ՄԱԿ Անվտանգության խորհրդում մեկնարկել է Հնդկաստանի նախագահության շրջանակներում անցկացվող «Նոր կողմնորոշում բարեփոխված բազմակողմանիության համար» նախարարական հանդիպումը։ Անվտանգության խորհրդի անդամներից հետո ելույթով հանդես կգա ՀՀ ԱԳ նախարար Արարատ Միրզոյանը։ Այս մասին տեղեկացնում է ԱԳՆ մամուլի խոսնակ Վահան Հունանյանը։

Նիդերլանդների խորհրդարանն ընդունել է դեկտեմբերի 13-ին «Քաղաքական բարեփոխված կուսակցություն», «Քրիստոնեական միություն», «Գյուղացի-քաղաքացի շարժում» և Սոցիալիստական կուսակցությունների խմբակցությունների կողմից ներկայացված միջնորդությունը, որը վերաբերում է Ադրբեջանի կողմից Լաչինի միջանցքի փակմանը: Այս մասին «Արմենպրես»-ը տեղեկանում է Նիդերլանդների հայկական կազմակերպությունների դաշնության մամուլի հաղորդագրությունից: Միջնորդության մեջ նշվում է, որ չնայած 2020 թվականի նոյեմբերի 9-ի պայմանավորվածություններին, Ադրբեջանը փակել է Հայաստանը Լեռնային Ղարաբաղին …

Դեկտեմբերի 14-ին աշխատանքային այցով Ֆինլանդիայի Հանրապետությունում գտնվող ԱԽ քարտուղար Արմեն Գրիգորյանը հանդիպել է Ֆինլանդիայի Հանրապետության Արտաքին գործերի նախարար Պեկկա Հաավիստոյի, Ֆինլանդիայի Հանրապետության խորհրդարանի փոխնախագահ Յուհո Էէրոլայի և Ֆինլանդիա-Հայաստան միջխորհրդարանական բարեկամական խմբի ղեկավար Վիլհելմ Յուննիլայի հետ։ ԱԽ-ից տեղեկանում ենք, որ հանդիպումների ընթացքում Ա․ Գրիգորյանը ներկայացրել է Ադրբեջանի կողմից Լաչինի միջանցքով անարգել տեղաշարժի, ինչպես նաև դեպի Լեռնային …

Թուրքիան հատուկ կարևորություն է տալիս թյուրքալեզու երկրների հետ հարաբերությունների զարգացմանը, այդ թվում՝ Թյուրքական պետությունների կազմակերպության հարթակի միջոցով։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Թուրքիա-Թուրքմենստան-Ադրբեջան եռակողմ գագաթնաժողովում ունեցած ելույթում, գրում է Անադոլու գործակալությունը։ Էրդողանը նշել է, որ Թուրքմենստանի արագ ու ամբողջական անդամակցությունը Թյուրքական պետությունների կազմակերպությանը նոր խթան կլինի կառույցի համար։ «Համոզված եմ, որ …

Արցախի Տեղեկատվական շտաբը տեղեկացնում է, որ հաշվի առնելով Ադրբեջանի կողմից Արցախը Հայաստանին կապող միակ ճանապարհի արգելափակման հետևանքով ստեղծված իրավիճակը` քաղաքացիների հետ օպերատիվ կապի ապահովման համար գործում է շուրջօրյա թեժ գիծ: Թեժ գծին հնարավոր է զանգահարել Արցախից՝ 119, իսկ Հայաստանի Հանրապետությունից ու արտերկրից՝ +374-47-119-119 հեռախոսահամարներով: Քաղաքացիները կարող են զանգահարել և տեղեկացնել այն խնդիրների մասին, որոնք ծագում …

Դեկտեմբերի 14-ին ՀՀ ԱԳ նախարարի պարտականությունները կատարող Մնացական Սաֆարյանը և ԱԳ նախարարի տեղակալ Վահե Գևորգյանը ընդունել են Արցախի պատվիրակությանը՝ ԱԳ նախարարի պաշտոնակատար Դավիթ Բաբայանի գլխավորությամբ: ՀՀ ԱԳՆ-ից տեղեկանում ենք, որ կողմերը քննարկել են Լաչինի միջանցքի փակման և դրա հետևանքով Լեռնային Ղարաբաղում ստեղծված իրավիճակի մանրամասները, ինչպես նաև հայկական կողմերի հետագա գործողությունները:

Հայաստանը պետք է դիմի ՄԱԿ-ի ԱԽ-ին՝ Արցախում միջազգային խաղաղապահներ տեղակայելու պահանջով, և այդ զորակազմի մի մասնիկը կարող է լինել ռուսական զորախումբը։ Factor TV-ին տված հարցազրույցում Արցախում ստեղծված իրավիճակին նման լուծում է առաջարկում միջազգային հարաբերությունների և անվտանգության հարցերի մասնագետ Սոսի Թաթիկյանը։ «Ես կարծում եմ, որ ՄԱԿ-ի խաղաղապահ առաքելությունն ամենաօպտիմալը կարող է լինել։ Այնտեղ պրոցեսը գնում է, …

Արցախում վառելիքի հերթեր են․ Ստեփանակերտի հեղուկ գազի ու վառելիքի մատակարարման կետում հերթ է գոյացել կենցաղային գազի բալոնները լիցքավորելու համար: Արցախը Հայաստանի հետ կապող միակ ճանապարհը՝ Ստեփանակերտ-Գորիս մայրուղին փակելուց մեկ օր անց՝ դեկտեմբերի 13-ին, Ադրբեջանն ընդհատել է Արցախի գազամատակարարումը:

Ադրբեջանի կողմից Արցախը Հայաստանի հետ կապող ճանապարհի և գազամատակարարման արգելափակման հետևանքով այս պահի դրությամբ Արցախի առողջապահության նախարարության ենթակայության տակ գործող բուժհաստատություններում ժամանակավորապես դադարեցվել են պլանային վիրահատությունները։ Դեկտեմբերի 14-ին ՀՀ արտաքին գործերի նախարարությունում տեղի է ունեցել ՀՀ ԱԳ նախարարի պարտականությունները կատարող Մնացական Սաֆարյանի և ՀՀ ԱԳ նախարարի տեղակալ Վահե Գևորգյանի հանդիպումը Հայաստանում հավատարմագրված դիվանագիտական ներկայացուցչությունների ղեկավարների …

Վարչապետ Նիկոլ Փաշինյանն այցելել է Կրթության, գիտության, մշակույթի և սպորտի նախարարություն և ԿԳՄՍ աշխատակազմին ներկայացրել նորանշանակ նախարար Ժաննա Անդրեասյանին: Վարչապետը շնորհակալություն է հայտնել ԿԳՄՍ նախկին նախարար Վահրամ Դումանյանին կատարած աշխատանքի համար և համոզմունք հայտնել, որ նրա ներուժը կներգրավվի մեր երկրի և կրթության ոլորտի զարգացման գործում: «Պարոն Դումանյանը նախարար է նշանակվել շատ բարդ ժամանակաշրջանում և այս …