06.06.2026 | 12:50
«Նման ընտրությունները լեգիտիմ չեն լինի»․ Մեդվեդևը՝ Հայաստանի առաջիկա ընտրությունների մասին
Մեկ ամսում երրորդ անգամ Մոսկվան ԱԹՍ-ների հարձակման է ենթարկվել
Քաղաքականություն
18.08.2023 | 12:46
Ռուսաստանի իշխանությունների տվյալներով՝ ուրբաթ վաղ առավոտյան Մոսկվայի երկնքում խոցվել է ուկրաինական անօդաչու թռչող սարք։ ԱԹՍ-ն Կրեմլից մի քանի կիլոմետր հեռավորության վրա մխրճվել է Մոսկվայի քաղաքային բիզնես թաղամասի շենքերից մեկի մեջ, ուժգին պայթյուն է լսվել հարակից մի շարք տարածքներում, հայտնում է BBC-ի ռուսական ծառայութոյւնը։
Նախնական տվյալներով՝ զոհեր և վիրավորներ չկան։
Սա երրորդ նման միջադեպն է Մոսկվայի տարածքում վերջին մեկ ամսվա ընթացքում, և ութերորդ անօդաչու սարքի հարձակումը Մոսկվայի վրա մայիսի սկզբից ի վեր:
Մոսկվայի քաղաքապետ Սերգեյ Սոբյանինը հայտնել է, որ անօդաչու թռչող սարքը խոցվել է հակաօդային պաշտպանության ուժերի կողմից՝ դեպի Մոսկվա թռչելիս։ Դրա բեկորներն ընկել են «Էքսպոկենտրոնի» տարածքում՝ Կրեմլից հինգ կիլոմետր հեռավորության վրա գտնվող ցուցահանդեսային շենքերի և տաղավարների համալիրի տարածքում:
Ռուսական Telegram-ալիքների կողմից տարածված չստուգված տեսանյութերը ցույց են տալիս, որ Կրասնոպրեսնենսկայա ամբարտակի տարածքում երկնաքերերի ֆոնին բարձրանում է սև ծխի սյուն:
Reuters-ի հետ զրուցած ականատեսը պատմել է, որ բավականին հզոր պայթյուն է լսել:
