14.03.2026 | 17:15
«Շատ տպավորիչ կառույց է». Փաշինյանը՝ Քաջարան-Ագարակ ճանապարհի թունելից դուրս գալուց հետո. ՏԵՍԱՆՅՈՒԹ
Թուրքիայի ԶՈՒ-ն բերվել է մարտական պատրաստության վիճակի՝ Սիրիայում օպերացիայի համար․ Türkiye
Քաղաքականություն
09.01.2025 | 12:09
Թուրքիայի զինված ուժերը մարտական պատրաստության վիճակի են բերվել՝ կապված Սիրիայում Քուրդիստանի աշխատավորական կուսակցության (PKK) զինյալների դեմ հնարավոր գործողության հետ, գրում է կառավարամետ Türkiye պարբերականը՝ հղում անելով իր ռազմական աղբյուրներին։
«Անկարան, որը Սիրիայի նոր վարչակազմից պահանջում է անհրաժեշտ միջոցներ ձեռնարկել ահաբեկչական կազմակերպության դեմ, շարունակում է պատրաստվել ցանկացած սցենարի։ Դրանցից մեկը ռազմական գործողություններն են։ Հնարավոր գործողության համար սահմանին գտնվող զորքերը մարտական պատրաստության են բերվել»,- նշվում է հոդվածում։
Թուրքական և սիրիական ուժերը լայնածավալ ռազմական գործողություններ կիրականացնեն PKK-ի զինյալների դեմ, եթե Արևմուտքը «նոր պահանջներ» ներկայացնի, չորեքշաբթի գրել էր թուրքական Hürriyet-ը։
Միաժամանակ, Թուրքիայի արտգործնախարար Հաքան Ֆիդանը հայտարարել էր, որ Անկարան վերջնագիր է ներկայացրել Սիրիայում PKK-ի զինյալներին, և եթե այդ կոչերն անտեսվեն, ռազմական գործողությունը կարող է արդիական դառնալ։
Թարգմանությունը՝ Տաթև Ֆռանգյանի
