Նիկոլ Փաշինյանը որոշել է, որ ՊՆ-ի, ԱԱԾ-ի, Ոստիկանության, Փրկարար ծառայության, ՊՊԾ-ի, ՊԵԿ-ի, Քննչական կոմիտեի և Գլխավոր դատախազության աշխատակիցները պետք է թիմեր ձևավորեն և մրցեն ռազմամարզական խաղերում՝ ըստ իրենց մարզաձևերի: Որոշում կայացվել է Փաշինյանի մասնակցությամբ 2022 թվականի հունվարի 17-ին ՀՀ պաշտպանության նախարարությունում անցկացված խորհրդակցության ժամանակ։ Factor.am-ն այս մասին տեղեկանում է ՀՀ ԿԳՄՍ նախարարության որոշման նախագծից։ «Ռազմամարզական …

Ինչպես ավելի վաղ տեղեկացրել ենք, առավոտյան ժամը 06։00-ից ադրբեջանական կողմը կրակում է Սոթքի դիրքերի ուղղությամբ: Գյուղի բնակիչները Factor.am-ին փոխանցեցին, որ, թեև կրակոցների ձայներ լսվում են, բայց դրանք գյուղի ուղղությամբ չեն: Բնակիչների մի մասը գյուղից տարհանվել է սեփական տրանսպորտային միջոցներով: Սոթքի համայնքապետ Սևակ Խաչատրյանը, թեև պատասխանեց մեր հեռախոսազանգին, բայց որևէ տեղեկատվություն չտվեց։  «Զբաղված եմ»,- ասաց Խաչատրյանն …

Ժամը 10:25-ի դրությամբ Սոթքի ուղղությամբ լարվածության նվազումը պահպանվում է․ տեղեկացնում են ՀՀ ՊՆ-ից։ «Նույն ժամի դրությամբ սահմանագոտու մյուս հատվածներում հարաբերականորեն կայուն է: Ադրբեջանական սադրանքի հետևանքով հայկական կողմը ժամը 10:25-ի դրությամբ ունի 4 վիրավոր: Վիրավոր զինծառայողներից 2-ի վիճակը գնահատվում է բավարար, 2-ինը՝ միջին ծանրության: Վիրավորում ստացած զինծառայողների կյանքին այս պահի դրությամբ վտանգ չի սպառնում: Պաշտպանության նախարարությունը …

Մայիսի 11-ի վաղ առավոտյան Ադրբեջանի զինված ուժերը, հերթական անգամ դիմելով սադրիչ և ագրեսիվ գործողությունների, ականանետների և հրետանային միջոցների կիրառմամբ կրակ են բացել Հայաստանի Հանրապետության ինքնիշխան տարածքի նկատմամբ: Հայկական կողմն ունի վիրավորներ. տեղեկացնում են ՀՀ ՊՆ-ից։ Միջազգային իրավունքի հիմնարար սկզբունքներից մեկի՝ ուժի կամ ուժի սպառնալիքի չկիրառման այս հերթական խախտումներն ի ցույց են դնում ձեռք բերված պայմանավորվածությունների, …

Ժամը 10:10 դրությամբ Սոթքի ուղղությամբ լարվածության նվազումը պահպանվում է․ տեղեկացնում են ՀՀ ՊՆ-ից։ «Նույն ժամի դրությամբ սահմանագոտու մյուս հատվածներում հարաբերականորեն կայուն է: Պաշտպանության նախարարությունը հանդես կգա լրացուցիչ հաղորդագրությամբ»,- ասված է հաղորդագրությունում։

Ժամը 10:00-ի դրությամբ Սոթքի ուղղությամբ լարվածությունն էականորեն նվազել է․ տեղեկացնում են ՀՀ ՊՆ-ից։ «Պաշտպանության նախարարությունը հանդես կգա լրացուցիչ հաղորդագրությամբ»,- ասված է հաղորդագրությունից։

Ժամը 09:45-ի դրությամբ Սոթքի ուղղությամբ իրավիճակը շարունակում է լարված մնալ․ տեղեկացնում են ՀՀ ՊՆ-ից։ «Պաշտպանության նախարարությունը հանդես կգա լրացուցիչ հաղորդագրությամբ»,- ասված է հաղորդագրությունում։

Ժամը 09:30-ի դրությամբ Սոթքի ուղղությամբ իրավիճակը շարունակում է լարված մնալ. տեղեկացնում են ՀՀ ՊՆ-ից։ «Ադրբեջանի ԶՈՒ ստորաբաժանումները շարունակում են կրակը հայկական դիրքերի ուղղությամբ: ՀՀ զինված ուժերի ստորաբաժանումները ձեռնարկում են համապատասխան պաշտպանական-կանխարգելիչ միջոցառումներ: Պաշտպանության նախարարությունը հանդես կգա լրացուցիչ հաղորդագրությամբ»,- ասված է հաղորդագրությունում։

Ժամը 09:20-ի դրությամբ Սոթքի ուղղությամբ իրադրության փոփոխություն չկա․ տեղեկացնում են ՀՀ ՊՆ-ից։ «Անհայտ ծագում ունեցող տելեգրամյան որոշ ալիքներ ապատեղեկատվություն են տարածում վիրավորների թվի մասին: Հայկական կողմը 09:20-ի դրությամբ ունի 3 վիրավոր: Հորդորում ենք չճշտված տեղեկություններ չհրապարակել և հետևել բացառապես պաշտոնական լրահոսին: Պաշտպանության նախարարությունը հանդես կգա լրացուցիչ հաղորդագրությամբ»,- ասված է հաղորդագրությունում։

Ժամը 09:00-ի դրությամբ Սոթքի ուղղությամբ իրադրության փոփոխություն չկա․ տեղեկացնում են ՀՀ ՊՆ-ից։ «Ժամը 09:00-ի դրությամբ սահմանագոտու մյուս հատվածներում հարաբերականորեն կայուն է: Պաշտպանության նախարարությունը հանդես կգա լրացուցիչ հաղորդագրությամբ»,- ասված է հաղորդագրությունում։