչությունը քննարկել է նախագահի թեկնածուի հարցը, շատ անուններ են հնչել: Քննարկումը հեռավար է եղել»:
Մանրամասները՝ տեսանյութում:
