09.09.2026 | 20:35
ԶՈՒ ԳՇ պետը մի շարք հանդիպումներ է ունեցել Լեհաստանի ռազմարդյունաբերական ոլորտի ներկայացուցիչների հետ
Քննարկելու ի՞նչ կա․ ամեն մեկիդ ենթակայության տակ 1000 մարդ է աշխատում․ Հրաչյա Սարգսյան․ ՏԵՍԱՆՅՈՒԹ
Քաղաքականություն
05.12.2022 | 11:45
«Աշխատանքները քննարկվում են»,- այս մասին Երևանի քաղաքապետարանում գործակարգավարական խորհրդակցության ժամանակ նշեց Շինարարության և բարեկարգման վարչության պետի պաշտոնակատար Խորեն Գրիգորյանը՝ անդրադառնալով «Երևան» ջրօգտագործողների ընկերության կողմից ներկայացված Երևանի ոռոգման ցանցի վերականգնման աշխատանքների իրականացման ուղղությամբ նախագծեր պատրաստելու և անհրաժեշտության դեպքում փոփոխություններ իրականացնելու վերաբերյալ հանձնարարականին։
«Բայց քննարկելու ի՞նչ կար, ցանկը պարզ էր, ջրօգտագործողների ընկերությունից վերցրվել էր»,- արձագանքեց Երևանի քաղաքապետ Հրաչյա Սարգսյանը։
Քաղաքապետը, դիմելով Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանին, հետաքրքրվեց, թե ինչ աշխատանք է իրականացվել ՀՈԱԿ-ի կողմից։
Բեգոյանը պատասխանեց, որ դեռևս չեն ուսումնասիրել ցանկը․ «Ցանկից տեղյակ ենք, բայց մի քանի դիտողություններ ունենք»։
Հրաչկա Սարգսյանը հանձնարարեց հաջորդ կարգավարական խորհրդակցության ժամանակ զեկուցել այս հարցի մասին՝ նշելով․ «Հարգելինե՛րս, ամեն մեկդ մեկ-երկու հանձնարարական ունեք, ինչո՞ւ չեք զեկուցում, ձեր ենթակայության տակ էլ 1000 հոգի մարդ է աշխատում»։
Մանրամասները՝ տեսանյութում։
