Սոթքից կանայք ու երեխաները տարհանվել են, այս պահին էլ ես երեխաներին եմ հանում։ Այս մասին Factor TV-ին փոխանցեց Գեղամասար համայնքի նախկին ղեկավար Հակոբ Ավետյանը։ «Երկու ժամ շարունակ ինտենսիվ ռմբակոծվում էր գյուղը, զորամասը, ամեն ինչ․․․ Զորամասն ուժեղ ռմբակոծվել է՝ զենքի պահեստներով։ Անսպասելի, զանգվածային սկսեցին ռմբակոծել։ Գյուղերն այս պահին գրեթե դատարկ են, մարդիկ տարհանվել են»,- նշեց Ավետյանը։ …

Հայ-ադրբեջանական սահմանային գոտում Ադրբեջանի ԶՈՒ հերթական սադրանքի հետևանքով հայկական կողմը զոհեր և վիրավորներ ունի։ Այս մասին հայտնում է ՀՀ Պաշտպանության նախարարության խոսնակ Արամ Թորոսյանը։ Նա նաև ընդգծեց, որ Ադրբեջանի ՊՆ պնդումները, թե հրետակոծությունը սկսել է հայկական կողմը, բացարձակ կեղծ են։ ՀՀ ՊՆ տարածած հաղորդագրության համաձայն՝ սեպտեմբերի 13-ին, ժամը 00։05-ի սահմաններում, Ադրբեջանի զինված ուժերի ստորաբաժանումները, հրետանային …

Սյունիքում և այլուր ոտնահարվում է ինքնիշխան Հայաստանի տարածքային ամբողջականությունը։ Այս մասին Թվիթերի իր միկրոբլոգում գրել է ֆրանսիացի սենատոր Վալերի Բուայեն։ «2020 թվականի սցենարը կկրկնվի։ Այս գիշեր ադրբեջանական ռմբակոծություններով Սյունիքում և այլուր ոտնահարվում է ինքնիշխան Հայաստանի տարածքային ամբողջականությունը։ Եթե ​​Ադրբեջանի այս հարձակումը հաստատվի, անհրաժեշտ կլինի միջազգային միասնական և անհապաղ արձագանք»,- գրել է Վալերի Բուայեն։ Համանման գրառմամբ …

Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ, տեղեկացնում են ՀՀ կառավարությունից։ «Վարչապետը մանրամասներ է փոխանցել Ադրբեջանի զինված ուժերի կողմից Հայաստանի սուվերեն տարածքի ուղղությամբ կեսգիշերից սկսված սադրիչ, ագրեսիվ գործողությունների վերաբերյալ, որոնք ուղեկցվել են հրետանային միջոցներից, խոշոր տրամաչափի հրաձգային զինատեսակներից կրակահերթերով: Նիկոլ Փաշինյանն անթույլատրելի է համարել ադրբեջանական կողմի գործողություններն ու ընդգծել միջազգային …

ՀՀ ԱԻ նախարար Արմեն Փամբուխչյանը ֆեյսբուքյան գրառմամբ հայտնել է մարզային փրկարարական վարչությունները հատուկ ռեժիմի բերելու մասին. «Պայմանավորված սահմանին տիրող լարվածությամբ` իմ հրամանով ԱԻՆ ՓԾ Գեղարքունիքի, Սյունիքի և Վայոց Ձորի մարզային փրկարարական վարչությունները բերվել են բարձր պատրաստականության ռեժիմի՝ անհրաժեշտության դեպքում արձագանքելու համար»,- գրել է նախարարը։

«Ողջ մնալու արվեստ» (ՈՄԱ) ՀԿ-ն հրապարակել է քաղաքացիների վարքագծի կանոնները ռազմական գործողությունների ժամանակ։ • Ձեր զինվորական հարազատների հետ մի կապվեք՝ եղբայր եք, հայր, հորեղբայր, թե որդի։ Դուք վտանգում եք զինվորի կյանքը. • Հեռախոսային խոսակցությունների և կապի այլ միջոցների միջոցով մի փոխանցեք զինվորների թվի, տեղաշարժի, ռազմական օբյեկտների գտնվելու վայրի (նույնիսկ մոտավորապես, նույնիսկ հայերեն, նույնիսկ քողարկված) տվյալները։ …

Պայմանավորված ՀՀ տարբեր հատվածներում ադրբեջանական կողմի ագրեսիվ ռազմական ակտիվ գործողություններով`Արցախի տեղեկատվական շտաբը տեղեկացնում է, որ ժամը 01:50-ի դրությամբ Արցախի շփման գծի ողջ երկայնքով իրավիճակը հարաբերական կայուն է։ «Հանրապետության բնակչությանը կոչ ենք անում պահպանել հանգստություն և զգոնություն, հետևել միայն պաշտոնական տեղեկատվությանը»,- ասված է հաղորդագրության մեջ։

ՀՀ ՊՆ-ից հայտնում են, որ ադրբեջանական կողմի լայնածավալ սադրանքի արդյունքում սկսված ինտենսիվ փոխհրաձգությունը շարունակվում է։ «ՀՀ զինված ուժերը համարժեք պատասխան են տալիս։ Պաշտպանության նախարարությունը պարբերաբար հանդես կգա իրադրության զարգացումների վերաբերյալ պաշտոնական հաղորդագրություններով»,- ասված է ՀՀ ՊՆ-ի հաղորդագրության մեջ։

Հակառակորդը կրակել է Սոթքի զորամասի ուղղությամբ։ Այս մասին Factor.am-ին փոխանցեցին Սոթքի բնակիչերը։ Հիշեցնենք՝ ՀՀ ՊՆ մամուլի քարտուղար Արամ Թորոսյանը տեղեկացրել է, որ այսօր՝ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:  

ՀՀ պաշտպանության մամուլի քարտուղար Արամ Թորոսյանը ֆեյսբուքյան գրառում է արել․ ՀՀ Պաշտպանության նախարարությունը կոչ է անում չհրապարակել ընթացող ինտենսիվ փոխհրաձգության տեսանյութեր: Հիշեցնենք՝ այսօր՝ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ: