Փետրվարի 28-ին, ժամը 15։07-ին Ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհին այրվում է ավտոմեքենա։ ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է Կոտայքի մարզի Վերին Պտղնի գյուղի թիվ 1 հասցեի մոտակայքում։ Հրդեհը մեկուսացվել է …

Պաշտպանության նախարարությունը ապրիլի 1-ից մինչև հունիսի 28-ը ներառյալ պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների համար վարժական հավաքներ է անցկացնելու։ Պաշտպանական գերատեսչության փոխանցմամբ՝ վարժական հավաքներին մասնակցելու է մինչև 4799 քաղաքացի, որոնցից 4353-ը՝ շարքային և կրտսեր ենթասպայական կազմերի, 144-ը` ավագ ենթասպայական կազմի, 302-ը` սպայական կազմի պահեստազորայիններ։ Ընդգրկվելու են համազորային …

Երևան քաղաքում փետրվարի 29-ին, մարտի 1-4-ին սպասվում է առանց տեղումների եղանակ։ Հանրապետության տարածքում փետրվարի 29-ին, մարտի 1-3-ին, 4-ի գիշերը սպասվում է առանց տեղումների եղանակ։ Մարտի 4-ի ցերեկը առանձին շրջաններում սպասվում է կարճատև անձրև։ Քամին՝ հարավարևելյան 2-5 մ/վ: Օդի ջերմաստիճանը փետրվարի 28-ից մարտի 4-ին աստիճանաբար կբարձրանա գիշերը՝ 8-10, ցերեկը՝ 6-8 աստիճանով։  

Ադրբեջանի բանակի զինված զինծառայողն այսօր վաղ առավոտյան՝ ժամը 05:15-ի սահմաններում հատել է Սյունիքի մարզի Տեղ համայնքի սահմանային հատվածում հայ-ադրբեջանական շփման գիծը։ Այս մասին օրվա երկրորդ կեսին հայտնեց ԱԱԾ-ն, երբ տեղեկությունն արդեն տարածվել էր համացանցում։ Հատուկ ծառայության փոխանցմամբ՝ ադրբեջանցի զինծառայողը զինված է եղել ԱԿՄ տիպի ինքնաձիգով ու 1 պահատուփով: Նա վնասազերծվել է ՊՆ զինծառայողների կողմից։ Հայաստանի ԱԱԾ-ն …

«Հանուն հավասար իրավունքների կենտրոն» ՀԿ ղեկավար Գայանե Աբրահամյանը Factor TV-ին տված հարցազրույցում խոսում է Բեռլինում Հայաստանի և Ադրբեջանի ԱԳ նախարարների սկսած բանակցային պրոցեսի, խաղաղության պայմանագրի մշակման պրոցեսը տապալելու Ադրբեջանի մարտավարության, Զելենսկիի՝ Հայաստան սպասվող այցի և հայ-ուկրաինական հավանական օրակագի, Արևմուտքի՝ ռեգիոնալ հարցերի նկատմամբ դիրքավորման, Զելենսկիի այցի համատեքստում՝ տարածքային ամբողջականության հարցի արծարծման և օրակարգային հարց դարձնելու անհրաժեշտության …

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ փետրվարի 29-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Սիլիկյան թաղ. 6, 7 11, 12, 13 փողոցներ, Բաշինջաղյան փ. 165, 173, 175 շենքեր, Դավթաշեն թաղ. 1, 2, 4 փողոցներ և հարակից ոչ բնակիչ-բաժանորդներ, 11։00-14:00 Ուլնեցի 1 փակ․ 1-5 շենքեր, թիվ …

Հարավային Կովկասում մենք տեսնում ենք առանձին գծեր կառուցելու փորձեր, հայտարարել է Ադրբեջանի նախագահ Իլհամ Ալիևը Գերմանիայի տնտեսության արևելյան կոմիտեի նախագահ Մայքլ Հարմսի գլխավորած պատվիրակության հետ հանդիպմանը։ Ալիևը դժգոհել է, որ եվրոպական ինստիտուտները շատ ավելի սերտ հարաբերություններ ունեն Հայաստանի և Վրաստանի հետ։ «Այս առումով Ադրբեջանում շատերը կարծում են, որ միակ ելքը մեր իսլամական կրոնն է, մի …

Բեռլինում կայացել է Հայաստանի արտգործնախարար Արարատ Միրզոյանի, Ադրբեջանի արտաքին գործերի նախարար Ջեյհուն Բայրամովի և Գերմանիայի արտաքին գործերի նախարար Աննալենա Բերբոքի Հանդիպումը. ՀՀ ԱԳՆ-ից տեղեկացնում են, որ հանդիպմանը քննարկվել են հայ-ադրբեջանական հարաբերությունների կարգավորման գործընթացին վերաբերող հարցեր: ՀՀ ԱԳ նախարար Միրզոյանը շնորհակալություն է հայտնել գերմանական կողմին հանդիպումն ու բանակցությունները հյուրընկալելու համար: Գերմանիայի ԱԳ նախարարը հանդես է եկել …

Քաղաքագետ Լիլիթ Դալլաքյանը Factor TV-ին տված հարցազրույցում խոսում է Տեղ գյուղի տարածք ադրբեջանցի զինծառայողի անցնելու, հայ ռազմագերիներին բանտերում պահելու Բաքվի գործելաոճի, Բեռլինում հայ-ադրբեջանական բարձր մակարդակի բանակցությունների և սպասվող արդյունքների, Ռուսաստանի ռեգիոնալ քաղաքականության, առկա ռիսկերի և այլ թեմաներով։ Հարցազրույցն ամբողջությամբ՝ տեսանյութում։ Ռոբերտ Անանյան

Կառավարությունում այսօր տեղի է ունեցել ԵՄ-Հայաստան ներդրումների համակարգման պլատֆորմի երկրորդ հանդիպումը՝ ՀՀ փոխվարչապետ Մհեր Գրիգորյանի և Եվրոպական հանձնաժողովի հարևանության և ընդլայնման բանակցությունների հարցերով գլխավոր տնօրինության Արևելյան հարևանության և ինստիտուտների հզորացման հարցերով տնօրեն Ադրիեն Կիրալիի համանախագահությամբ։ Պլատֆորմը միավորում է Հայաստանի Հանրապետության կառավարությունը, Եվրոպական միությունը (ԵՄ) և միջազգային ֆինանսական հաստատությունները՝ նպաստելու Հայաստանում ներդրումներին՝ խթանելով կայուն զարգացումը և …