Ոստիկանության Մասիսի բաժնի ՔՀԲ ծառայողների ձեռնարկած միջոցառումների արդյունքում ապրիլի 29-ին Նոր Խարբերդ գյուղի 23-րդ փողոցում հայտնաբերվել և բաժին բերման է ենթարկվել 34-ամյա Ժորա Ա.-ն, որը հետախուզվում էր ՀՀ քրեական օրենսգրքի 177-րդ հոդվածի (Գողությունը) մեղադրանքով. տեղեկացնում են ՀՀ ոստիկանությունից: Խափանման միջոցը՝ ստորագրություն: `

Հանրապետության նախագահ Վահագն Խաչատուրյանն այսօր ընդունել է Վրաստանի արտաքին գործերի նախարար Իլիա Դարչիաշվիլիին. տեղեկացնում են ՀՀ նախագահի աշխատակազմից: Հանրապետության նախագահը ողջունելով Վրաստանի արտաքին գործերի նախարարի կարգավիճակում Իլիա Դարչիաշվիլիի պաշտոնական այցը Հայաստան, շնորհավորել և հաջողություններ է մաղթել նրան պատասխանատու պաշտոնը ստանձնելու առթիվ: Նախագահը հույս է հայտնել, որ Իլիա Դարչիաշվիլիի այցը Հայաստան կլինի արդյունավետ և նոր խթան …

Ապրիլի 30-ին հայտարարված համապետական շաբաթօրյակին մասնակցել են նաև պաշտպանության նախարարության աշխատակիցները, զինված ուժերի զինծառայողներ և ռազմաուսումնական հաստատությունների կուրսանտներ. տեղեկացնում են ՀՀ ՊՆ-ից: «Եռաբլուր» զինվորական պանթեոնի, մայրաքաղաքի մի շարք պուրակների հարակից տարածքներում զինծառայողները կատարել են բարեկարգման և ծառատնկման աշխատանքներ։ Համապետական շաբաթօրյակի շրջանակում ՊՆ վարչական համալիրում ևս անցկացվել է ծառատունկ, որին մասնակցել են ՊՆ և ԶՈՒ ԳՇ …

Սամվել Ղուկասյանը նշանակվել է Կենտրոն վարչական շրջանի ղեկավար: Այս մասին տեղեկանում ենք Երևանի քաղաքապետարանի պաշտոնական կայքից: Երևանի քաղաքապետ Հրաչյա Սարգսյանը որոշում է ստորագրել, որով Սամվել Ղուկասյանը նշանակվել է Կենտրոն վարչական շրջանի ղեկավար:

ԱՆ հիվանդությունների վերահսկման և կանխարգելման ազգային կենտրոնի կողմից իրականացված վերլուծության արդյունքների համաձայն՝ 2021 թվականին նախորդ տարվա համեմատ թունաքիմիկատներից թունավորումների դեպքայնությունը նվազել է 1.1 անգամ: 2021 թվականին 2020 թվականի համեմատ նկատվել է թունաքիմիկատներով թունավորումների աճ մանկական բնակչության շրջանում։ Թունաքիմիկատներով թունավորումների գերակշիռ մասը՝ 23%՝ արձանագրվել է ծնողի անուշադրության, 20.7%-ը՝ բնակչի անփութության և 18.4%-ը՝ ինքնասպանության փորձ կատարելու հետևանքով: …

Ապրիլի 30-ին ՀՀ ԱԳ նախարար Արարատ Միրզոյանը հանդիպում է ունեցել պաշտոնական այցով Երևանում գտնվող Վրաստանի փոխվարչապետ, արտաքին գործերի նախարար Իլիա Դարչիաշվիլիի հետ։ Նախարար Միրզոյանը շնորհավորել է իր գործընկերոջը՝ պատասխանատու պաշտոնը ստանձնելու կապակցությամբ, և հաջողություն մաղթել իր կարևոր առաքելությունում. տեղեկացնում են ՀՀ ԱԳՆ-ից: Արարատ Միրզոյանը և Իլիա Դարչիաշվիլին միմյանց շնորհավորել են Հայաստանի և Վրաստանի միջև դիվանագիտական …

Հայ ծանրորդները Ծաղկաձորում ավարտել են Եվրոպայի առաջնության նախապատրաստական փուլի հերթական ուսումնամարզական հավաքը: Մարզիչներն առավելապես ուշադրություն են դարձրել անհատական մարզումներին։ Հավաքականի բժիշկ Դավիթ Մոսինյանի տեղեկություններով՝ ծանրորդների վնասվածքները գրեթե բուժվել են: Մայիսի 3-ից հավաքականը նախապատրաստությունը կշարունակի Աբովյանի մարզահանգրվանում: Եվրոպայի առաջնությունը մեկնարկելու է մայիսի 28-ին՝ Ալբանիայում։

ՀՀ ազգային անվտանգության ծառայությունը տեղեկացնում է, որ ներկայումս Հայաստանի Հանրապետությունում առկա են զանգվածային անկարգությունների կազմակերպման և իրականացման իրական վտանգներ, ուստի հորդորում է տուրք չտալ հնարավոր սադրանքներին, ցուցաբերել քաղաքացիական բարձր պատասխանատվություն, զերծ մնալ հանրության մեջ ատելություն, թշնամանք տարածելու, հրապարակային ելույթներում բռնություն գործադրելու կոչեր կամ որպես բռնություն ընկալվող արտահայտություններ հնչեցնելու անթույլատրելի գործելաոճից, որոնք իրական նախադրյալներ կարող են …

Ապրիլի 29-ին, ժամը 15.00-ին, Երևանի Դավիթ Բեկի փողոցում «ՄԱԶ-5334» ամբարձիչը դուրս է եկել երթևեկելի մասից, կողաշրջվել և հայտնվելով «Թոխմախի» գերեզմանատան տարածքում՝ վնասել շիրմաքարերը. 64-ամյա վարորդ Ռուբիկ Խալիֆյանը մահացել է. տեղեկացնում են ՀՀ ոստիկանությունից: Կատարվում է նախաքննություն:

Calciomercato-ն գրել է Հենրիխ Մխիթարյանի՝ վնասվածքից ապաքինման ժամկետների մասին. փոխանցում է armsport-ը: Հայ կիսապաշտպանը վնասվածք է ստացել Անգլիայում՝ Կոնֆերենցիաների լիգայի կիսաեզրափակչում «Լեսթերի» դեմ խաղում։ Բժշկական հետազոտությունը պարզել է, որ Հենրիխը մկանային վնասվածք է ստացել։ Վերականգնման մոտավոր ժամկետը երկու շաբաթ է։ Տեսականորեն հնարավոր է, որ նա կմասնակցի Կոնֆերենցիաների լիգայի եզրափակչին։ Եվրագավաթային վճռորոշ խաղը կկայանա մայիսի 25-ին։ …