Երևանի Ազատության հրապարակում հանրահավաք են իրականացնում «Մեր ձևով» շարժման աջակիցները։ Հանրահավաքից հետո նախատեսվում է երթ  դեպի Սամվել Կարապետյանի և արքեպիսկոպոսների կալանավորման վայր:  

«Գազպրոմ Արմենիա»-ից տեղեկացնում են, որ գազատարի վերատեղադրման աշխատանքներ իրականացնելու նպատակով հոկտեմբերի 20-ին՝ ժամը 09:00-ից մինչև ժամը 18:00-ն, կդադարեցվի Լոռու մարզի Մեծ Պարնի բնակավայրի գազասպառողների գազամատակարարումը։ Գազատարի վերատեղադրման աշխատանքներ իրականացնելու նպատակով հոկտեմբերի 20-ին՝ ժամը 09:00-ից մինչև ժամը 18:00-ն, կդադարեցվի Լոռու մարզի Վանաձոր քաղաքի Սայաթ-Նովայի, Հակոբյան, Կամոյի, Այվազովսկու, Արաբկիր, Զ․Անդրանիկի, Լագեր, Ռ․Մելիքյան, Մուրացանի և Նաիրի փողոցների գազասպառողների գազամատակարարումը։

Աշխատանքային այցով Հայաստանում գտնվող Բելգիայի Թագավորության թագուհի Մաթիլդան իր հագեցած պաշտոնական ծրագրի շրջանակում իրականացրել է նաև ոչ պաշտոնական այց Հայաստանի ազգային պատկերասրահ։ Թագուհին շրջել է պատկերասրահի որմնանկարների սրահներով, ծանոթացել հայկական հին և միջնադարյան արվեստի արժեքավոր նմուշներին։

Կառավարությունը 1 միլիարդ 475 միլիոն դրամ է տրամադրել Թալինի բժշկական կենտրոնի վերակառուցման համար։ Կենտրոնն ապահովված է անհրաժեշտ գույքով և ժամանակակից տեխնիկական սարքավորումներով։ Այս մասին ֆեյսբուքյան իր էջում գրել է վարչապետ Նիկոլ Փաշինյանը և կից տեսանյութ հրապարակել ԲԿ այցից։

Հոկտեմբերի 20-27-ը Սերբիայի Նովի Սադ քաղաքում տեղի կունենա Մ23 Աշխարհի առաջնությունը։ Այդ մասին հայտնում է Հայաստանի ըմբշամարտի ֆեդերացիան։ Ձեզ ենք ներկայացնում Հայաստանի հավաքականի կազմերը. Ազատ ոճ 57 կգ Նորիկ Հարությունյան 61 կգ Լևիկ Միքայելյան 65 կգ Անդրանիկ Ավետիսյան 70 կգ Դավիթ Մարգարյան 74 կգ Գրիգոր Չոլակյան 79 կգ Հայկ Պապիկյան 86 կգ Մուշեղ Մկրտչյան 92 …

Հնդկաստանում Հայաստանի Հանրապետության դեսպան Վահագն Աֆյանը հանդիպել է այցով Նյու Դելիում գտնվող Շրի Լանկայի վարչապետ Հարինի Ամարասուրիայի հետ․ այս մասին նշված է Հնդկաստանում ՀՀ դեսպանության տարածած հաղորդագրության մեջ։ Դեսպանության փոխանցմամբ՝ Հնդկաստան կատարած այցի առթիվ Շրի Լանկայի դեսպանությունում կազմակերպված ընդունելությանը կարճատև առանձնազրույցի ժամանակ մտքեր են փոխանակվել միջազգային հարթակներում փոխգործակցության, ինչպես նաև երկկողմ կապերի ամրապնդմանն ուղղված քայլերի վերաբերյալ: …

Վարչապետ Նիկոլ Փաշինյանը ելույթ է ունեցել Արագածոտնի մարզի Սասունիկ համայնքի միջնակարգ դպրոցի բացման արարողության ժամանակ։  

Երևանում հոկտեմբերի 19-ին, 22-23-ը սպասվում է առանց տեղումների եղանակ։ Հոկտեմբերի 20-ի երեկոյան, 21-ին հնարավոր է կարճատև անձրև։ Հանրապետության տարածքում հոկտեմբերի 22-ի ցերեկը, 19-ին, 23-ին սպասվում է առանց տեղումների եղանակ։ Հոկտեմբերի 20-ի երեկոյան, 21-ին, 22-ի գիշերը առանձին շրջաններում սպասվում է կարճատև անձրև։ Քամին՝ արևմտյան, 2-5 մ/վ, հոկտեմբերի 20-21-ը առանձին շրջաններում հնարավոր է քամու ուժգնացում՝ 16-19 մ/վ …

«#300իցմեկը՝ կառուցվել է Սասունիկի միջնակարգ դպրոցը: Կառավարությունը հատկացրել է 2 մլրդ 157 մլն դրամ։ Դպրոցը նախատեսված է 432 աշակերտի համար»,- ֆեյսբուքյան իր էջւմ գրել է ՀՀ վարչապետ Նիկոլ Փաշինյանն ու կից տեսանյութ է հրապարակել։

Կենտրոնական ընտրական հանձնաժողովից տեղեկացնում են՝ Վաղարշապատ համայնքի ավագանու ընտրությունների մասնակից 8 քաղաքական ուժերի ընտրական ցուցակները հասանելի են ԿԸՀ կայքում: Ավելի վաղ հայտնել էինք՝ ԿԸՀ նիստում վիճակահանությամբ բաշխվել են Վաղարշապատի ընտրություններում մասնակից ուժերի հերթական համարները: Վիճակահանությանը մասնակցելու հերթականությունն իրականացվել է կուսակցությունների, կուսակցությունների դաշինքի անվանումների այբբենական հերթականությամբ։