09.04.2026 | 23:32
Պուտինը հայտարարել է «զատկական հրադադար»
Զելենսկին հրամանագիր է ստորագրել Ռուսաստանի՝ պատմականորեն ուկրաինացիներով բնակեցված տարածքների մասին
Քաղաքականություն
22.01.2024 | 17:03
Ուկրաինայի միավորման օրվա կապակցությամբ երկրի նախագահ Վլադիմիր Զելենսկին տեսաուղերձ է հղել ժողովրդին։ Ելույթ ունենալով Սոֆիայի հրապարակում՝ Զելենսկին ասել է, որ ստորագրել է «Ռուսաստանի Դաշնության պատմականորեն ուկրաինացիներով բնակեցված տարածքների մասին» հրամանագիրը, գրում է BBC-ի ռուսական ծառայությունը։
«Սա պատմական անցյալի ճշմարտության վերադարձն է հանուն ուկրաինական ապագայի»,- ասել է Զելենսկին։
Հրամանագրում, ի թիվս այլ բաների, ասվում է, որ անհրաժեշտ է «միջազգային փորձագետների, ուկրաինացիների համաշխարհային կոնգրեսի ներկայացուցիչների, գիտնականների, հասարակության ներգրավմամբ մշակել և Ուկրաինայի ազգային անվտանգության ու պաշտպանության խորհրդին ներկայացնել գործողությունների ծրագիր՝ պահպանելու համար Ռուսաստանի Դաշնությունում ուկրաինացիների ազգային ինքնությունը, այդ թվում՝ պատմականորեն բանակեցված տարածքներում (Կուբան, Ստարոդուբշչինա, Հյուսիսային և Արևելյան Սլոբոժանշչինա՝ ժամանակակից Կրասնոդարի երկրամաս, Բելգորոդի, Բրյանսկի, Վորոնեժի, Կուրսկի, Ռոստովի մարզերը)։
Էմմա Չոբանյան
