26.11.2024 | 10:25
Ալիևը զանգահարել է Դոնալդ Թրամփին
Վաշինգտոնյան բանակցությունների ֆոնին Ալիևը կրկին սպառնում է Հայաստանին
Քաղաքականություն
03.05.2023 | 15:10
Բաքուն օկուպացված Շուշիում հերթական քարոզչական միջոցառումն է իրականացնում՝ միջազգային համաժողով նվիրված Հեյդար Ալիևի 100-ամյակին։ Ադրբեջանի նախագահ Իլհամ Ալիևը ելույթ ունենալով՝ հայտարարել է, թե հուսով է, որ Վաշինգտոնում ընթացող Ադրբեջանի և Հայաստանի արտգործնախարարներ Ջեյհուն Բայրամովի և Արարատ Միրզոյանի բանակցությունները կհանգեցնեն առաջընթացի Բաքվի և Երևանի միջև հարաբերությունների կարգավորման գործում։
«Հուսով եմ, որ Վաշինգտոնում բանակցությունները կտան, եթե ոչ արդյունք, ապա գոնե տեսանելի առաջընթաց»,-ասել է Ալիևը՝ նշելով, որ ադրբեջանական հերթական առաջարկներին Հայաստանը պատասխանել է Վաշինգտոնի հանդիպումից մի շաբաթ առաջ։ Ադրբեջանի նախագահը հայտարարել է թե, «Հայաստանի պատասխանում կրկին տարածքային պահանջներ են տեսել Ադրբեջանի նկատմամբ»․ ըստ նրա՝ «ցանկացած փորձ Լեռնային Ղարաբաղի Հանրապետությունը ընդգրկելու խաղաղության պայմանագրում անարդյունավետ է»։
Բացի այդ Ալիևը կրկին սպառնալիքներ է հնչեցրել Երևանի հասցեին, հայտարարելով՝«եթե Հայաստանը կառուցողական մոտեցում չցուցաբերի, ապա Բաքվի և Երևանի միջև խաղաղություն և փոխգործակցություն չի լինի»։
Չգիտես ինչու Ադրբեջանի նախագահը որոշել է նաև Հայաստանին խորհուրդ տալ «այդ պարագայում տեղ փնտրել նոր աշխարհաքաղաքական կոնֆիգուրացիայի մեջ, քանի որ ողջ աշխարհաքաղաքական իրավիճակը փոխվել է ոչ միայն տարածաշրջանում, այլև աշխարհում»։ Ըստ Ալիևի՝ «Ադրբեջանն ունի իր տեղը, իսկ ահա Հայաստանի համար դա մեծ մարտահրավեր է լինելու»։
Էմմա Չոբանյան
