19.02.2026 | 21:47
Ինչու է գործը հասնում զենքին. անվտանգ երկրի ստվերվող համբավը. ՏԵՍԱՆՅՈՒԹ
ՌԴ-ն պրովոկացիա է ծրագրում ԵՄ դիտորդների դեմ․ տապալվում է ՀՀ-ից միջանցք ստանալու ծրագիրը․ Տիգրան Ավագյան․ ՏԵՍԱՆՅՈՒԹ
Քաղաքականություն
27.01.2023 | 19:17
ՌԴ ԱԳՆ-ն մտահոգվել է Հայաստան եվրոպացի դիտորդների տեղակայման հեռանկարով։ ԵՄ դիտորդների հայտնվելը, ըստ Սերգեյ Լավրովի ղեկավարած կառույցի, կարող է աշխարհաքաղաքական առճակատում բերել տարածաշրջան և սրել առկա հակասությունները։
Ըստ ՌԴ ԱԳՆ-ի՝ ԵՄ-ն կարող է վնասել հայերի և ադրբեջանցիների հիմնարար շահերին տարածաշրջանում խաղաղ զարգացմանը վերադառնալու ձգտումներում։ Մինչդեռ ՀՀ-ում կա ակնկալիք, որ ԵՄ-ի դիտորդներն ինչ-որ չափով պետք է զսպեն Ադրբեջանի ռազմական ագրեսիան։ ՌԴ-ն ակնարկում է նաև հավանական բախումների մասին ԵՄ-ի դիտորդների դեմ՝ ՀՀ-ում ռուսական զորքերի մասնակցությամբ․ «Ռուս խաղաղապահները և սահմանապահները կարձագանքեն ԵՄ դիտորդների պահվածքին՝ հաշվի առնելով իրավիճակի զարգացումը տեղում»։
Կարելի է՞ սպասել, որ ՌԴ-ի զորքերը ՀՀ-ում բախումներ հրահրեն ԵՄ-ի անզեն դիտորդների դեմ, սադրեն, ահաբեկչական ակտեր իրականացնեն ԵՄ առաքելության դեմ։
Ուկրաինայի ներքին գործերի նախկին փոխնախարար, քաղաքագիտության դոկտոր Տիգրան Ավագյանը Factor TV-ին տված հարցազրույցում չի բացառում այդպիսի սցենարը․ «Ռուսները կարող են անել այդպիսի բան։ Շատ ցինիկ միտք կթվա ասածս, բայց դա շատ «շահավետ կլինի» ՀՀ-ի համար։ Պատկերացրեք՝ ինչքան կուժեղանա ՀՀ-ի նկատմամբ ԱՄՆ-ի, ԵՄ-ի, Մեծ Բրիտանիայի աջակցությունը։ ՌԴ-ն Հայաստանի դեմ քայլ անելու դեպքում ավելի վատացնելու է իր վիճակը։ ՀՀ-ն կորցնելու բան չունի։ ՌԴ-ն ինչքան հանցանք կարող էր անել ՀՀ-ի դեմ, արդեն արել է և հիմա շարունակում է»։
Ըստ Տիգրան Ավագյանի՝ ՌԴ-ն մտահոգվելու առիթ ունի, եթե ԵՄ դիտորդների Հայաստան գալով՝ փոքր-ինչ նվազի հայկական կողմի վրա ռազմական հարձակումների վտանգը։
«ՌԴ-ն այլևս չի կարողանա ՀՀ-ի վրա ճնշում գործադրել։ Իսկ ՌԴ-ին անհրաժեշտ է ճնշում գործադրել ՀՀ-ի վրա, ինչի համար իրենց պետք է, որ ադրբեջանցիները հարձակվեն»,- ասաց նա։
Ըստ քաղաքագիտության դոկտորի՝ ՌԴ-ն խնդիր ունի ՀՀ-ից ստանալ միջանցք, իսկ այդ նպատակին հասնելու ճանապարհներից մեկը հենց ադրբեջանական ռազմական ագրեսիաներն են ՀՀ-ի դեմ։ Մինչդեռ, ԵՄ դիտորդների ժամանումը Հայաստան կասկածի տակ է դնում այդ հեռանկարը։
Հարցազրույցն ամբողջությամբ՝ տեսանյութում։
Ռոբերտ Անանյան
