12.08.2026 | 14:29
Հալածանքների եմ ենթարկվել ՊԵԿ-ում․ Հայկ Ֆարմանյան. ՏԵՍԱՆՅՈՒԹ
Իսրայելցի պատանդների հարազատները ներխուժել են երկրի խորհրդարան
Քաղաքականություն
22.01.2024 | 17:52
Գազայում պաղեստինցի զինյալների կողմից պատանդ պահվող իսրայելցիների հարազատների մի խումբ Երուսաղեմում ներխուժել է խորհրդարան՝ հանձնաժողովներից մեկի նիստին մասնակցող օրենսդիրներից պահանջելով ավելին անել իրենց սիրելիներին ազատելու համար, գրում է The Reuters-ը։
Նշվում է, որ շուրջ 20 հոգու ակցիան ազդարարում է աճող ներքին անհամաձայնությունը ՀԱՄԱՍ-ի դեմ Գազայում չորս ամիս ձգվող պատերազմին։
Մի կին բարձրացրել է իր ընտանիքի երեք անդամների նկարները, որոնք այն 253 մարդկանցից են, որ առևանգվել են հոկտեմբերի 7-ին ՀԱՄԱՍ-ի հարձակման ժամանակ։ Շուրջ 130 պատանդներ մնում են գերության մեջ, մինչդեռ մյուսներին տուն են վերադարձրել նոյեմբերին կնքված զինադադարով:
«Գոնե մեկը, ես կուզենայի ողջ վերադառնար երեքից գոնե մեկը»,- Կնեսետի ֆինանսական հանձնաժողովի քննարկմանն ասել է արտասվող կին ցուցարարը։
Սև շապիկներով մյուս ցուցարարները բարձրացրել են ցուցանակներ՝ «Դուք այստեղ չեք նստի, քանի դեռ նրանք այնտեղ մահանում են» գրությամբ:
Նշվում է, որ հանգստյան օրերին պատանդների ազատ արձակման պահանջով կանոնավոր հանրահավաքներն ուժեղացվել են վերջին շաբաթների ընթացքում ընտրությունների կոչով ցույցերով, որոնք կարող են տապալել ծայրահեղ աջ կառավարությանը: Հակակառավարական ցույցերը, որոնք ցնցել էին երկիրը 2023 թվականին, ավարտվեցին հոկտեմբերի 7-ին ՀԱՄԱՍ-ի հարձակումից հետո։
Էմմա Չոբանյան
