22.06.2026 | 12:10
Մարտուն Գրիգորյանի որդին կալանավորվել է // 1 զոհ, 11 տուժած Արագածոտնում տեղի ունեցած վթարից․ ԼՈՒՐԵՐ
Չավուշօղլուն և Բայրամովն Իրանում Ադրբեջանի դեսպանատան վրա հարձակումն են քննարկել
Քաղաքականություն
27.01.2023 | 18:23
Ադրբեջանի և Թուրքիայի արտգործնախարարներ Ջեյհուն Բայրամովը և Մևլութ Չավուշօղլուն հեռախոսազրույց են ունեցել թուրքական կողմի նախաձեռնությամբ, հայտնում է Ադրբեջանի ԱԳՆ-ն։
«Չավուշօղլուն դատապարտել է Իրանում Ադրբեջանի դեսպանատան դեմ իրականացված ահաբեկչությունը։ Նա նաև ցավակցություն է հայտնել մահացածի ընտանիքին և ադրբեջանական ժողովրդին՝ հարձակման և դեսպանատան աշխատակցի մահվան կապակցությամբ՝ ընդգծելով, որ Թուրքիան միշտ Ադրբեջանի կողքին է»,- ասվում է հաղորդագրության մեջ։
Բայրամովն իր հերթին երախտագիտություն է հայտնել Չավուշօղլուին ցավակցությունների և աջակցության համար։
Հիշեցնենք, որ այսօր առավոտյան Թեհրանում զինված անձը հարձակվել է Ադրբեջանի դեսպանատան վրա, որի հետևանքով սպանվել է անվտանգության ծառայության պետը, ևս երկու աշխատակից վիրավորվել է։
Էմմա Չոբանյան
