ՀՀ բարձր տեխնոլոգիական արդյունաբերության նախարար Ռոբերտ Խաչատրյանը օգոստոսի 2-ին ընդունել է Հայաստանի Հանրապետությունում Արաբական Միացյալ Էմիրությունների (ԱՄԷ) նորանշանակ արտակարգ և լիազոր դեսպան Նարիման Մուհամմեդ Շարիֆ Ալ Մուլլային: ԲՏԱ նախարարությունից տեղեկացնում են, որ նախարարը ողջունել է դեսպանին, ներկայացրել նախարարության գործունեության հիմնական ուղղությունները, անդրադարձել երկու երկրների միջև արդեն իսկ ձևավորված գործակցությանը և հույս հայտնել, որ առաջիկայում այն …

Տպավորություն է, թե Ադրբեջանը ծրագրում է Հայաստանի և Ադրբեջանի միջև Ալմաթիի հռչակագրով ֆիքսված սահմանը վիճարկելու տեղ թողնող դրույթներով խաղաղության պայմանագիր ստորագրել և հետագայում արդեն սահմանազատման և սահմանագծման գործընթացում տարածքային պահանջներ առաջադրել Հայաստանին։ Կառավարության այսօրվա նիստում նման հայտարարություն արեց վարչապետ Նիկոլ Փաշինյանը՝  արձագանքելով Ադրբեջանի նախագահի՝ Euronews-ին տված հարցազրույցին։ Ալիևը հայտարարել էր, թե Հայաստանից տարածքային պահանջներ չունի, …

Օգոստոսի 3-ին ՀՀ ներքին գործերի նախարար Վահե Ղազարյանն ընդունել է Հայաստանում Եվրամիության պատվիրակության ղեկավար Անդրեա Վիկտորինին։ ՆԳՆ-ից տեղեկացնում են, որ Վահե Ղազարյանը, բարձր գնահատելով Եվրոպական Միության հետ վաղեմի և արդյունավետ համագործակցությունը, շնորհակալություն է հայտնել Անդրեա Վիկտորինին՝ դիվանագիտական առաքելության ընթացքում Հայաստանի ներքին գործերի նախարարությունում ընթացող բարեփոխումներին ցուցաբերած աջակցության, Եվրամիության հետ փոխգործակցությունն առավել զարգացնելու, ինչպես և ծրագրային …

ՄԻԵԴ-ը որոշում է կայացրել Ադրբեջանին մինչև օգոստոսի 10-ը տրամադրել ժամանակ Ռաշիդ Բեգլարյանի վերաբերյալ տեղեկատվություն տրամադրելու մասին: Այս մասին տեղեկացնում է Միջազգային իրավական հարցերով ՀՀ ներկայացուցիչը։ Ադրբեջանը պարտավոր է դատարանին տեղեկություններ հայտնել այդ անձի գտնվելու վայրի, պահման պայմանների, առողջական վիճակի, ստացած բուժօգնության և հնարավոր վերադարձի մասին:

ՌԴ-ն Արցախի, այնտեղ ապրող մարդկանց ճակատագրի միջոցով շանտաժի է ենթարկում միջազգային հանրությանը։ Նպատակն այն է, որ ճանաչեն ԼՂ-ում ռուսների գտնվելու իրավունքը, Factor TV-ի հետ զրույցում նման կարծիք է հայտնում  քաղաքագետ Անդրիաս Ղուկասյանը՝ նշելով, որ Արցախում գտնվող ռուսները խաղաղապահ չեն, ընդամենը ռուսական զորակազմ են։ Նա հավելում է, որ տպավորություն ունի՝ ՌԴ ղեկավարները փող են վերցրել Ադրբեջանից …

Հնդկաստանը կմասնակցի Ուկրաինայի պատերազմի խաղաղ կարգավորման վերաբերյալ միջազգային բանակցություններին, որոնք կանցկացվեն օգոստոսի 5-ին և 6-ին Սաուդյան Արաբիայում: Այս մասին հայտնել է Հնդկաստանի ԱԳՆ ներկայացուցիչը, փոխանցում է BBC-ի ռուսական ծառայությունը։ Նշվում է, որ Հարավային Կորեան նույնպես դիտարկում է Ջիդդայի գագաթնաժողովին մասնակցելու հնարավորությունը։ Սաուդյան Արաբիան և Ուկրաինան հանդիպմանը հրավիրել են մոտ 30 երկրների, այդ թվում՝ ԵՄ խոշորագույն …

Օգոստոսի 5-ից երթևեկության կազմակերպման փոփոխություն կկատարվի Գայի պողոտա–Թոթովենցի–Նանսեն փողոցների խաչմերուկում` կից ներկայացվող երթևեկության կազմակերպման սխեմայի համաձայն: Այս մասին տեղեկացնում են Երևանի քաղաքապետարանից: Միաժամանակ նշված ճանապարհահատվածը կկահավորվի համապատասխան ճանապարհային նշաններով և կիրականացվեն գծանշման աշխատանքներ:  

Թուրքիայում Disney+-ի հարթակում «Աթաթուրք» սերիալի ցուցադրության չեղարկման շուրջ բուռն քննարկումները շարունակվում են։ Մասնավորապես, Թուրքիայի Ռադիոյի և հեռուստատեսության բարձրագույն խորհուրդը (RTÜK) որոշել է հետաքննություն սկսել և բացատրություն պահանջել Disney+-ից այն պնդումների ֆոնին, որ հարթակը չեղարկել է իր իսկ նկարահանած «Աթաթուրք» սերիալի ցուցադրությունը, հայտարարել է RTÜK-ի նախագահ Էբուբեքիր Շահինը։ Նա նշել է, որ Աթաթուրքը շատ կարևոր ազգային …

Ռուսական «Վագներ» մասնավոր ռազմական խմբավորման զինյալների մի մասը մոտեցել է Լիտվայի սահմաններին՝ դիրքեր գրավելով Բելառուսի Գրոդնոյի շրջանում։ Այս մասին հայտարարել է Լիտվայի նախագահ Գիտանաս Նաուսեդան Լեհաստանի վարչապետ Մատեուշ Մորավիեցկիի հետ հանդիպմանը, փոխանցում է լիտվական LRT մեդիա ընկերությունը, գրում է DW-ի ռուսական ծառայությունը։ «Այս իրավիճակը շատ հարմար է ինչպես Լեհաստանի և Բելառուսի, այնպես էլ Լիտվայի և …

Օգոստոսի 2-ին «Պահպանության ծառայություն» ՊՈԱԿ-ն ահազանգ էր ստացել Օշականում` 2.113 պետ. ցուցիչով հուշարձանի տարածքում գանձախուզության դեպքի մասին: Ահազանգը ստանալուց հետո Պատմական միջավայրի պահպանության Արագածոտնի մարզային ծառայության աշխատակիցները մեկնել են դեպքի վայր, ուսումնասիրել միջադեպը: Տեղում ծանոթանալով իրավիճակին` ՊՄՊ աշխատակիցները տեղեկացրել են լիազոր մարմնին և դիմել ոստիկանություն կատարվածին իրավական գնահատական տալու համար։