05.06.2026 | 19:56
1 մլրդ դրամից ավելի է ծախսվել արտահիմնադրամային միջոցներից․ Եգորյանը՝ «Ուժեղ Հայաստան»-ի մասին. ՏԵՍԱՆՅՈՒԹ
Զախարովան՝ Վաշինգտոնում ընթացող Հայաստան-Ադրբեջան բանակցությունների մասին
Քաղաքականություն
03.05.2023 | 15:40
ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցում անդրադարձել է Վաշինգտոնում ընթացող Հայաստանի ու Ադրբեջանի ԱԳ նախարարներ Արարատ Միրզոյանի ու Ջեյհուն Բայրամովի բանակցություններին։
«Բանակցություններն անցկացվում են առանց Ռուսաստանի մասնակցության, այլ երկրների մասնակցությամբ։ Հետևաբար՝ այդ գործընթացի մասին պետք է հետաքրքրվել դրա մասնակիցներից։ Արդյունքներով երբ հայտարարություններ լինեն, ամեն կողմը արտահայտվի, կձևավորվի որոշակի տպավորություն և, միգուցե, մեզ իրավունք տա մեկնաբանության։ Դա արդեն իսկ ավելի ուշ»,-ասել է Զախարովան՝ նշելով,որ Մոսկվան հավատարիմ է Հայաստանի, ՌԴ-ի ու Ադրբեջանի ղեկավարների եռակողմ հայտարարությունների իրականացմանը։ Բացի այդ ՌԴ ԱԳՆ ներկայացուցիչը նաև նշել է, որ Բաքվուն ու Երևանը հաստատել են Մոսկվայում հանդիպում անցկացնելու իրենց պատրաստակամությունը, ժամկետների մասին էլ կտեղեկացվի ավելի ուշ։
Հիշեցնենք, որ մայիսի 1-ից Վաինգտոնում ԱՄՆ պետքարտուղար Էնթոնի Բլիքենի միջնորդությամբ ընթանում են Հայաստանի ու Ադրբեջանի ԱԳ նախարարների բանակցությունները։ Հայկական ու ադրբեջանական պատվիրակությունների հանդիպումները շարունակվում են։
