Իրանին հաջողվել է հաջողությամբ արձակել Երկրի հեռահար զոնդավորման արբանյակ։ Այս մասին հայտարարել է երկրի կապի ու տեղեկատվական տեխնոլոգիաների նախարար Իսա Զարեպուրը, հաղորդել է IRNA-ն: Նշվում է, որ Իսլամական հեղափոխության պահապանների կորպուսի (ԻՀՊԿ) օդատիեզերական ուժերը տիեզերք են արձակել իրանական «Նուր-3» (Լույս) արբանյակը։ Սարքն արձակվել է 450 կմ ուղեծիր՝ օգտագործելով Իրանում մշակված «Qased» հրթիռային մեքենան։ Հայտնի է, …

Ադրբեջանը դեռևս անկախ միջազգային դիտորդներին Լեռնային Ղարաբաղ մուտքի թույլտվություն չի տրամադրել՝ տեղում իրավիճակը վերահսկելու համար: Այս մասին հայտարարել է Եվրամիության (ԵՄ) արտաքին քաղաքականության ծառայության պաշտոնական ներկայացուցիչ Պետեր Ստանոն։ «Մենք կոչ ենք անում Ադրբեջանին ապահովել միջազգային մուտք դեպի Լեռնային Ղարաբաղ՝ անհրաժեշտ օգնություն ցուցաբերելու, ինչպես նաև անկախ մոնիթորինգի համար՝ հասկանալու, թե ինչ է կատարվում, մասնավորապես, թե ինչպես …

«Արդար Հայաստան» կուսակցության ղեկավար Նորայր Նորիկյանը Factor TV-ի հետ զրույցում խոսում է Ադրբեջանի կողմից Ռուբեն Վարդանյանին ձերբակալելու, հավանական նոր ձերբակալությունների, Բաքվի և Մոսկվայի միջև այս հարցով հնարավոր քննարկումների, ՌԴ-ի կողմից Արցախի նկատմամբ անվտանգային պարտավորությունները չկատարելու, Արցախի շուրջ ստեղծված իրավիճակի ակունքների, ՌԴ-ի հետ հարաբերությունների վերաձևակերպման անհրաժեշտության և այլ թեմաների մասին։ Հարցազրույցն ամբողջությամբ՝ տեսանյութում։ Ռոբերտ Անանյան

ՀՀ վարչապետի աշխատակազմից տեղեկացնում են, որ վարչապետ Նիկոլ Փաշինյանի որոշմամբ՝ Դավիթ Սարգսյանն ազատվել է Վայոց ձորի մարզպետի տեղակալի պաշտոնից։   «Ղեկավարվելով «Հանրային ծառայության մասին» օրենքի 9-րդ հոդվածի 9-րդ մասով՝ Դավիթ Սարգսյանին ազատել Հայաստանի Հանրապետության Վայոց ձորի մարզպետի տեղակալի պաշտոնից»,- ասված է որոշման մեջ։

Երևան քաղաքում` Սեպտեմբերի 28-ին սպասվում է առանց տեղումների եղանակ: Սեպտեմբերի 29-ի երեկոյան ժամերին հնարավոր է, 30-ին, հոկտեմբերի 1-2-ին սպասվում է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում՝ 15-18 մ/վրկ արագությամբ։ Հանրապետության տարածքում` Սեպտեմբերի 28-ին սպասվում է առանց տեղումների եղանակ։ Սեպտեմբերի 29-30-ին, հոկտեմբերի 2-ին առանձին շրջաններում, հոկտեմբերի 1-ին շրջանների զգալի մասում սպասվում …

Արցախի նախկին պետնախարար Ռուբեն Վարդանյանի հարցով  ՀՀ կառավարությունը դիմել է ՄԻԵԴ։ Այս մասին Factor.am-ի հետ զրույցում ասաց  Միջազգային իրավական հարցերով ՀՀ ներկայացուցչի մամուլի խոսնակ Հասմիկ Սամվելյանը։ Հիշեցնենք, որ ադրբեջանական կողմը Ռուբեն Վարդանյանին ձերբակալել է Լաչինի միջանցքով անցնելիս և տեղափոխել Բաքու։     

Թուրքիայի ԱԳՆ-ն հայտարարություն է տարածել Ստեփանակերտում տեղի ունեցած պայթյունի վերաբերյալ՝ ցավակցություններ հայտնելով։ «Մեծ ցավով տեղեկացանք, որ սեպտեմբերի 25-ին Խանքենդի քաղաքի (նկատի ունեն Ստեփանակերտը) գազալցակայանում տեղի ունեցած պայթյունի հետևանքով բազմաթիվ մարդիկ են զոհվել, հարյուրավորները ծանր վիրավորվել են։ Ցավակցում ենք այս ողբերգական դեպքի հետևանքով զոհվածների հարազատներին, իսկ վիրավորներին մաղթում շուտափույթ ապաքինում»,- ասվում է հայտարարության մեջ։ Նշվում է …

Մենք լուրջ խնդիրներ ենք կուտակել շրջափակման 10 ամիսների ընթացքում, երբ որ ԼՂ-ն շրջափակված էր՝ Լաչինի միջանցքի փակման հետևանքով։ Հատկապես ձմռան ամիսներին կրթական հաստատությունները հիմնականում չէին գործում ջեռուցման բացակայության պատճառով։ Սննդի մատակարարման բացակայության պատճառով մեծ խնդիրներ էին առաջանում նախադպրոցական հաստատությունների գործունեության հարցում։ Այսօր այս մասին ասուլիսի ժամանակ հայտարարեց ԿԳՄՍ նախարար Ժաննա Անդրեասյանը: «Մշտական կապի մեջ ենք …

ՀՀ աշխատանքի և սոցիալական հարցերի նախարարությունից տեղեկացնում են, որ կազմակերպվում է «Ստեփանակերտի երեխաների խնամքի և պաշտպանության թիվ 1 գիշերօթիկ հաստատության» երեխաների և «Ստեփանակերտի տուն-ինտերնատի» տարեցների՝ ՀՀ խնամքի հաստատություններում տեղավորման գործընթացը։ Այն իրականացվում է ՀՀ աշխատանքի և սոցիալական հարցերի նախարարության ու ԼՂ գործընկերների համագործակցությամբ։ Այլ մանրամասների վերաբերյալ կտրամադրվի լրացուցիչ տեղեկատվություն։