ԵՄ-ի հետ վիզաների ազատականացման հարցը խոսակցությունների մակարդակից տեղափոխվել է գործանական փուլ, անցած տարի տրվեց այդ գործընթացի գործնական մեկնարկը, այս մասին տարեկան ամփոփիչ ասուլիսի ժամանակ տեղեկացրեց ՆԳ նախարար Արփինե Սարգսյանը։ Նրա փոխանցմամբ՝ գործընկերների հետ աշխատանքը մտել է դրական փուլ, սպասում են առաքելությունների, որոնք պետք է այցելեն մեր երկիր։ Գարնանն ականկալվում է ԵՄ-Հայաստան գործողությունների ծրագրի ներկայացում։ Նա …

Հնդկաստանի և Ֆրանսիայի կողմից համատեղ մշակված հիմնական պաշտպանական համակարգը երրորդ երկրից արտահանման պատվեր է ստացել՝ ցույց տալով համատեղ զարգացման և ցածր գնով հնդկական արտադրության ներուժը: Այս մասին գրում է հնդկական The Economic Times-ը։ Նշվում է, որ Հնդկաստանը և Ֆրանսիան մշակել են «Տրայան» 155 մմ քարշակային հրետանային համակարգը: Հայաստանն այս համակարգն ընտրել է իր զորքերի համար։ …

Հայաստանի Հանրապետության գլխավոր դատախազ Աննա Վարդապետյանը բավարարել է Մեծ Բրիտանիայի և Հյուսիսային Իռլանդիայի Միացյալ Թագավորության իրավասու մարմնի միջնորդությունը. պատվերով սպանություն կատարելու փորձի մեջ մեղադրվող՝ հետախուզվող անձ Է.Ժ․Բ.-ն 2025 թվականի հունվարի 16-ին հանձնվել է վերոնշյալ երկրի իրավասու մարմիններին: Այս մասին տեղեկացնում են ՀՀ գլխավոր դատախազությունից։  

ՀՀ-ԱՄՆ ռազմավարական գործընկերության փաստաթուղթը համաձայնեցված է Դոնալդ Թրամփի հետ, այս մասին Factor TV-ի հետ զրույցում ասաց Միջազգային և անվտանգության հարցերի հայկական ինստիտուտի հիմնադիր, քաղաքագետ Ստյոպա Սաֆարյանը։ Ըստ քաղաքագետի` Թրամփը պետք է ՀՀ-ԱՄՆ ռազմավարական գործընկերության փաստաթուղթն իր համար նվեր համարի: Հիշեցնենք՝ որ փաստաթուղթը ստորագրվել է Ջո Բայդենի վարչակազմի հետ նրա պաշտոնավարման վերջին շաբաթում, և այս համատեքստում …

Բնապահպանության և ընդերքի տեսչական մարմնի աշխատակիցները «Դրիմ Ռեսթ» ՍՊԸ-ին պատկանող Կոտայքի մարզում գործող «Արթուրս Աղվերան Ռեզորթ» հանգստյան գոտում իրականացրած ստուգման արդյունքում նախկինում կասեցրել էին առանց ջրօգտագործման թույլտվության բնական աղբյուրից կատարվող ապօրինի ջրառը․ տեղեկացնում են ԲԸՏՄ-ից։ Ընկերությունը լիազոր մարմնից ձեռք է բերել ջրօգտագործման թույլտվություն՝ շտկելով արձանագրված խախտումները։ Տեսչական մարմնի ղեկավարի որոշմամբ ապօրինի ջրօգտագործման կասեցումը վերացվել է։

Բաքվում գտնվող Վրաստանի ԱԳ նախարար Մակա Բոչորիշվիլին հանդիպել է Ադրբեջանի արտգործնախարար Ջեյհուն Բայրամովին։ Ադրբեջանական կողմի հաղորդագրության համաձայն՝ նախ տեղի է ունեցել պաշտոնակիցների առանձնազրույցը, որին արդեն հաջորդել է պատվիրակությունների հանդիպումը ընդլայնված կազմով։ Հանդիպմանը քննարկվել են Ադրբեջանի և Վրաստանի միջև ռազմավարական գործընկերության քաղաքական, պաշտպանական, տնտեսական, էներգետիկ, տրանսպորտի, կապի և հումանիտար ասպեկտները, ինչպես նաև փոխադարձ հետաքրքրություն ներկայացնող տարածաշրջանային …

Սպորտի ոլորտում բացառիկ նվաճում ունեցող քաղաքացիներին պարտադիր զինվորական ծառայության զորակոչից ազատելու գործընթացի կատարելագործմամբ պայմանավորված՝ Կառավարությունն ընդունել է որոշում: Լրացում է կատարվել 2019 թվականի փետրվարի 15-ի՝ «Քաղաքացուն բացառիկ դեպքերում պարտադիր զինվորական ծառայությունից ազատելու կարգը սահմանելու մասին» որոշման մեջ: Որոշմամբ սահմանված են սպորտի ոլորտում բացառիկ նվաճումներ ունենալու հանգամանքները, որոնց առկայության դեպքում քաղաքացին ազատվում է պարտադիր զինվորական ծառայության …

«Ձեր կողմից նշված եզրույթով ոստիկանության ծառայողի կողմից քաղաքացուն դիմելու մասով՝ անկախ նրանից, թե ում նկատմամբ է եղել այդ արտահայտությունը, իմ ռեակցիան արտահայտվել է ծառայողական քննություն սկսելու տեսքով։ Այս պահին կոնկրետ Ձեր նշած դրվագով անձի կողմից օգտագործված ձևակերպման մասով և ոչ միայն դրա, կա հարուցված ծառայողական քննություն, որը գնահատական կտա նաև այդ վարքագծին»,- Factor TV-ի հարցին …

Ադրբեջանի Պաշտպանության նախարարության զորամասերում զինծառայողների հետ հանդիպումների ժամանակավոր սահմանափակումներ են մտցվել։ «Ձմեռային ժամանակահատվածում օդի ջերմաստիճանի նվազման պատճառով վերջին օրերին Ադրբեջանում նկատվում է սեզոնային շնչառական վիրուսային վարակների դեպքերի աճ։ Ադապտացիոն շրջան անցնող նորակոչիկների առողջությունը պահպանելու նպատակով ժամանակավոր սահմանափակումներ են մտցվել զորամասերում նրանց հետ հանդիպումների համար»,- ասվում է Ադրբեջանի ՊՆ հաղորդագրության մեջ։ Նշվում է, որ զորամասերում փակ …