03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Պարոն Լավրովն ավելի լավ է չխառնվի ՀՀ ներքին գործերին, նույնը խորհուրդ կտայի ՌԴ մյուս պաշտոնյաներին․ ՏԵՍԱՆՅՈՒԹ
Քաղաքականություն
30.06.2025 | 13:03
Հայաստանի արտգործնախարար Արարատ Միրզոյանը ՌԴ ԱԳ նախարար Սերգեյ Լավրովին կոչ է անում չխառնվել ՀՀ ներքին գործերին։
Հիշեցնենք՝ ՌԴ ԱԳ նախարար Սերգեյ Լավրովն այսօր հայտարարել էր, թե Հայաստանում տեղի ունեցող իրադարձությունները երկրի ներքին գործն են, բայց «եկեղեցու վրա հարձակումները լուրջ մտահոգության առիթ են»։
«Պարոն Լավրովի տեղեկատվությունը ճիշտ և ամբողջական չէ։ Եթե չեմ սխալվում, պարոն Լավրովն օգտագործել է «իշխանությունների պայքար եկեղեցու դեմ» ձևակերպումը։ Հայաստանում չկա իշխանությունների պայքար եկեղեցու դեմ։ Այն, ինչ նկատի ունի պարոն Լավրովը, հավանաբար վերաբերում է եկեղեցական մի քանի գործիչների կողմից ՀՀ քաղաքականությանը խառնվելուն և ապօրինի հեղաշրջման փորձերին մասնակցելու կամ նախաձեռնելու երևույթին։ Սա իրավական պրոցես է և սա Հայաստանի ներքին գործն է։ Պարոն Լավրովն ավելի լավ է չխառնվի ՀՀ ներքին գործերին և ներքին քաղաքականությանը։ ՌԴ և՛ պաշտոնյաները, և՛ խորհրդարանականները, և՛ մեդիա փորձագետները պետք է մեծ հարգանքով վերաբերվեն ՀՀ ինքնիշխանությանը և այլևս երբեք իրենց թույլ չտան խառնվել մեր ներքին գործերին»,-ասաց Արարատ Միրզոյանը։
Մանրամասները՝ տեսանյութում։
