Հայաստանի բարձրագույն կրթության համակարգը կանգնած է աղետի առաջ, իրավիճակը կշտկվի վճռական քայլերի դեպքում։ Օրերս ՀՀ Կառավարության նիստում վարչապետ Նիկոլ Փաշինյանն իր այս խոսքից հետո թվարկեց ձեռնարկելիք քայլերը, որոնցից առանցքայինը ակադեմիական քաղաքի կառուցումն է Աշտարակ քաղաքում։ Այսօր, ի դեպ, Փաշինյանն այցելել է Աշտարակ քաղաքում գտնվող ՀՀ ԳԱԱ Ֆիզիկական հետազոտությունների ինստիտուտ, որտեղ քննարկվել է Ակադեմիական քաղաքի կոնցեպտը: …

Հունահռոմեական ոճի ըմբիշ Էդմոն Նազարյանն Աշխարհի առաջնության կիսաեզրափակչում 5:5 հաշվով հաղթեց Աշխարհի կրկնակի չեմպիոն, Օլիմպիական խաղերի փոխչեմպիոն Կենիչիրո Ֆումիտային և մտավ եզրափակիչ: Այս մասին տեղեկանում ենք Հայաստանի Ըմբշամարտի ֆեդերացիայից։ 60 կգ քաշային Էդմոն Նազարյանն անկախ Հայաստանի առաջին Օլիմպիական չեմպիոնի` Արմեն Նազարյանի որդին է։ Նա այժմ հանդես է գալիս բուլղարական դրոշի ներքո։

Արցախի Հանրապետության նախագահ Արայիկ Հարությունյանը սեպտեմբերի 12-ին ստորագրել է հրամանագիր Հանրային խորհուրդ ստեղծելու մասին: Այս մասին տեղեկանում ենք Արցախի Հանրապետության նախագահի աշխատակազմից։ «Խորհուրդը խորհրդակցական մարմին է, որի բոլոր անդամներն ընդգրկվելու են կամավորության սկզբունքով՝ հասարակական հիմունքներով: Համաձայն հրամանագրի՝ հաստատվել է Խորհրդի կանոնադրությունը, և նշանակվել են 8 անդամներ, որոնք Խորհրդի կանոնադրությամբ նախատեսված ժամկետներում կազմակերպելու են կառույցի մյուս …

Թուրքիայի Պաշտպանության նախարարությունը հայտնել է, որ ևս 4 թուրք զինվորական է սպանվել, երկուսը՝ վիրավորվել  Հյուսիսային Իրաքում քուրդ զինյալների հետ բախման հետևանքով, գրում է Turkish Minute-ը։ Նշվում է, որ դա տեղի է ունեցել Իրաքում անցկացվող Թուրքիայի հատուկ գործողության շրջանակում։ Հիշեցնենք՝ ապրիլի 18-ից մեկնարկած գործողությունն իրականացվում է Իրաքի Մեթինա շրջանում՝ Քուրդիստանի աշխատավորական կուսակցության (PKK) դեմ։ Վերջին միջադեպով …

ՍԱՏՄ-ից տեղեկացնում են, որ ներկայացվել են միս-մսեղիքի սպանդանոցային ծագման նկատմամբ խստացված վերահսկողության արդյունքները: «Այսօր անցկացված անասնահամաճարակային միջոցառումների ընթացքում ՍԱՏՄ տեսուչներն այցելել են հանրապետության իրացման ցանցի 40 կազմակերպություն, արձանագրություններ են կազմվել 5-ում՝ առկա միս-մսեղիքի սպանդանոցային մորթը փաստող անասնաբուժական Ձև 5 վկայականի բացակայության հիմքով: Ընդհանուր առմամբ՝ կասեցվել է 108,200 կգ մսի վաճառքը»,- ասված է հաղորդագրությունում։

Վարչապետ Նիկոլ Փաշինյանն այցելել է Արագածոտնի մարզի Աշտարակ քաղաքում գտնվող ՀՀ ԳԱԱ Ֆիզիկական հետազոտությունների ինստիտուտ, որտեղ քննարկվել է Ակադեմիական քաղաքի կոնցեպտը: Այս մասին տեղեկանում ենք կառավարության մամուլի ծառայությունից։ Կառավարության ղեկավարին ուղեկցել են Վարչապետի աշխատակազմի ղեկավար Արայիկ Հարությունյանը, Կրթության, գիտության, մշակույթի և սպորտի նախարար Վահրամ Դումանյանը, Կադաստրի կոմիտեի ղեկավար Սուրեն Թովմասյանը և շահագրգիռ գերատեսչությունների այլ ներկայացուցիչներ: …

ԱՄՆ-ը դեռևս վիզա չի տրամադրել ռուսական պատվիրակությանը՝ ՄԱԿ-ի Գլխավոր վեհաժողովի բարձր մակարդակի շաբաթվան մասնակցելու համար։ Այս մասին ՏԱՍՍ-ին հայտնել է իրազեկ աղբյուրը։ «Ո՛չ, առաջընթաց չկա»,- ասել է աղբյուրը՝ պատասխանելով համապատասխան հարցին։ Ավելի վաղ ՌԴ ԱԳ նախարար Սերգեյ Լավրովն իր գործընկերներին խնդրել էր այլևս չհիշեցնել ԱՄՆ-ին վիզային պարտավորությունների մասին։ Նախարարի խոսքով՝ ՄԱԿ-ի գլխավոր քարտուղար Անտոնիո Գուտերեշը …

Գլխավոր դատախազությունից ոչ հերքել, ոչ հաստատել են այսօր մամուլում տարածված տեղեկությունը, որ աշխատանքից ազատման դիմում է գրել ՀՀ զինվորական դատախազ, գլխավոր դատախազի տեղակալ Վահե Հարությունյանը։ Գլխավոր դատախազի խորհրդական Գոռ Աբրահամյանը Ֆակտորին հայտնել է․ «Հարությունյանը այս պահին աշխատում է»։ ՀՀ գլխավոր դատախազությունից հայտնել են, որ 2022թ. օգոստոսի 1-ի դրությամբ ՀՀ իրավասու մարմինների վարույթներում եղած 3455 քրեական …

Արցախի Հանրապետության քննչական կոմիտեի տարածքային քննչական վարչության Մարտունու շրջանի քննչական բաժնում վարույթ է ընդունվել ԱՀ Մարտունու շրջանի Թաղավարդ գյուղում տեղակայված ադրբեջանական մարտական դիրքերից հանրավտանգ եղանակով, ազգային ատելության շարժառիթով, դիտավորությամբ 2022 թվականի հուլիսի 28-ին՝ ժամը 11:45-ի սահմաններում, հրաձգային զինատեսակներից Կարմիր-շուկա գյուղի ուղղությամբ կրակոցներ արձակելու, նույն համայնքի բնակչի առանձնատունը վնասելու և զգալի չափերի գույքային վնաս պատճառելու դեպքի …

ԱԺ լիագումար նիստում առաջին ընթերցմամբ քննարկվում է ՔՊ խմբակցության պատգամավորներ Ծովինար Վարդանյանի և Բաբկեն Թունյանի հեղինակած «Վարչական իրավախախտումների վերաբերյալ» օրենսգրքում փոփոխությունների նախագիծը, որի համաձայն՝ գազալցակայանների և բենզալցակայանների՝ թերլիցքավորումների համար տուգանվելու դեպքում բաշխիչ կայանների վրա վարորդի համար տեսանելի հատվածում կտեղադրվի ցուցանակ, որով կնշվի՝ լցակայանը տուգանվել է թերլցումների համար։ Իշխանական պատգամավորներ Վլադիմիր Վարդանյանը և Սերգեյ Բագրատյանը քննադատության …