24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Իրանն ու Սաուդյան Արաբիան պայմանավորվել են վերականգնել դիվանագիտական հարաբերությունները
Քաղաքականություն
10.03.2023 | 21:57
Իրանը և Սաուդյան Արաբիան Չինաստանում պայմանավորվել են հարաբերությունների կարգավորման ու դեսպանատների վերաբացման համար։ Այս մասին հայտնում է իրանական Tasnim գործակալությունը։
Երկու երկրների հարաբերությունները խզվել էին 2016 թվականին՝ շիաների կառավարության հետ հակամարտության, ինչպես նաև Թեհրանում Էր-Ռիադի դեսպանության ավերումից հետո։
«Պեկինում եռակողմ բանակցությունների օրերը հանգեցրել են Իրանի և Սաուդյան Արաբիայի հաշտեցմանը, նրանք որոշել են վերականգնել դիվանագիտական հարաբերությունները և վերաբացել իրենց դեսպանատները առաջիկա երկու ամսվա ընթացքում»,- գրում է գործակալությունը։
Հաղորդվում է, որ Իրանի Ազգային անվտանգության բարձրագույն խորհրդի քարտուղար Ալի Շամխանին մարտի 6-ից գտնվում է Պեկինում՝ «Սաուդյան Արաբիայից իր գործընկերոջ հետ Թեհրանի և Էր-Ռիադի միջև տարաձայնությունները լուծելու նպատակով ինտենսիվ բանակցությունների համար»:
Նկատենք, որ այս ֆոնին Սաուդյան Արաբիայի և ԱՄՆ-ի հարաբերությունները վատթարանում են։ Թեհրանն ու Էր-Ռիադը նաև ակտիվորեն ամրապնդում են հարաբերությունները Ռուսաստանի և Չինաստանի հետ։
Տաթև Ֆռանգյան
