09.10.2026 | 16:19
Սպանության նախապատրաստության գործով 4 անձ է ձերբակալվել․ իրավապահները կանխել են հանցագործությունը
Արևմտյան պատժամիջոցները թույլ չեն տալիս Ռուսաստանին համալրել սպառազինության պաշարները. Բլինքեն
Քաղաքականություն
05.12.2022 | 11:31
ԱՄՆ Պետքարտուղար Էնթոնի Բլինքենը կիրակի օրը հայտարարել է, որ Ռուսաստանի դեմ արևմտյան պատժամիջոցները Մոսկվային ստիպում են Ուկրաինայի դեմ պատերազմը շարունակելու համար օրեցօր ավելի թանկ վճարել սպառազինության մատակարարումների համար, գրում է VOA-ն։ Ըստ Բլինքենի՝ ԱՄՆ-ի և դաշնակիցների կողմից սահմանված սահամանափակումների ներքո Ռուսաստանը խնդիրներ ունի զենքի արտադրության համար անհրաժեշտ հումքի ներկրման հետ կապված: Արտաքին գործերի նախարարը CNN-ին ասել է, որ «[Ռուսաստանի] ծախսերն օրեցօր ավելանում են»։
«Մենք տեսնում ենք պատժամիջոցների կործանարար հետևանքները տնտեսության բոլոր ոլորտներում, և այդ ազդեցությունները միայն ավելի են վատանում», – մեկնաբանել է պետքարտուղարը: Մասնավորապես, եթե նայեք իր տնտեսությունը արդիականացնելու Ռուսաստանի ջանքերին, լինի դա էներգետիկ տեխնոլոգիաներ, հեռահաղորդակցության հիմնական ենթակառուցվածք, պաշտպանություն և օդատիեզերական ոլորտ, այս պատժամիջոցների տակ անցնող ամեն օրից հետո Ռուսաստանի բեռը գնալով ծանրանում է, և նման պատերազմներ մղելու նրա հնարավորությունները գնալով նվազում են»,- հայտարարել է Բլինքենը։
Տաթև Ֆռանգյան
