«Քաղաքացիական պայմանագիր» խմբակցությունը նոր պատգամավոր ունի. Գուրգեն Արսենյանի փոխարեն մանդատը ստացավ Արմենուհի Ղազարյանը։ Նա ԱԺ 8-րդ գումարման նստաշրջանի մեկնարկին երդվեց։ Հարկ է նկատել, որ Արմենուհի Ղազարյանի երդման արարողությունից հետո ընդդիմությունը չծափահարեց նրան։ Հիշեցնենք, որ ՔՊ խմբակցության պատգամավոր Գուրգեն Արսենյանը մանդատը վայր դնելու դիմում էր ներկայացրել ԱԺ նախագահին։ Նա նշանակվել է Ռուսաստանի Դաշնությունում Հայաստանի Հանրապետության դեսպան։ …

Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները սեպտեմբերի 9-ի դրությամբ՝ ըստ rate.am-ի: Ամերիկյան մեկ դոլարը գնվում է միջինը 385,22 և վաճառվում՝ 390,33 փոխարժեքով: Մեկ եվրոն գնվում է միջինը 423,27 և վաճառվում՝ 435,66 փոխարժեքով: Մեկ ռուսական ռուբլին գնվում է միջինը 4,18, վաճառվում՝ 4,52 փոխարժեքով։

«Վեոլիա Ջուր» ընկերությունը տեղեկացնում է իր հաճախորդներին և սպառողներին պլանային աշխատանքներով պայմանավորված Կոտայքի մարզի հետևյալ տարածքների ջրամատակարարման ընդհատումների մասին. • Ս.թ. սեպտեմբերի 10-ին ժամը 10:00-ից մինչև սեպտեմբերի 11-ը ժամը 07:00-ն կդադարեցվի Աբովյան քաղաքի, Արզնի, Կոտայք, Նոր գյուղ, Բջնի, Սոլակ, Կարենիս, Թեղենիք, Քարաշամբ, Արգել, Զորավան, Վերին Աղբյուրակ, Քաղսի գյուղերի, Վան և Քարաշամբ Ամառանոցային թաղամասերի ջրամատակարարումը: • …

Կորեայի Հանրապետություն կատարած աշխատանքային այցի շրջանակում ՀՀ պաշտպանության նախարար Սուրեն Պապիկյանը սեպտեմբերի 9-ին մասնակցել է «Պատասխանատու արհեստական բանականություն՝ ռազմական տիրույթում» գագաթնաժողովի բացման արարողությանը․ տեղեկացնում են ՀՀ ՊՆ-ից։ Միջոցառումը կազմակերպել են Կորեայի Հանրապետության, Նիդերլանդների, Միացյալ Թագավորության, Սինգապուրի և Քենիայի պաշտպանության ու արտաքին գործերի նախարարությունները, որոնց նպատակը միջազգային մեխանիզմների նախաձեռնումն է՝ վերահսկելու արհեստական բանականության կիրառումը ռազմական տեխնոլոգիաներում …

Մեկնարկել է Ազգային ժողովի 8-րդ գումարման 8-րդ նստաշրջանը։ Հերթական նիստերի օրակարգում ընդգրկվել է 44 հարց: Օրակարգում ընդգրկված են «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» օրենքում փոփոխություններ և լրացումներ կատարելու մասին, «Վարչական իրավախախտումների վերաբերյալ Հայաստանի Հանրապետության օրենսգրքում լրացում և փոփոխություններ կատարելու մասի», «Առևտրի և  ծառայությունների մասին» օրենքում փոփոխություն կատարելու մասին …

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Մեկնարկել է Երևանի քաղաքապետարանի գործակարգավարական հերթական նիստը։

«Սուրբ Հովհաննես» մատուռի մոտակայքում հերթապահություն իրականացնող փրկարարներն օգնություն են ցուցաբերել տասներկու քաղաքացու․ հայտնում են ՆԳՆ փրկարար ծառայությունից։ Սեպտեմբերի 8-ին, ժամը 11:58-ից սկսած Լոռու մարզային ճգնաժամային կառավարման կենտրոն ահազանգեր են ստացվել, որ Հարթագյուղ գյուղի «Սուրբ Հովհաննես» մատուռի մոտակայքում մի շարք քաղաքացիներ մարմնական վնասվածքներով, վատ ինքնազգացողությամբ և այլ հանգամանքներով պայմանավորված ունեն փրկարարների օգնության կարիքը: Դեպքի վայրում հերթապահություն …

Factor TV-ի A-politic հաղորդաշարի հյուրն է հեռուստահաղորդավար, պրոդյուսեր Արմեն Ամիրյանը: Նա ունի իր բացատրությունը, թե ինչու հեռուստատեսությունում գնալով պակասում է լուրջ մշակութային բովանդակությունը: Ըստ հաղորդման հյուրի՝ հեռուստաընկերությունները ցանկանում են մրցակցության մեջ մտնել կայքերի հետ՝ հաղորդելով նույն տեսակի բովանդակություն, և քանի որ զուտ համացանցային արտադրության ինքնարժեքը զգալիորեն ավելի ցածր է, կայքերի արտադրանքը կոմերցիոն առումով հաղթում է: …

83 տարեկանում մահացել է խորհրդային և ռուս հեռուստահաղորդավար Ալեքսանդր Մասլյակովը․ գրում է КВН-ի տելեգրամյան ալիքը։ «Խոր ափսոսանքով հայտնում ենք, որ Ալեքսանդր Վասիլևիչ Մասլյակովը մահացել է 2024 թվականի սեպտեմբերի 8-ին»,- ասվում է հաղորդագրությունում։ Ակումբը նշել է, որ Մասլյակովը եղել է և հավերժ կմնա լեգենդ КВН-ի շարժման բոլոր մասնակիցների և միլիոնավոր հեռուստադիտողների համար։ Մասլյակովը հաղորդաշարը վարում էր …