27.04.2026 | 16:30
Ռազմական ծախսերը կտրուկ աճել են Եվրոպայում ու Ասիայում՝ հասնելով 16 տարվա ընթացքում չտեսնված մակարդակի. SIPRI
BMW-ն բախվել է երկաթբետոնե սյանը․ վերջինս ընկել է ավտոմեքենայի վրա. կան տուժածներ
16.03.2024 | 19:27
Մարտի 16-ին` ժամը 14։33-ին, Արագածոտնի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Արտաշավան գյուղի գազալցակայանի մոտակայքում էլեկտրական սյան երկաթե կառուցատարրը մտել է ավտոմեքենայի մեջ․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
ՆԳՆ ՓԾ-ից տեղեկացնում են՝ պարզվել է, որ «BMW» մակնիշի ավտոմեքենան (վարորդ՝ Մ․ Մ․, ծնված 1981 թ․) դուրս է եկել ճանապարհի երթևեկելի հատվածից և բախվել երկաթբետոնե սյանը․ վերջինս ընկել է ավտոմեքենայի վրա և մասնակի մխրճվել շարժիչի հատվածի մեջ։
Մինչ փրկարարների կանչի վայր հասնելը՝ վարորդը և ուղևոր Ա․ Ս․-ն (ծնված 2020 թ․) տեղի ուժերով տեղափոխվել են բժշկական կենտրոն, որտեղ բժիշկները տուժածների առողջական վիճակը գնահատել են բավարար։
Փրկարարները կտրել են կառուցատարրը և սյունը հեռացրել ավտոմեքենայի վրայից։
