Նախապես մշակված սխեմայի և ներգրավված ռեսուրսների շրջանակներում ապրիլի 30-ին համապետական շաբաթօրյակը կայացել է: Այս մասին այսօր քաղաքապետարանում գործակարգավարական խորհրդակցության ժամանակ զեկուցեց Երևանի փոխքաղաքապետ Կամո Արեյանը: Երևանի քաղաքապետ Հրաչյա Սարգսյանն առաջարկեց ամեն շաբաթ շաբաթօրյակ կազմակերպել վարչական մեկ շրջանում: «Հաջորդ շաբաթ օրը շաբաթօրյակ կկազմակերպենք Շենգավիթ վարչական շրջանում»,- նշեց քաղաքապետը՝ քաղաքացիներին կոչ անելով միանալ: Մանրամասները՝ տեսանյութում։

Երևանի Կենտրոն վարչական շրջանը նոր ղեկավար ունի։ Երևանի քաղաքապետարանի գործակարգավարական նիստի ընթացքում քաղաքապետ Հրաչյա Սարգսյանը ներկայացրեց Սամվել Ղուկասյանին։ «Շնորհավորում եմ Ձեզ։ Ամենաբարդ վարչական շրջաններից է և բոլորս պատրաստակամ ենք օգնելու Ձեզ, որ հաջողության հասնեք»,- ասաց քաղաքապետը։   Մանրամասները՝ տեսանյութում։

Մեկնարկել է ՀՀ առողջապահական և աշխատանքի տեսչական մարմնի աշխատանքային օրենսդրության վերահսկողության վարչության պետ Իգիթ Հակոբյանի, աշխատողների առողջության պահպանման և անվտանգության ապահովման վերահսկողության բաժնի պետ Աշոտ Հարությունյանի, աշխատանքային օրենսդրության իրավական վերահսկողության բաժնի պետ Ալվարդ Արշակյանի ասուլիսը: Թեմա՝ Աշխատանքի և աշխատավորների միջազգային օր. Ոլորտի խնդիրներ, առաջիկա անելիքներ

ՀՀ ոստիկանությունը հայտարարություն է տարածել, որում ասվում է. «Այսօր առավոտից մայրաքաղաքի երեք տասնյակ խաչմերուկներ փակվել էին քաղաքացիների կողմից: Ոստիկանության ծառայողներն արագորեն վերականգնել են երթևեկությունը: Ներկայումս մայրաքաղաքում բոլոր ճանապարհները բաց են ու երթևեկելի»: Հիշեցնենք, որ դեռ երեկվանից փակ է մնում Ֆրանսիայի հրապարակը, որտեղ ընդդիմադիրները վրաններ են տեղադրել։

Համացանցում տեսանյութ է տարածվել, որտեղ երևում է, թե ինչպես է ոստիկանության աշխատակիցը բռնի ուժ գործադրելով և հարվածներով հասցնելով քաղաքացուն բերման ենթարկում։ Ինչպես Factor.am-ի հետ զրույցում տեղեկացրեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը՝ միջադեպի առթիվ Ոստիկանության պետի հանձնարարությամբ Ներքին անվտանգության վարչությունում ծառայողական քննություն է նշանակվել։ Ոստիկանությունից հայտնում են նաև, որ այս …

ՀՀ ՊՆ-ն հայտարարություն է տարածել, որում ասվում է. «Ադրբեջանի պաշտպանության նախարարությունը կրկին հանդես է եկել իրականության հետ կապ չունեցող հաղորդագրությամբ, հայտարարելով, թե իբր մայիսի 1-ին ՀՀ ԶՈՒ ստորաբաժանումները հրաձգային զինատեսակներից և նռնականետերից կրակ են բացել հայ-ադրբեջանական սահմանի արևելյան հատվածում տեղակայված ադրբեջանական դիրքերի ուղղությամբ։ Իրադրությունը հայ-ադրեջանական սահմանին հարաբերականորեն կայուն է և գտնվում է ՀՀ ԶՈՒ լիարժեք …

«Ոստիկանների գործողությունները երեկ գնահատում էի նորմալ, բավարար, բայց այսօր բիրտ ուժ են կիրառում»,- այս մասին Factor.am-ի հետ ճեպազրույցում նշեց ՀՀ նախկին ոստիկանապետ Վալերի Օսիպյանը, ով նույնպես մասնակցում է ընդդիմության բողոքի ակցիաներին։ «Ես ծառայության ղեկավարն եմ եղել 2018-ին: Ես էլ էի վերադասից հրամաններ ստանում, բայց իրավիճակը գնահատելով՝ ֆիլտրում էի այդ հրամանները: Երբևիցե նման խաղաղ պայմաններում հավաքներ, …

Քաղաքապետարանում ընթացքող գործակարգավարական խորհրդակցության ժամանակ Երևանի քաղաքապետ Հրաչյա Սարգսյանը հետաքրքրվեց, թե ինչու երեք շաբաթ շարունակ մի քանի ստորաբաժանումներ չեն տրամադրել իրավական ակտերը՝ Հայաստանի իրավական տեղեկատվական համակարգում արտացոլելու նպատակով։ «Նենց չի՝ քիչ ենք, չենք կարողանում իրավական ակտերը տալ, ինձանից զբաղված չլինեք»,- ասաց Սարգսյանը։ Քաղաքապեը հանձնարարական տվեց. «Մեկ շաբաթյա ժամկետում բոլոր այդ ստորաբաժանումները այդ տեղեկատվությունները թող տրամադրեն»: …

Երևանի Մետրոպոլիտենը առավոտից գերբեռնված էր, աշխատում էր արտակարգ ռեժիմով։ Այս մասին Factor.am-ի հետ զրույցում տեղեկացրեց Երևանի մետրոպոլիտենի մամուլի խոսնակ Տաթև Խաչատրյանը։ «Առավոտյան գծում աշխատում էր 3 լրացուցիչ շարժակազմ, գնացքների միջև տևողությունը 5 րոպե էր։ Այժմ գծում աշխատում է 2 լրացուցիչ շարժակազմ, գնացքների միջև տևողությունը 6 րոպե»,- նշեց Մետրոպոլիտենի ներկայացուցիչը։ Գերբեռնված աշխատանքի պատճառը ընդդիմության ակցիաներն են։ …

Ընդդիմությունը շարունակում է  բողոքի ակցիաները։ «Նիկոլ Փաշինյանը հրաժարական է տալու: Նոր կառավարության կազմ է ձևավորվելու, որը հրաժարվելու է այն քաղաքական գծից, որն իրականացվում է այսօր»,- այս մասին Factor.am-ի հետ ճեպազրույցում հույս հայտնեց ՀՀ ԱԺ ընդդիմադիր փոխնախագահ Իշխան Սաղաթելյանը: Մեկնաբանելով բողոքի ակցիաներից մեկի ժամանակ արված այն հայտարարությունը, թե իրականացնելու են գործող իշխանությունների տված ու չիրականացված խոստումը …