13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Պանթյուրքիզմի մասին խոսք չկա․ Պեկինում Ղազախստանի դեսպանը բացառել է Անկարայի գերիշխանությունը Կենտրոնական Ասիայի երկրների վրա
Քաղաքականություն
31.01.2022 | 16:19
Թուրքիան չի կարող չափից դուրս ազդել Թյուրքական պետությունների կազմակերպության իր գործընկերների վրա, քանի որ Կենտրոնական Ասիայի երկրները ևս զգալի կշիռ ունեն։ Այս մասին հայտարարել է Չինաստանում Ղազախստանի դեսպան Գաբիտ Կոյշիբաևը, գրում է «Կոմերսանտ»-ը։
Նրա խոսքով՝ կազմակերպությունում պանթյուրքիզմի մասին խոսք չկա։
«Ես շատ հաղորդագրություններ եմ կարդացել չինարեն և ռուսերեն, որում մտահոգություն է հնչում պանթյուրքիզմի կամ նեոօսմանիզմի մասով։ Սակայն ներկա պայմաններում Թուրքիան չի հանդիսանում մեծ ուժ, այն գտնվում է Արևմտյան Ասիայում, իսկ Կենտրոնական Ասիայի երկրները, ինչպիսիք են Ղազախստանն ու Ուզբեկստանը, նույնպես զգալի աղդեցություն ունեն։ Այդ պատճառով՝ քիչ հավանական է, որ Թուրքիան կազմակերպությունում այլ երկրների նկատմամբ գերիշխելու է»,- ասել է Կոյշիբաևը South China Morning Post-ի հետ զրույցում։
Դիվանագետը նշել է, որ պանթյուրքիզմը, որպես գաղափարախոսություն, «անհետացել է 100 տարի առաջ և հիմա մեծ ճանաչում չունի»։
«Մենք կազմակերպությունում չենք խոսում պանթյուրքիզմի մասին, և Թուրքիան չի կարող մեր հարևանների վրա ազդեցություն ունենալ»,- ասել է Ղազախստանի դեսպանը։
Էմմա Չոբանյան
